دواسات تويوتا كورولا الاصليه

**Ahmed Khalifa** · 09-01-2014 10:23 AM

حد يعرف الدواسات الاصليه الى فيها مكان للكلبس بتتباع فين وبكام
فى التوكيل مش موجوده وسالت فى المهندسين برضه مش موجوده

**OilMan** · 09-01-2014 11:12 AM

حتنزل فى التوكيل قريب وحتعمل حوالى 550 جنيه

**abofandy** · 09-01-2014 11:38 AM

مش فارقة كتير صدقنى
انا اشتريت دوسات تويوتا برضة بحوالى 150 او 180 جنية نفس الاصلية بالضبط حتى يمكن خامتها احلى من الاصلية بس مفهاش مكان لكلبسات وانا شايف ان فائدة الكلبس الوحيدة انها بتمسك الدواسة ف الارضية تمنعها من الحركة ودة مبيحصلش معايا خالص ف الدواسة العادية يبقى المحصلة الاتنين واحد ووفر فلوسك وهبقى اصورهم ليك وانت تحكم بنفسك

**abofandy** · 09-01-2014 12:11 PM

حبيبى ربنا يكرمك يارب ويعزك
احنا هنا كلنا في خدمه بعض والى جرب حاجة يحكى للتانى عليها علشان تعم الفائدة
وبينى وبينك لية يعنى اجيب دوسات ب 500 جنية او اكتر بصراحة شايفها اوووووفر اوى
وبعدين دى دوسات يا صاحبى بيداس عليها بالارجل يعنى لو نوع جلد كويس ومرسوم عليه تويوتا ولون الفرش هتبقى تمام اوى وسعرها هيبقى كويس وعلى قد المعقول والجيب

ووفر الفلوس دى تجيب بيها فرش جلد محترم للعربية من التوكيل اقولك ماشى لو سعره يبدا من 550 لحد 900 دة اقولك ادفع فيه ماشى انما دوسات مش فارقة كتير اصل الاصلية مبتزدش الا مكان للكلبس لعدم الانزلاق والحركه ودة مبيحصلش في العادية يبقى المحصلة واحد

صباح الفل يا صديقى العزيز
ومليون مبروك على العروسة وربنا يحفظهالك يارب ومتنساس يا تدبح يا تطلع عليها حاجة علشان العين
وتبقى تدينى لفه كدة بقى هههههه