الموضوع: تقسيط لوجان عند المصرية

سياره تقفيل مغربى وتدخل البلد بدون جمارك ودة سعرها كدة كثير فيها . ثمنها فى السعوديه ورومانى مش مغربى تعادل 64.8 الف جنيه علشان تعرفوا التوكيل شافط منكم كام فى كل سياره وتقفيل مغربى مش رومانى

نصحية اللوجان دلوقتي بقت غالية اوي ومبقتش مناسبة لسعرها ... انا رأي تشوف الأيمجراند أو الإنفي ..
انا معايا لوجان بس بنصحك لوجه الله .
ونصيحة اخيرة ابعد عن المصرية حيقلبوك في الفلوس وفي العربية .. ممكن تروح للبنك مباشرة وتاخد القرض من هناك ، اقل فايدة بنك هو بنك ناصر بس لازم تكون موظف حكومة ، روح بنك مصر فايدته 8.2 بس عايز نفس طويل معاهم علشان الموظفين بارديين اوي

المشاركة الأصلية كتبت بواسطة م.أحمد الدسوقي

السلام عليكم

انا كنت عاوز لوجان e2 مانيوال كاملة

سألت في المصرية عندنا في جرين بلازا اسكندرية

ولاقيتها بـ82.5 وسألت علي التقسيط بمقدم 50%

كان الحساب كالاتي

41.250 الف مقدم + 3000 تأمين

والتقسيط

1035 *60 شهر

طيب بمعني انا حدفع 64100 بدلا من 41250 يعني فرق 22850 الف

ازاي بقي ازا كان الفائدة 9%

انا مش عارف بيحسبوها ازاي العالم دي

برجاء لو حد يساعد اجيب منين وبقسيط مش ملعوب فيه

وشكرا ليكم جميعا

كتير 3000 تأمين
وكده انت مقسط علي 5 سنين الفائده 9% في السنه يعني 45% عل 5 سنين ب 18562
غير كده المصريه مش مضمونه اوي


روح احسن عند الطارق ده موزع معتمد
ويكون التقسيط تبع البنك

بمعني انك حتدفع اللي انت عايزه وليك 40000 الف مثلا والباقي البنك يدفعه
وانت تقسط مع البنك عل الفتره اللي عايزها
ومفيش تامين 3000 جنيه ولا حاجه
والفايده اقل مش فاكر كام بالظبط بس تقريبا 8%

ادخل علي الايمجراند وشوف مشاكل التقفيل والاسكاترا اللي بتتكسر عيب صناعة والابواب اللي بعد ما تفك الفرش من جوه تلاقيها مصدية ولمبة التشيك انجين اللي منورة علي طول والتوكيل مش لاقي لها حل ... العربية شكلا من بره كويسة انما برضو يافرحتنا بعربية شكلا كويسة وعفشة مش تمام وتقفيل وتوكيل مش تمام
ده رابط جروب فيه الكلام اللي بقولهولك بالصور من الاعضاء نفسهم ... وبعدين فلوس حضرتك تركبك عربية زي اللوجان كويسة ليه بقي معلش تروح تركب صيني تقفيل مصري !!!
https://www.facebook.com/groups/Emgrand.Club.Egypt/

لو امامى اميجراند ولا لوجان اكيد ها اختار الاميجراند . عربيه صينيه نعم بس من اكبر شركات السيارات الصينيه جيلى تحالف فولفو الاروبيه خبراء صناعه السيارات فى العالم . اسياره اوسع من الداخل وفيها كل الامكانيات وشكلا افضل . اللوجان ال فى مصر دة سياره مغربيه ولا علاقه لرينو بها الا اسمها فقط لانها داشيا الرومانى شكل فقير برة وجوة وسعرها مبالغ فيه . بقولك السيارة تدخل بدون جمارك تقارنها بالسيارة فى السعوديه ورومانى 64.8 الف جنيه . انت فى مصر موصفات وخامات وجودة اقل لانها مغربيه لو تقارنها بالرومانى وتركبها بفارق 20 الف جنيه زياده كدة كثير

بداية حضرتك بتحكي عن اوبشنز ولا بتتكلم علي اعتمادية ولا بتتكلم عن وكيل ولا بتتكلم عن عيوب صناعة اللي انا باعت لك جروب بتاع ملاكها مش جروب او صور انا عاملها ... برضو ادعوا حضرتك تاني انك تخش علي الجروب اللي باعت لك اللينك فيه وتشوف الموضوع علي ارض الواقع يعني ايه اسكاترا تتكسر في عربية زيرو واكتر من عربية مش عربية واحدة ليه هي توتيا ؟ ... يعني ايه افتح الباب بتاع العربية وافك الفرش بتاعه الاقيه مصدي يعني ايه لمبة تشك انجين منورة والتوكيل مش لاقي لها حل احنا بنتكلم علي حاجات عملية من واقع تجارب ملاك السيارة مش افتراء علي حد ادخل حضرتك واقرا كويس احنا بنقيم السيارتين من واقع التجارب مش من البروشور بتاع العربية ... اما قصة رينو ملهاش دعوة باللوجان رينو هي اللي مصممة اللوجان من الاساس وهي مستحوذة علي شركة داتشيا وبتشوف زيها زي اي شركة كبيرة ايه المصانع اللي تقدر تصنع بيها بعمالة رخيصة زي مصنع المغرب وروسيا وداتشيا والهند ومصانع تانية كتير فتنزل باسم داتشيا وتنزل باسم رينو وتنزل باسم نيسان وتنزل باسم ماهيندرا ولادا كمان انما الاصل هي شركة رينو الام هي اللي بتعمل التصميمات وتتنفذ في مصانع هي بتشوف كل دولة ايه العلامة التجارية اللي ناجحة فيها وتنزله فيها انما تصميمات ومواتير رينو هي الموجودة فيها بل ان فيها مكونات نازلة من الميجان وبعضها من الكليو ... وزي ما بقول لحضرتك قيم من التجارب والاعتمادية يعني لما عربية صيني متقفلة في مصر وبنقول الصيني درجات لكن المستورد المصري بينقي اقل جودة في الصيني ويجيبها يضيف عليها بقي عبقريته والحبشتكانات بتاعته والفهلوة ويطلع لك عربية تفتكر شكلها ايه ... اضف لذلك ان تقفيل العربية في مصر هو مش مصنع جيلي معمول في مصر لا ده مصنع غبور يعني هو اللي بيتحكم في كل قطعة هتتحط في العربية ... انما مثلا اللوجان دي مصانع الشركة الام يعني مصنع المغرب ده مصنع رينو مش مصنع شركة مغربية ... مصنع بي ام في مصر وميرسيدس ده مصنع الشركة الام مش مصنع مصري يعني في مواصفات العربية مش هتطلع باقل منها ... وشكرا