مشكور ياباشا علي تعبك معانا
رقم العضوية : 25134
تاريخ التسجيل : 13Nov2008
المشاركات : 4,208
النوع : ذكر
الاقامة : مصر
السيارة: -Daihatsu Terios 2000
السيارة[2]: BMW 316
دراجة بخارية: no
الحالة :
بسم الله الرحمن الرحيم
السلام عليكم ورحمة الله وبركاته
أصدقائي الاعزاء وزملائي الكرام
طبعا الكل يعرف كم المعاناة التي عاشها كثير من اصحاب سيارات فولكس واجن - أودي - سكودا من فتيس DSG ومشكلاته المتعددة
واخرها استدعاء ملايين السيارات في بلاد مختلفة أهمها فرنسا - أستراليا - الصين لنفس السبب
وباختصار المشاكل كلها متعلقة بنوع واحد من فتيسات DSG وهو الفتيس الجاف السبع سرعات
seven-speed DSG transaxle (Volkswagen Group internal code: DQ200, parts code prefix: 0AM)
وده بينزل علي المواتير TSI 1400 تربو 122 و 140 حصان
[sor2]http://www.myturbodiesel.com/images/dsg.jpg[/sor2]
[sor2]http://passat-b5.ru/othr/bz/akpp/11.jpg[/sor2]
[sor2]http://i00.i.aliimg.com/img/pb/401/368/396/396368401_967.JPG[/sor2]
المشكلة بتبدا بنتشة مع الغيارات
ثم رزعة او هبدة مع الغيارات ثم تتطور الي تاخير او عدم النقل للغيار الاعلي
وطبعا مفيش حل ليها الا بتغيير الفتيس كامل وده بيتكلف 26 الف جنيه جديد و 12 - 17 الف مستعمل استيراد
كل التقارير السابقة رجحت ان السبب ممكن يكون من الكنترول يونت بتاعة الفتيس (المخ اللي بيتحكم في الفتيس) وفعلا فولكس واجن غيرته بالكامل في 2009 وبعدين ظهرت المشاكل تاني
الاحتمال اللي بعد كده كان بيركز علي ال Mainboard واتقال انها بتتحرق في الحر لكن ده مبيفسرش المشاكل اللي بتحصل للفتيسات اللي فيها Mainboard سليمة
بعد كده فولكس قررت تعمل Update للسوفتوير بتاع الفتس سنة 2011 وتخليه ينقل متاخر عن الاول ولكن المشكلة متحلتش
سنة 2012 تم استدعاء 380 الف سيارة في الصين وعملولها ابديت تاني وكان الغرض انهم يحلو المشكلة لكني اكتشفت ان دي كانت مجرد تجربة من فولكس وكانوا بيجربوا في الصينيين والسوفت الجديد اللي حطوه مكنش لحل المشكلة لكن كان لاختبار الفتيس نفسه تحت احمال مختلفة وكان المقابل علشان يجموا نفسهم لو الموضوع اتكشف انهم عملوا ضمان 10 سنوات علي الفتيس علشان ميبقاش عليهم مسؤلية اخلاقية
والدليل علي كده ان السوفت اللي نزلوه للصينيين متمش تعميمه في اوروبا ولا اي حاجة
طيبين اوي الصينيين دول
ودي في رايي اكبر نصباية في عالم السيارات
بعد كده كل الناس بدات تشك في وحدة الميكاترونكس ودي عبارة عن الوحدة اللي بتدي الاوامر للفتيس وتخليه ينقل وفعلا فولكس عملت عليها تعديلات قبل كده واخرهم 2012 ومعرفش اذا كان في تعديلات بعد كده ولا لأ
وفي موضوع نشرته قبل كده عن استدعاء 6.1 مليون سيارة (حتلاقوه في توقيعي) اكد مدير في فولكس ان السبب في المشاكل هي وحدة الميكاترونكس
وفضل اللغز مستمر .... ايه المشكلة بالضبط في وحدة الميكاترونكس؟
واعتقد ان فولكس مش عارفين
[sor2]http://assets.suredone.com/1517/media-photos/cp004851-dsg-mechatronic-unit-07-09-vw-jetta-gti-r32-mk5-kmx-valve-body-new-oe-2.jpg[/sor2]
وبعدين نزل تعميم عجيب وغريب علي كل فروع فولكس بينصح ان العربيات اللي فيها DSG - DQ200 تبطل تحط زيت فتيس تخليقي وتحط معدني بدلا منه!!!!!!!!!
وده حاجة عجيبة جدا بافتراض ان الزيت التخليقي المفترض افضل بكتير
وده كان اول الخيط اللي وصلنا الحمد لله للسبب
علشان نفهم السبب ححاول اشرح باختصار ازاي الفتيس ده بيشتغل
- الفتيس ده جاف يعني مفهوش زيت خالص
- الزيت الموجود وظيفته الاساسية التبريد وتخليق الضغط الهيدروليكي فقط
- يعني بيمشي في قنوات علشان يخلق ضغط علي صمامات بعينها وهي دي اللي بتنقل من غيار لغيار تاني
- الزيت لا يتعرض لاحتكاك كبير ويجب ان يكون معمر
من كل اللي فات نبدا نستغرب جدا لما كنا بنشوف الزيت بتاع الفتيسات دي بينزل محروق رغم انه مش تحت احتكاك كبير!
والان اليكم السبب الحقيقي الذي ساهم في اكتشافه عقول مصرية خالصة بدون اي خبرات اجنبية
اي نعم انا الدكتوراه بتاعتي من المانيا لكن مصري ابا عن جد والحمد لله
الصورة دي مقسمة 4 اجزاء حنشرحها مع بعض
[sor2]http://s22.postimg.org/g05g6arwx/DSG_valve_body.png[/sor2]
الصورة (1) بتوصح احد الصمامات بتاعة الفتيس بيكون قافل الممر اللي بيعدي منه الزيت في مكان السهم الاحمر - والخط الازرق بيوضح الماسورة او القناة اللي بيمشي فيها الصمام وهي دي ال Valve body وزي ما حضراتكم شايفين الصمام الرمادي متغطي او متعالج بمادة (اللون الاسود) علشان ميكنش في احتكاك وعلشان تحميه من الخدوش وزي ما انتم شايفين في مسافة بسيطة جدا بين الصمام وجسم Valve body علشان يبقي الحركة فيها سهولةوالمفروض ان ميكنش في احتكاك كبير
الصورة (2) بتوضح ازاي الحركة الترددية بتاعة الصمام وانه اتحرك الي الامام علشان يفتح ممر للزيت مكان السهم الاخضر وطبعا بعد شوية في نقلة تانية حيرجع لمكانه ويفضل طالع راجع طول ما العربية بتنقل
الصورة (3) بتوضح ان مع الاستخدام بيحصل تاكل لجسم الصمام كبير نسبيا وناتج عن ان مادة الحماية بتتقشر من عليه وتعمل رايش يعوق حركته ويحشره في ال Valvebody ويعيق ممرات الزيت وده بيسبب احتكاك والاحتكاك يسبب حرارة والحرارة تحرق الزيت ولما الزيت يتحرق كل شئ يبوظ
الصورة (4) بتوضح ان بعد تغيير الزيت 90% من الرايش بيكون تم التخلص منه لكن المشكلة ان الصمامات بقت متاكلة والمسافة بينها وبين الفالف بادي وسعت وبالتالي بيحصل تسريب للضغط ويفضل الفتيس معيوب وبيخرف ولا يمكن اصلاحه الا باستبدال الفالف بادي ووحدة الميكاترونكس كاملة
اي حد لحد هنا يسالني ويقولي طب انت جبت التايهة يا خي ؟؟؟ ما احتا عارفين ان في تاكل!!
لكن الجديد ان السبب الرئيس ليس احتكاك الصمام
وليس فشل مادة الحماية او المعالجة
وليس تقشرها من نفسها
السبب الحقيقي اللي بيؤدي لكل ده هي طريقة صناعة البادي فالف نفسها(القنوات والمواسير) وان سطح قنواته الداخلية هو اللي غير مصقول كفاية وخشن لدرجة انه يؤدي بعد فترة لتلف حتمي للصمامات
ودي نتيجة طريقة الصناعة الخاطئة اللي بتتبعها فولكس علشان توفر التكاليف وانا عن نفسي مش مقتنع انهم عارفين الكلام اللي بنحكي فيه ده وان كانو عارفينه فدي مصيبة اكبر
وده التفسير الوحيد لتوصيتهم باستخدام زيت معدني بدل التخليقي لان الزيت المعدني مش نقي اوي وحيعمل تغطية داخلية وسنفرة وممكن يحسن الاداء وكمان حيتغير علي فترات قليلة
الخلاصة
التصميم الحالي للفتيس سيؤدي لفشل حتمي لوحدة الميكاترونكس بعد فترة (معتمدة علي طريقة وحجم الاهلاك) ولن يمكن تفاديها
ارجو ان اكون قد افدت
تحياتي
خاص وحصري : بالصور والفديو ... تويوتا تطلق اول سيارتين هجين ... تقرير مفصل
اللهم إغفر للمسلمين والمسلمات
رقم العضوية : 152553
تاريخ التسجيل : 01Dec2013
المشاركات : 2,072
النوع : ذكر
الاقامة : القاهرة الجديدة
السيارة: skoda octavia a4
السيارة[2]: هيونداي اكسل
الحالة :
مشكور ياباشا علي تعبك معانا
السن ..16 سنة
رقم العضوية : 83657
تاريخ التسجيل : 16Dec2010
المشاركات : 135
النوع : ذكر
الاقامة : KSA -Alexandria, Egypt
السيارة: Toyota Prado 2013
السيارة[2]: Octavia 2010
دراجة بخارية: لا
الحالة :
شرح رائع .......
شكرا
رقم العضوية : 5313
تاريخ التسجيل : 06Feb2008
المشاركات : 301
النوع : ذكر
الاقامة : Cairo
السيارة: سُبْحَانَ اْلَّذِي سَخَّرَ لَنَا هَذَا وَ مَا كُنَّا ل
السيارة[2]: Seat-IBIZA-2001
دراجة بخارية: no
الحالة :
شكرا يا باشا لحضرتك طيب ايه الحل دلوقتي وعند مين
سبحان الله وبحمده سبحان الله العظيم
SEAT IBIZA MK3 2001 Engine 1.0 8v MPI
رقم العضوية : 74241
تاريخ التسجيل : 30Jun2010
المشاركات : 3,685
النوع : ذكر
الاقامة : Egypt Fayoum
السيارة: ٍSpectra 2002
السيارة[2]: Nubira 1997
دراجة بخارية: No
الحالة :
المهم انت جربتة الموضوع دة
رقم العضوية : 154115
تاريخ التسجيل : 04Jan2014
المشاركات : 46
النوع : ذكر
الاقامة : القاهرة
السيارة: chevrolet aveo 5
السيارة[2]: Hyundai veloster
الحالة :
طيب العيوب دى موجودة فى موديلات 2013 و 2014 ولا لا علشان بفكر اشترى سيات ليون الجديدة :(
رقم العضوية : 13633
تاريخ التسجيل : 26Jun2008
المشاركات : 5,636
النوع : ذكر
الاقامة : Cairo
السيارة: Optra 2007 AT
السيارة[2]: Pegeout 406 2004
دراجة بخارية: لا يوجد
الحالة :
كلام منطقي تجريبه مش حيضر
afrtow سابقاً
[B]
[gdwl] الإمام الشافعي
إني رأيت وقوف الماء يفسده * * * إن ساح طاب وإن لم يجرِ لم يطبِ
والأُسد لولا فراق الأرض ما افترست * * *والسهم لولا فراق القوس لم يصبِ
والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B]
رقم العضوية : 128540
تاريخ التسجيل : 09Aug2012
المشاركات : 3,252
النوع : ذكر
الاقامة : Cairo
السيارة: ...
السيارة[2]: ...
دراجة بخارية: NO
الحالة :
بيعجبني فيك يا باشمهندس انك متابع المشكله دي أول بأول بس مش عارف دي متابعه مهنيه ولا عشان عاجبك عربياتهم وزعلان انها معيوبه ولا الاتتنين. بحييك على تفنيد المشكله وتوضيحها بالصور.
مصر أنت أغلى دره ... فــوق جبين الدهـر غرَّة
يا بلادي عيشي حره ... واسلـمي رغـم الأعــادي
رقم العضوية : 149487
تاريخ التسجيل : 02Oct2013
المشاركات : 10,977
النوع : ذكر
الاقامة : DAMANHOUR , ALEX
السيارة: ♥-♥-♥-♥-♥-♥-♥-♥
السيارة[2]: O---P---T---R---A
دراجة بخارية: ♥♥♥-._.-♥♥♥
الحالة :
شكرا على الموضوع
رقم العضوية : 21515
تاريخ التسجيل : 08Oct2008
المشاركات : 1,618
النوع : ذكر
الاقامة : القاهره
السيارة: .
السيارة[2]: vectra c 2008 HL
دراجة بخارية: .
الحالة :
دا الايزيترونك اختراع بقى
احمد عاشور
لا تنسونا من صالح دعائكم
المفضلات