فلونس 2014 والا نيو سيراتو 2014

**memo_zezo** · 05-01-2014 05:29 PM

السلام عليكم
انا مغترب في السعوديه وناوى باذن الله اشترى عربيه قسط وبعدين ابقى انزل بيها وبفكر في الفلونس او النيو سيراتو الاتنين هاى لاين بس عايز اعرف هل الفلونس في السعوديه بتختلف عن اللى بتنزل مصر؟؟ وايهما افضل فلونس والا سيراتو؟؟ وفى حاجه اخيره هنا وكيل مازدا عامل عرض ممتاز على مازدا 3 2013 عشان الشكل الجديدهينزل خلاص رايكم ايه في المازدا 3 موديل 2013؟؟
شكرا

**saddam** · 05-01-2014 07:48 PM

صديقي المواطن
خليك ماشي صح وسيبك من مازدا وقولا واحدا تجيب فلوانس وتريح نفسك وتشتري برستيجك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**atshe** · 05-01-2014 07:50 PM

قولا واحدا فلوانس

**J A G U A R** · 05-01-2014 08:00 PM

العربيتين محترمين

**atshe** · 05-01-2014 08:51 PM

المشاركة الأصلية كتبت بواسطة memo_zezo

مشكلة الفلوانس ان الشكل من ادام مختلف عن الفيس ليفت الجديد او بمعني اصح متغيرش

طيب ليه مش اوبل ؟

**Gamal.Eid** · 05-01-2014 09:15 PM

انا معاك هنا فى الرياض ومعايا فلوانس 2013 وانصحك تمشى مع اللى ماشى فى البلد هنا السيراتو او الهيونداى لاننا هنا مش ضامنين نفسنا نروح فى اى وقت فتقدر تبيع العربية بسهولة لان الفلوانس مش منتشرة اوى هنا
اما لو كنت حابب تركب فلوانس فهى متختلفش عن اللى فى مصر سوى المقدمة او بمعنى اصح الاكصدام فقط لكنها نفس الابعاد وكل شىء وكمان الخليجى ننازل من 2010 الماتور الجديد حاليا فى مصر موتور النيسان وفتيسها اللى لسه نازل فى موديل 2014 بمصر فمتقلقش ونصيحة اخرى لو مصمم عليها يبقى تجيب الكاملة انا معايا النص وندمت انى مجبتش الكاملة

**Ahmed TRAVCO** · 05-01-2014 09:39 PM

العربيتين حلوين ولو اني بشوف السيراتو اشيك بمراحل (من الداخل والخارج) وخصوصا انها هايلاين... ولو المازدا دخلت في المقارنة يبقى هي افضلهم كعربية ولكن اسوأهم كوكيل في مصر... عايز تمسك العصاية من النص يبقى سيراتو لو متخوف من غبور مع المازدا... وفي نفس الوقت تبقى اخدت عربية شكلها تحفة زي ما قلتلك وافضل في نظري من الفلوانس اجمالا...

**atshe** · 05-01-2014 09:44 PM

انا شايف تشوف بيجو 508 او تويوتا كرولا

**essam assem** · 05-01-2014 11:55 PM

من وجة نظرى هما افضل عربيتن حاليا فى السوق المصرى فىئاتهم طبعا
انا بعد بحث وتحرى ودراسة عميقة اختارت النيو سيراتو واختيارى ليها كان بفرق بسيط جدااااا عن الفلونس واهم الاسباب بالنسبة لى كان اعادة البيع خصوصا انى بغير بسرعة والحاجة التانية توافر قطع الغيار ومراكز الصيانة كان لصالح السيراتو بصراحة
راى اصحاب المعارض ذات نفسهم من خلال حجم المبيعات كان لصالح السيراتو
وبردو حضرتك لازم تاخذ كلام الزميل اللى مع حضرتك فى السعوية راية فى الصميم بصراحة
وربنا يوفقك الى الخير