كماليات بيجو 301

**fady saher** · 04-01-2014 01:17 PM

انهاردة كنت قاعد فاضى فقلت اسال على الكماليات التى يمكن اضافتها الى الفئة الاولى المانيوال في فرع غمرة فقالى الاتي:
1-حساسات الركن صوت فقط 2100 جم
2-جهاز انذار سرينة فقط 5000جم ليس له علاقة بغلق الابواب
3-مثبت السرعة 500 جم
4-السمعات الخلفية قالي بلاش احسن لانها لو ركبت هتشغل الناحية اليمين فقط او الشمال فقط
5-ذراع المالتى فانكشن قالي ممكن يركب بس محتاج يبص على العربية الاول
.
مش عارف ايه رائيكو و بالنسبة لحساسات الركن هل السعر مبالغ فيه خاصة اني سمعت ان في حساسات موجودة بره تعمل بالبلوتوث و ارخص من كده و هل ممكن اخاطر و اركبها برة التوكيل
اما بالنسبة لجهاز الانذار فهل الايموبليزر لوحده كافي

**amrelsaqqa** · 04-01-2014 01:29 PM

4-السمعات الخلفية قالي بلاش احسن لانها لو ركبت هتشغل الناحية اليمين فقط او الشمال فقط

لا تعليق بصراحة !
وحساسات ايه ام 2000 جنيه دى !
وانذار بـ 5000 جنيه !
يعنى المواطن المغفل يدفع 10 الاف جنيه عشان يركب شوية هجص اصلا لا يرقى لمستوى انه يكون رفاهية او كماليات بجد !

**maxx** · 04-01-2014 01:45 PM

قالك Parking Sensor ب 2000 و انذار ب 5000 هههههههههههههههههههههههه

و الله حاجة تضحك D:

التوكيل بيعوض نقطة انه خلي بعض قطع الغيار رخيصة

توكيل فى مصر ... يعني لازم يكون ضارب ايده فى جيب الزبون

انا ادفع الارقام دي عادي جداً ... بس لما اكون جايب BMW أو Mercedes ... مش اقل حاجة فى Peugeot !

**fady saher** · 04-01-2014 01:51 PM

الف شكر يا عمرو على سرعة الرد دايما سباق و ديه عادتك اولا طمنا عليك ياترى خلصت عربيتك و لا لسه و ايه اخبار قطع الغيار استيراد الخارج اصبحت منتشرة شوية فانتم السابقون و نحن الاحقون و ياترى امنت على السيارة
ثانيا مش عايز اقوللك انا استغربت قد ايه و انا باسمع الكلام ده يمكن خلاني اصرف نظر عن تركيبهم و لكن انت مجوبتش على الجزء الثاني هل تركيب الحساسات في الخارج يخرج السيارة من الضمان و لا ملهمش لزمة اصلا اما جهاز الانذار فلو بالسعر ده يبقى قلته احسن.
دراع مثبت السرعة وظيفته ايه و هل هو فعلا يزيد من استهلاك السيارة للبنزين
دراع الوسائط هل هناك داع لتركيبه
و اسف على الطالة

**fady saher** · 04-01-2014 01:57 PM

المشاركة الأصلية كتبت بواسطة maxx

قالك parking sensor ب 2000 و انذار ب 5000 هههههههههههههههههههههههه

و الله حاجة تضحك d:

التوكيل بيعوض نقطة انه خلي بعض قطع الغيار رخيصة

توكيل فى مصر ... يعني لازم يكون ضارب ايده فى جيب الزبون

انا ادفع الارقام دي عادي جداً ... بس لما اكون جايب bmw أو mercedes ... مش اقل حاجة فى peugeot !

متشكرين على الرد و مازلت زيك مزهول لغايوة دلوفتي

**maxx** · 04-01-2014 01:57 PM

العربية هتقعد سنة و التانية بالكتير و الناس تطمن ان مفيش مشاكل فى حاجات كبيرة زي الفتيس و غير (اللي هو اصلا شغال فى عربيات تانية فرنساوي و مفيش مشاكل فيه) ... هيبيعوا ضمان الوكيل ... اخرهم يعملوا الصيانات الدورية هناك علشان يبقي اسمه كان بيعمل الصيانة فى التوكيل بما يجي يبيعها.

**amrelsaqqa** · 04-01-2014 02:01 PM

تسلم ياباشا ع السؤال
انا الحمد لله تمام ، وتقريبا خلصت كل حاجة فاضل حاجات تافهة خالص زي ظبط الزوايا واستعدال قواعد الرفرف ...

القطع بتاعت العفشة كتير منها متشابه مع الـ 207 وعلبة الدركسيون برضو موجودة بس انا ما احتجتش اغيرها الحمد لله

بالنسبة لحساسات الركن بصراحة انا شايف انهم مش مهمين اوى لان انت هتفضل تحافظ على عربيتك وكدة كدة اللى بيركن وراك او قدامك لازم يريحلك عليها وهو بيركن ، ده غير طبعا اي مفاجئة او خبطة غير متوقعة يعنى الواحد يحافظ على الاكصدام من الخرابيش ، وفجأة الاكصدام يتخبط كله ، يبقى عمل ايه .. الكلام ده للاسف ما ينفعش معانا في مصر وبيتهيألى التوكيل هيتلكك على اي لعب في الكهربة ويطلع العربية من الضمان ، على الاقل الواحد يستنى سنتين ولا حاجة ويعمل اللى هو عاوزه بعد كدة ...

بالنسبة لمثبت السرعة انا كنت سمعت واحد بيقول انه على 90 بيستهلك بنزين اكتر من لما تثبت رجلك على 90 ! مش عارف ازاى، ممكن تكون مشكلة فردية او على الاقل مش هتبقى موجودة في المانيوال ، الله اعلم

دراع الوسائط انا مش عارف اصلا هيشتغل ازاى مع الكاسيت البيزلاين ، اعتقد لازم تغيير الكاسيت ولا ايه ؟

بالنسبة للتأمين والله لسة مش عارف هعمل ايه ، لانى مازلت شايف ان التأمين فيه حرمانية ده غير حوارات شركات التأمين يعنى برضه مش حل 100%

**fady saher** · 04-01-2014 02:14 PM

المشاركة الأصلية كتبت بواسطة amrelsaqqa

تسلم ياباشا ع السؤال
انا الحمد لله تمام ، وتقريبا خلصت كل حاجة فاضل حاجات تافهة خالص زي ظبط الزوايا واستعدال قواعد الرفرف ...

القطع بتاعت العفشة كتير منها متشابه مع الـ 207 وعلبة الدركسيون برضو موجودة بس انا ما احتجتش اغيرها الحمد لله

بالنسبة لحساسات الركن بصراحة انا شايف انهم مش مهمين اوى لان انت هتفضل تحافظ على عربيتك وكدة كدة اللى بيركن وراك او قدامك لازم يريحلك عليها وهو بيركن ، ده غير طبعا اي مفاجئة او خبطة غير متوقعة يعنى الواحد يحافظ على الاكصدام من الخرابيش ، وفجأة الاكصدام يتخبط كله ، يبقى عمل ايه .. الكلام ده للاسف ما ينفعش معانا في مصر وبيتهيألى التوكيل هيتلكك على اي لعب في الكهربة ويطلع العربية من الضمان ، على الاقل الواحد يستنى سنتين ولا حاجة ويعمل اللى هو عاوزه بعد كدة ...

بالنسبة لمثبت السرعة انا كنت سمعت واحد بيقول انه على 90 بيستهلك بنزين اكتر من لما تثبت رجلك على 90 ! مش عارف ازاى، ممكن تكون مشكلة فردية او على الاقل مش هتبقى موجودة في المانيوال ، الله اعلم

دراع الوسائط انا مش عارف اصلا هيشتغل ازاى مع الكاسيت البيزلاين ، اعتقد لازم تغيير الكاسيت ولا ايه ؟

بالنسبة للتأمين والله لسة مش عارف هعمل ايه ، لانى مازلت شايف ان التأمين فيه حرمانية ده غير حوارات شركات التأمين يعنى برضه مش حل 100%

طب هو الفرق بين كاسيت البيز لاين و الهاي لاين فعلا كبير يعني يستاهل التغيير و لا ممكن امشى نفسي باي حاجة تشغل الusb

**damasry** · 04-01-2014 02:27 PM

المشاركة الأصلية كتبت بواسطة amrelsaqqa

تسلم ياباشا ع السؤال
انا الحمد لله تمام ، وتقريبا خلصت كل حاجة فاضل حاجات تافهة خالص زي ظبط الزوايا واستعدال قواعد الرفرف ...

القطع بتاعت العفشة كتير منها متشابه مع الـ 207 وعلبة الدركسيون برضو موجودة بس انا ما احتجتش اغيرها الحمد لله

بالنسبة لمثبت السرعة انا كنت سمعت واحد بيقول انه على 90 بيستهلك بنزين اكتر من لما تثبت رجلك على 90 ! مش عارف ازاى، ممكن تكون مشكلة فردية او على الاقل مش هتبقى موجودة في المانيوال ، الله اعلم

الحمدلله ان العربية قربت تخلص والزوايا اعملها فى بريدجستون بس يارب تلاقى مقاساتها فى الكومبيوتر عندهم رغم انى اشك فى ده وعشان كده مضطر تعملها فى التوكيل.

انا يا باشا اللى قولت انها كانت بتستهلك اكتر باستخدام مثبت السرعة :)

فى اقرب فرصة ان شاء الله اجربها تانى بعد تغيير البوجيهات وفلتر البنزين.