تأثير زيت الباور على دورة الوقود و المحرك

**م أحمد** · 09-01-2014 01:57 PM

كان فى أخ محترم عنده بيحو 605 موديل 95 تقريبا كان بيستخدم بصورة دورية زيت الباور (1/4 لتر) على التفويلة لتنظيف دورة الوقود بالكامل بما فيهم الطلمبة و الرشاشات و حساس الاكسجين نفسه ، و قال ان دى طريقة ناجعة

حد جرب زيه ؟ او يعرف ((((بالمعادلات)))) و أقصد بذلك عن علم ، تركيب زيت الباور و تأثيره على البنزين و نواتج احتراقه ؟

**dr/hamza** · 09-01-2014 02:05 PM

جديدة دى..

**م أحمد** · 09-01-2014 02:56 PM

لسه بقرأ فى موضوع علبة البيئة بتاعة و ال catalyzer الموجودة فيها و اهميته للحفاظ على البيئة و معادلات اتحاده مع نواتج الوقود لقيت معلومة مهمة اوى

ان اللى يبوظ ال catalyzer و هو مصنوع من مواد اغلى من الذهب :

الرصاص (أوكتان بنزين قليل او احتراق غير كامل) - الفوسفور - السيليكون - زيت الموتور الغير محترق نتيجة تلف شنابر

يبقى و الله أعلم اى نوع زيت تانى زى زيت الباور ممكن يبوظ العلبة دى

عمر العلبة الافتراضى من 130 الى 150 ألف كيلومتر علشان كدة اللى بيشتكى من رسالة ال antipollution fault بتيقى سياراتهم فى هذا المدى الكيلومترى

بالمناسبة أيضا كاتبين ال catalyzer ممكن يتنظف او يتعالج

**akmm** · 09-01-2014 03:00 PM

متابع .................

**م أحمد** · 11-01-2014 09:10 AM

بعد بحث قصير تبينت الحقائق التالية:
معظم زيوت الباور مشتقات بترولية وليست زيوت صناعية مخلقة
الزيت بيتحد مع البنزين و يدوب فيه لان اساسهم واحد
درجة احتراقه اقل من درجة حرارة غرفة الاحتراق يعنى بيتحرف ويخرج كعادم
زيت الباور يباع ايضا ك ك top end lubricant او cylinder head lubricant
بالنسبة للمواتير الديزل ايضا يقوم بعمل تشحيم للطلمبة و الصبابات و الحاقن( كلام ناس شغالة على شاحنات)
شبيه ايضا بالموتيسكلات التى ليس لها دورة زيت فيقوم السائق بصب كمية من الزيت مع التفويلة كنوع من ال top end lubrication
العيوب ناتج احتراق ملىء بالهيدروكربونات الملوثة للبيئة مما يعد اجهاد على علبة البيءة باهظة الثمن

الخلاصة انه ينفع كتشحيم لعناصر فى دورة الوقود لانه كما قال صاحب العربية المذكورة اصبحت انعم و التسقيف راح منها ولا يصلح كمنظف