الموضوع: سكودا فليشيا الرجاء تحديد مشكلة عدم الدواره من المارش او البطارية

لو حركت ترس البندكس بايدك لفوق ولتحت كان بيتحرك بسهوله جدا ولا كان فيه سنه تقل او بطئ لو خفيف جدا وسلس الحركه يبقى كده اتنضف كويس(انا فكيت بتاعى بالكامل وغسلته بمسدس هوا بالبنزين وبقى مظبوط وقفلت وزيتت)
دى نقطه المارش لازم تكون متاكد منها
عند الاداره بتسمع صوت المارش كويس وبتحس انه عفى ولا مش قادر وبيلف بالعافيه(كويس كهربه مش قادر بطاريه)
ولا بتسمع تكه ومفيش صوت بعديها او صوت زنه(يبقى متنضفش المارش كويس)
لو بيلف كويس يبقى انت كده عندك حاجه فى الكهربه(استبعد الاحتمال ده لانك لما بتزق بتدور)
اخر حاجه ان ملفاته حمصت واصبحت غير قادره(العزم)على الاداره او الشرابين وكده احتمال تغيره
انا حاولت اجمعلك كل النقط المرتبطه بالموضوع ده

انا هقول لحضرتك تجربتى لان الصناعيى كان هيسوحنى فى بطاريه جديده ربنا يسامحه انا المارش عندى كنت مثلا اروح مشوار العربيه تبقى سخنه ابطل وادور احس ان المارش بيدور بالعافيه او بيعتل قولت اكيد البطاريه وحشه بعدها بكام يوم ادور اول مره المارش يبقى تمام بعد كده اسمع تكتكه بس اتضح ان الشربون فى المارش فى واحده منهم مكسوره ان شاء الله بسيطه

نسيت اقول لحضرتك انه كلفنى حوالى 120 جنيه لو اعرف كده كنت روحت اشتريت واحد استيراد غيرت 2 جلبه وشربون وطبعا مصنعيه وشحن بطاريه وطبعا بنزين لو طلع فى مشكله احسبها الاول