Rpm كورولا 2014 علي سرعة 100 كم/س صورة

**Mohamed.Hany** · 08-01-2014 10:06 PM

بسم الله الرحمن الرحيم

النهاردة وانا راجع من الشغل علي الدائرى, حبيت اجرب الكروز كنترول .
كنت عاوز اظبطه علي سرعة 100 كم/س بس مركزتش لأن كل مظبته الاقي عربية قدامي اضطر افرمل واعمله تاني مع مسكة الموبايل عشان التصوير ,المهم اتظبط علي ازيد من 100 بشوية يمكن 104 كم/س و ال RPM كان جايب اقل من 2 حوالي 1.9.
مع العلم اني مش بفتح الشباك فكنت غصب عني مشغل التكييف علي الضباب الامامي عشان الشبورة بتتكون علي الزجاج الامامي و مبشفش حاجة.
اعتقد لو ظبطه علي سرعة 100 كم/س بالضبط و الطريق طوالي و قفلت التكييف هتبقي علي RPM 1.8 ويمكن اقل كمان.
بصراحة العربية بتبقي مستريحة قوى و كمان رد فعل الفتيس قوي جدا لو كبست حتي كبسة خفيفة بدون سبورد موود وديه ميزة الفتيس ال CVT بيديك اقوي عزم عند الار بي ام اللي انت عنده حاليا . و معلومة اكيدة مفيش كيك داون وهو مش محتاج الصراحة.
اسف ان الصورة مهزوزة شوية:

**iUsef** · 08-01-2014 10:17 PM

يبقي كده معدل بنزين ممتاز والموتور هيبقي مرتاح اكتر
ال cvt فعلاً اختراع فاضل بس معدل تسارع يبقي اعلي شويه ويبقي اقوي من dsg

**Mohamed.Hany** · 08-01-2014 10:46 PM

المشاركة الأصلية كتبت بواسطة iusef

يبقي كده معدل بنزين ممتاز والموتور هيبقي مرتاح اكتر
ال cvt فعلاً اختراع فاضل بس معدل تسارع يبقي اعلي شويه ويبقي اقوي من dsg

معدل التسارع شايفه جيد جدا , خصوصا استجابته عند الار بي ام اللي انت كبست بنزين عنده بيديك اقصي عزم و حاسس كمان ان عزم العربية عالي عند الار بي ام المنخفض.

**bassem.naguib** · 09-01-2014 08:40 AM

بسم الله ما شاء الله يا أ/ محمد

بس ليا ملحوظتين خارج الموضوع :

1) بلاش التجارب دي وأنت بتصور على طرق مزدحمة نسبياً ومعدلات الأمان فيها مش عالية سواء من الطريق نفسه أو من السواقين اللي عليه .
2) يا ريت حضرتك وأنت بتنزل الصور في المنتدى تراعي تصغيرها للحجم المناسب علشان فتح الموضوع ميبقاش تقيل ومكبر الصفحة قوي .

http://www.nilemotors.net/Nile/317711-a.html

**Mohamed.Hany** · 09-01-2014 01:49 PM

المشاركة الأصلية كتبت بواسطة bassem.naguib

بسم الله ما شاء الله يا أ/ محمد

بس ليا ملحوظتين خارج الموضوع :

1) بلاش التجارب دي وأنت بتصور على طرق مزدحمة نسبياً ومعدلات الأمان فيها مش عالية سواء من الطريق نفسه أو من السواقين اللي عليه .
2) يا ريت حضرتك وأنت بتنزل الصور في المنتدى تراعي تصغيرها للحجم المناسب علشان فتح الموضوع ميبقاش تقيل ومكبر الصفحة قوي .

http://www.nilemotors.net/nile/317711-a.html

ياباسم باشا نحن فداء للمنتدي

بالنسبة للصورة انا بعملها رابط منتديات كل مرة بس مش عارف حصل ايه المرة دى

**bassem.naguib** · 09-01-2014 05:44 PM

ربنا يخليك يا باشا .. بس الأهم سلامتك أولاً وقبل أي شيء

بالنسبة لموضوع الصور .. أنا بقولك متخمش كل مواضيعك اللي فيها صور بتبقى تقيلة في فتحها .. وصغر حجم الصور وابعادها بعد كدة