الموضوع: دخلت عالم ال ios ومحتاج شويه دعم من مستخدمي الايفون

المشاركة الأصلية كتبت بواسطة أبو آسر

مساء الفل يا باشا وألف مبروك على دخول عالم ios اللي لو اتعودت عليه هتدمنه ومش هتعرف تسيبه وتروح لغيره
ولو ربنا كرمك وعرفت تجيب آيفون 5 أو 5s هتحس بفرق كبير وهيعجبك أكتر من ال4s
أول حاجة بخصوص قفل البرامج مع ال3g مش شايف ليها داعي لأنك ممكن تشترك في عرض إنترنت رخيص زي عرض فودافون 100 ميجا ب15 جنيه شهريا يعني نص جنيه في اليوم ولو مش مكفيينك هتدفع 10 جنيه عليهم بس هتاخد 1 جيجا إضافية ودي هتغرقك طول الشهر ومش هتخلصها
لو مش في دماغك الموضوع ده هحاول أشوفلك شروحات على اليوتيوب أو صور من النت علشان أنا للأسف بعت الآيفون بتاعي من حوالي شهرين واشتريت نوت 3 ودخلت عالم الأندرويد :( فبالتالي مش فاكر الخطوات بالضبط
الحاجة التانية انسى موضوع الitunes وحاول تعلم على الأوبشن اللي بيلغي الsync بين البرنامج والجهاز زي ما في الشرح ده
How to Stop iTunes Auto Syncing When You Connect iPhone, iPad or iPod Touch
واتعامل مع البرنامج ده هيريحك جدا وسهل وخفيف وسريع أفضل من تعقيد الitunes
iTools One-stop manager of your iPhone, iPad & iPod Touch
بخصوص البرامج لو قصدك التطبيقات فالأفضل تدخل app store وتشوف أعلى تقييمات وتحميلات للتطبيقات وتختار الأنسب ليك لأن كل واحد بيبقى لي اهتمامات معينة وغالبا نفس البرامج اللي كنت بتحتاجها على الGoogle play هتلاقيها هي هي على الapp store ويمكن أفضل شوية كمان
بخصوص القوائم الغريبة ياريت تقولنا بتقول إيه بالضبط علشان نقدر نفيدك
آخر حاجة كويس إنك لغيت الجيل بريك أنا مش بحبه بصراحة وشايف إن الجهاز مش محتاجه والتطبيقات معظمها متوفر مجانا على الapp store
برده تابع الموقع ده مفيد وهيفيدك في حاجات كتير
آي-فون إسلام | تطبيقات و أخبار الأيفون، الأيبود تاتش و الأيباد

انا مش عارف اشكرك ازاي علي اهتمامك والشرح الوافي ده ربنا يجعله في ميزان حسناتك
ويقدرني واردهولك في حاجه تنفعك

عاوز اقولك اني في اقل من اسبوع ادمنته ههههههههه
وبحاول اشوف واحد 5 بس عموما مش فارقه معايا كتير لاني مش بحتاج الموبايل غير في المكالمات ولو فيه اي اوبشن تاني يبقي فضل ونعمه من ربنا
بخصوص النت فانا كل حته متواجد فيها فيها واي فاي
بس بصراحه موبينيل بتديني 30 جنيه رصيد مجاني ههههههههه فوق المكالمات وليا بيهم 100 ميجا نت في الشهر الباقات والحاجات دي انا مش محتاجها حاليا مع اني عندي عالكمبيوتر سبورت موبينيل بتاع الباقات وتحويل الخطوط (:
ولقيت فعلا الاوبشن اللي سالت حضرتك عليه في قايمه cellular بتحدد فيه ايه الابليكيشن اللي يشتغل مع انترنت الموبايل
انا عملت زي اللينك فعلا ولغيت الsync من الايتونز
والبرامج دي عندي فعلا وبتغني عن وجع القلب بتاع الايتيونز وقرفه
بخصوص البرامج اللي بحتاجها بقي
فمش عاوز اقولك ههههههه
انا اخري برامج اتصال ومش بتصل بحد منهم اصلا (:
وحطيت 4 نغمات بحالهم كانو علي تليفوني القديم (:
ومحطيتش ولا صوره (:
بس وهمي في الالعاب
واكتر حاجه عاجباني ان فيه رقابه علي البرامج اللي بتنزل علي االستور بتاعه الاندرويد مفيهوش نفس الرقابه
هي حاجه تافهه اينعم بس بحس انها فارقه معايا شويه

وبجد انا مش عارف اشكرك ازاي علي معلوماتك دي (:

المشاركة الأصلية كتبت بواسطة Music DJ

بما ان حضرتك شغال في التليفونات من فترة ممكن تقولى ال 4s معاة العلبة وحاجتة كولها يعمل فى حدود كام لانى عاوز اشترى ومش عارف السعر فى حدود كام بس مش الاسعار الى على النت السعر الطبيعى الى اشترية ولو حبيت ابيعة بعدها بشهر ولا حاجة مخسرش كتير

والله انا مش بشتغل في المستعمل والبيع والشرا يا باشا
انا شغلي برمجه وشفرات والحاجات دي
الجهاز ده كان مع واحد صاحبي وانا اخدته منه
ابسط طريقه علشان تقدر تسعر جهاز
انك تاخد صاحبه في ايدك وتدخل محل وتقوله انك عاوز تبيعه وشوف حيقولك كام وتزود عليهم من 10 ل20 % من تمن الجهاز وتاخده من صاحبه النسبه دي هي مكسب صاحب المحل في الجهاز
وخد بالك ان ممكن تشتري جهاز وبعد ما تنزله سوفت وير لاي سبب تلاقيه طالب ايميل وباسوورد
ودا يكون اكاونت icloud صاحب الجهاز عامله تتبع بيه ويقدر يمسحه ويقفله ولو حضرتك متعرفهوش الجهاز حيتحول لخرده تبيعه قطع غيار فقط لا غير
لانه بيقفل الاكتيفيشن بتاعه من سيرفر apple نفسه مش من التليفون

المشاركة الأصلية كتبت بواسطة jackson_75

متابع

منور

المشاركة الأصلية كتبت بواسطة matrix_it

الف مبروووك

الله يبارك فيك يا باشا

المشاركة الأصلية كتبت بواسطة SHNORY

انا مش عارف اشكرك ازاي علي اهتمامك والشرح الوافي ده ربنا يجعله في ميزان حسناتك
ويقدرني واردهولك في حاجه تنفعك

عاوز اقولك اني في اقل من اسبوع ادمنته ههههههههه
وبحاول اشوف واحد 5 بس عموما مش فارقه معايا كتير لاني مش بحتاج الموبايل غير في المكالمات ولو فيه اي اوبشن تاني يبقي فضل ونعمه من ربنا
بخصوص النت فانا كل حته متواجد فيها فيها واي فاي
بس بصراحه موبينيل بتديني 30 جنيه رصيد مجاني ههههههههه فوق المكالمات وليا بيهم 100 ميجا نت في الشهر الباقات والحاجات دي انا مش محتاجها حاليا مع اني عندي عالكمبيوتر سبورت موبينيل بتاع الباقات وتحويل الخطوط (:
ولقيت فعلا الاوبشن اللي سالت حضرتك عليه في قايمه cellular بتحدد فيه ايه الابليكيشن اللي يشتغل مع انترنت الموبايل
انا عملت زي اللينك فعلا ولغيت الsync من الايتونز
والبرامج دي عندي فعلا وبتغني عن وجع القلب بتاع الايتيونز وقرفه
بخصوص البرامج اللي بحتاجها بقي
فمش عاوز اقولك ههههههه
انا اخري برامج اتصال ومش بتصل بحد منهم اصلا (:
وحطيت 4 نغمات بحالهم كانو علي تليفوني القديم (:
ومحطيتش ولا صوره (:
بس وهمي في الالعاب
واكتر حاجه عاجباني ان فيه رقابه علي البرامج اللي بتنزل علي االستور بتاعه الاندرويد مفيهوش نفس الرقابه
هي حاجه تافهه اينعم بس بحس انها فارقه معايا شويه

وبجد انا مش عارف اشكرك ازاي علي معلوماتك دي (:

العفو يا شنوري باشا أنا معملتش حاجة
ولو احتجت أي حاجة متترددش واسأل علطول
الآيفون 5 ميزته إنك هتحس بفرق جامد في الوزن بينه وبين ال4s زائد الشاشة أطول بطول سطر أيكونات زيادة وأرفع كمان حاجة متعة كده بس كان نفسي يعملوا شاشة أكبر كمان زي النوت 3 علشان أنا من هواة الشاشات الضخمة وده السبب الوحيد اللي خلاني أبيع الآيفون وأشتري النوت 3 لكن طبعا بالنسبة لي الآيفون والios لا يقارن بالأندرويد وبأجهزة سامسونج وفعلا أكبر ميزة في الios هو موضوع الرقابة على التطبيقات وأيام ما كان معايا الآيفون لا كان بيطلعلي إعلانات مزعجة على واجهة الجهاز ! ولا فيروسات ولا الهوا تحس كده إنها برامج متنقية على الفرازة مش العك بتاع الأندرويد حتى البرامج اللي موجودة على النظامين تلاقيها أحسن بكتير وأقل مشاكل في الios منها في الأندرويد
عموما ألف مبروك مرة تانية واوعى تفكر ترجع للأندرويد تاني