[OVERLINE]السلام عليكم ورحمة الله وبركاتة
الموضوع وبأختصار ان الاوكتافيا بتاعتي .. بتنزل بسماعتين قدام فقط بالتويتات بتاعتها
لكن ورا فاضي مفيش ولا سماعات ولا تويتات مجرد مكان جاهز
المهم كان معايا مبلغ قولت لما انزل اجيب سماعتين محترمين .. بالتويتات بتاعتها ويبقي عندي ساوند سيستم محترم .. وبدون اي بهرجة
ونزلت جيب الكيليرون ال 270 وات مع التويتات ب 375 جنية
وانا كنت فاكر ان الموضوع Plug and play
الراجل جية يركب قالي مفيش سلك واصل للسماعات ولازم ناخد من الضفيرة
قولتلو الموضوع سهل ولا صعب قالي سهل قولتلو خلاص اتعامل
المهم ابتدي يفك في البلاستيك الي تحت كرسي السواق وبعدين فك المسند الي فية حزام الامان
وراح جية عند السيلك بتاع السماعتين الي قدام
وواخد وصلة مفيش صوت طلع .. في المسند الي فية حزام الامان
لقينا بتاعة مدورة فيها سلكتين .. قالي متهيقلي هما دول جية يركب فيهم مفيش حاجة
مفيش 3 ثواني بالظبط لقيت ريحة شياط بتطلع قولتلو وقف عندك واقفل علي كدة متشكرين مش عايز اركب حاجة
المهم قفل كل حاجة (مع العلم انو مقطعش ولا سيلك واحد ) وبدور العربية
لقيت حاجتين .. نور الصالون كلو فصل .. ولمة الايرباج نورت .. مسكت في زمارة رقبتة
المهم لقينا فيوز (رقم 5 ) محروق روحت جبتو نور الصالون اشتغل
روحت لكهربائي بتاعي قولتلو عالي حصل قالي مفيش غير حلين نعمل ريستارت اشتغل يبقي كان بها
مشتغلتش تتحط عالجهاز .. المهم عملنا ريستارت لقيت لمبة الايرباج والبور نورو .. قولتلو بركاتك :D
حطينا العربية عالكمبيوتر وشغلنا اداني ايرور ان في كهرباء عالية كانت داخلة للعربية
المهم ظبطنا العربية عالجهاز وطفينا اللمض وقفلنا العربية وريستارت وحطيناها تاني الحمد الله كل حاجة اختفت عملنا check .. اكتر من مرة مفيش اي حاجة ظاهرة ولا ايرور واحد الحمد الله
عملنا ريستارت للعربية كمان مرة للتجربة مفيش اي حاجة
فا السؤال هنا .. هل العطل اختفي ؟ ولا انا قفلت لمبة الايرور وبس لكن العطل لسة موجود ؟ للناس الي بتفهم في موضوع الكمبيوتر دة
وارجع اعمل تأكيد اننا عملنا scan check مفيش اي حاجة طلعت
والعربية بقت زي الفل
فا ياريت المناقشة :)
[/OVERLINE][OVERLINE][/OVERLINE]
المفضلات