بيجو 208 او ستروين c4 او نيسان تيدا ؟

**dooooz** · 03-01-2014 09:24 PM

السلام عليكم .. انا ناوية اشتري عربية جديدة ان شاء الله و مش عارفة اختار بين التلات عربيات دول .. بيجو 208 و ستروين c4 و نيسان تيدا
اتفرجت عليهم و التلاتة احلى من بعض .. لو حد يقدر يفيدني في المقارنة بينهم يبقى بجد 100 100

**ahmedalaahosny** · 03-01-2014 09:36 PM

التيدا ناجحة ومنتشرة اكتر من الاتنين التانيين وتوكيلها كويس ومش معقدة زي السيتروين و علي راي المثل الالماني اللي تعرفوا احسن من اللي ماتعرفوش

**amr011111** · 03-01-2014 09:40 PM

انتى تقصدى ان كلهم زيرو
طبعاً السيتروين ثم التيدا
البيجو معرفش عنها حاجه
بس السيتروين مش بياعه فى مصر يعنى ممكن تبيعها بعد 4 سنين يقل من تمنها حوالى النص
بخلاف التيدا

**J A G U A R** · 03-01-2014 10:45 PM

بالنسبه للسيتروين اوبشن عالى جدا وشكل مميز مقابل عدم توافر قطع غيار ولو موجوده فى التوكيل هاتكون غاليه وفى اعاده البيع محدش هايشترى
البيجو بردو تقريبا بردو زى السيتروين نفس الكماليات وفيها شاشه تقريبا وطبعا مفيش اعاده بيع وقطع غيار غاليه
التيدا غاليه على سعرها واقلهم اوبشن وشكلا بس سوقها احسن وقطع الغيار مش منتشره بردو اوى

**dooooz** · 07-01-2014 01:35 PM

ميرسي اوي على المعلومااااااات ده كلها بجد :)
هي النيسان فعلا سعرها بقى غالي اكتر من المفروض بس لما سالت في التوكيل قالولي ان الموتور اتغير خالص بقى نفس موتور القشقاي و الجوك عشان كده سعرها زاد اوي ..
بس تقريبا كده هاتوكل على الله و هاجيبها عشان انتوا اكدتولي وو ضحتولي فكرة قطع الغيار الغالية و اعادة البيع اللي بتنقص السعر للنص في الستروين