اضاءة العدادت ضعيفه لانسر مكوة

**waelawad** · 04-01-2014 07:53 PM

حد يعرف اذاى اعالج مشكله ضعف الأضاءة فى عدادات الانسر المكوة

اشترى عداد جديد ولا ايه :)

**FAR!D** · 04-01-2014 11:58 PM

ضعف الاضاءه ده يرجع لكذا حاجه ممكن تراب دخل ورا لوحه العدادات و طفى نور اللمبات و العدادات نفسها من ورا او ممكن اللمض نفسها تعبت و ضعفت بس الاكيد انك متشتريش تابلوه عشان كده
عندك ححلين:
1- لو ايدك واخده على الشغل في العربيه و الفك والتركيب فيها يبقى تفك لوحه العدادات بنفسك و تنضفها على ايدك وعينك
2-لو مالكش فيها شوف كهربائي ايده حرير عشان ميخربش الدنيا و ينضفها هوا
ملاحظه اخيره :انت حتطلع اللوحه كلها مش حتفكها من بعضها و من ضهر اللوحه حتلاقي قواعد اللمض فكها و نضف او غير وركب و متحاولش تفك العدادات نفسها لانها مقرفه في تركبها

**start_wow** · 05-01-2014 01:01 AM

يافندم حضرتك ممكن تشوف كهربائي كويس وهوا حضرتك يغير اللمض وممكن تغير الوانها كمان سواء كانت في العدادات او التابلوه

**waelawad** · 05-01-2014 01:07 AM

المشاركة الأصلية كتبت بواسطة start_wow

يافندم حضرتك ممكن تشوف كهربائي كويس وهوا حضرتك يغير اللمض وممكن تغير الوانها كمان سواء كانت في العدادات او التابلوه

شكرا لردك ...فعلا انا هعمل بنصحتك ...متشكرين :)

**FAR!D** · 05-01-2014 01:26 AM

بص يا كبير انت كده من اللي فهمته ان لمصك ضعفت و انوار التكييف فيها مشكله بردوا... انا عايز استفسر عن حاجه بالنسبه للمض التكييف هوا اللي باظ البلستكه اللي بتغلف اللمبه و بتدي اللون ولا البلستكه الشفافه اللي بتوزع نور المبه على اكتر من مخرج نور....لانها لو الشفافه فا دي مشكله كبيره حلها الله واعلم لكن لو جت علي الطربوش الملون انت ممكن تغير اللمبه نفسها بالون اللي انت عابزه
وبالنسبه للمض العدادت على ماظن بتتباع عادي بكعبها سبني ادعبسلك على النت شويه و ارد عليك