هتندم لو مجربتهاش

**Moh_Akrab** · 06-01-2014 09:08 PM

يا جماعه بعد حيره شديده جدا شويه افكر في المستعمل وشويه افكر في الزيرو لحد مشفت الاليزيه وركبتها عربيه جاري من ساعتها معرفتش افكر في عربيه تانيه والله بعد مقارنات كتيره جدا وسؤال علي قطع الغيار وسعر اعاده البيع لقيت كل المؤشرات بتقول ان العربيه هتكسب بجد ولحد مكنت واقف بستلمها
كنت خايف اكون اتسرعت لحد مركبت العربيه حسيت بحاجه تانيه خالص انا كنت راكب اوبترا بجد اللي يشتري العربيه مش هيندم

**Ahmed_m7md_A5** · 06-01-2014 09:24 PM

‎‏ ألف مبروك ربنا يديك خيرها و يكفيك شرها ، أنا كنت هموت عليها العربية دي لكن لو عوزت صيانة أو قطع غيار مفيش توكيل أسيوط و المشكلة أن مفيش حد بيفهم في الاوروبي أو حتي عنده جهاز كشف الأعطال ده غير قطع الغيار هي كويسة كأوروبي بس برضه غالية سنة عشان طبيعة مصر الجميلة و أهلها اللي كل واحد لازم يحط بصمته عليها
بس أبشرك أنه في قطع غيار صيني لان ليها مصنع هناك للتوزيع الاسيوي نستني من مستوردينا
ياريت لو نزلت قطع غيار صيني تقولي و لما بتركبوا خمسة العربية بتحك في المطبات
وجبتها منين و بكام ؟

**islam.3bada** · 07-01-2014 12:14 AM

الف مبروووووك يا باشا
ربنا يديك خيرها و يكفيك شرها و يبعد عنك العين
عربية رائعة بكل المقاييس

**Moh_Akrab** · 07-01-2014 09:07 PM

الله يبارك فيك يا باشا العربيه انا جيبها من العالميه للتقسيط المباشر بتاع عبد اللطيف جميل كاش132000 بس انا شريها قسط غايده 10.5%من الاخر لو بحثت في النت التقسيط المباشر لعبد اللطيف جميل هيطلعلك كل الانظمه وطريقه الدفع واختار اللي يناسبك وغي معرض الحاوي للتجاره عنده من غير حجز لو عايزها كاش هتاخدها فوري

**Muhamed Fathi** · 07-01-2014 11:13 PM

الف مبروك يا باشا ربنا يباركلك فيها ويكفيك شرها

**Hussein23** · 08-01-2014 10:58 PM

المشاركة الأصلية كتبت بواسطة moh_akrab

يا جماعه بعد حيره شديده جدا شويه افكر في المستعمل وشويه افكر في الزيرو لحد مشفت الاليزيه وركبتها عربيه جاري من ساعتها معرفتش افكر في عربيه تانيه والله بعد مقارنات كتيره جدا وسؤال علي قطع الغيار وسعر اعاده البيع لقيت كل المؤشرات بتقول ان العربيه هتكسب بجد ولحد مكنت واقف بستلمها
كنت خايف اكون اتسرعت لحد مركبت العربيه حسيت بحاجه تانيه خالص انا كنت راكب اوبترا بجد اللي يشتري العربيه مش هيندم

ألف مبروك ربنا يباركلك فيها و يكفيك شرها