محتاج مشوره حول جهاز انذار

**sanhoty2000** · 09-01-2014 07:17 PM

تحيه طيبه على اخواتى و على المنتدى وبعد
جاهز انذار
طبعا كلنا اكيد قرانا المواضيع بتاعت اخوتنا اللى كانو هيفقدو سيارتهم بسبب حالة الفوضى و الانفلات الامنى الكبيييييييييييير اللى مصر عيشه دلوقتى ولو قدر الله وحد وقع فى موضوع سرقة سيارته سواء بالاكراه (وانت ماشى ناس تثبتك وانت ماشى فى الطريق تحت تهديد السلاح و مصيبه سوده لو حصل ده اونت معاك اهل بيتك بتبقى مش عارف تعمل ايه .....او العربيه تتاخد من تحت بيتك او اى شئ من هذا القبيل

المهم ندخل فى الموضوع وربنا يكفينا شر ولاد الحرام و الحراميه و البلطجيه ...........

فى جهاز قريت عنه انك عن طريق الجهاز ده تقدر تتحكم فى العربيه عن طريق الموبيل ومش موبيلك انت بالاخص (عشان لو الموضوع حصل واتقلبت واتاخد منك كل حاجه حتى الموبيل ) ممكن عن طريق اى موبيل عن طريق ارسال رساله الى السياره يقوم الجهاز بفصل السياره من (كهرباء+بنزين+مارش) يعنى شلل تام للسياره وعلى حسب كلام الراجل انهم لو اتشقلبو العربيه مش هتدور غير بالكود اللى انتى بس حافظه حتى لو حتى فكو البطاريه او عملو ريسيت للعربيه مش هتشتغل الا عن طريق الكود الخاص بيك انت

وده امكانيات الجهاز

حماية السيارة من السرقة عن طريق الموبايل

جهاز انذار للسيارات | أقوى جهاز انذار فى مصر |ضمان لمدة عام

و لذلك حماية السيارة من السرقة يتطلب جهاز إنذار للسيارة أو جهاز ضد السرقة
و للحل من سرقة السيارات جهاز انذار

وكالة الاتحاد الاوروبى

جهاز حماية السيارة من السرقة عن طريق الموبايل

تعريف جهاز

(حماية السيارة من السرقة عن طريق الموبايل )
************************************
هو عبارة عن جهاز إنذار السيارات و الذي يمكنك عن طريقة معرفة أي مشكلة تتعرض لها السيارة و أنت في مكان آخر عن طريق الهاتف فهو يعتبر من أهم الأجهزة الموجودة في مصر حيث لا يوجد جهاز إنذار مثل جهاز إنذار السيارات
يحتاج تشغيل (حماية السيارة من السرقة عن طريق الموبايل )
إلى رقم خاص منفصل أي شريحة خاصة له
- يعمل جهاز (حماية السيارة من السرقة عن طريق الموبايل) على إيقاف السيارة من خلال الاتصال من موبايلك في حالة سرقتها ومن أي موقع داخل مصر عن طريق ارسال رسائل خاصة الى موبايللك

فصل الدائرة الكهربائية و دائرة الوقود فى حالة السرقة

- وجود نظام الحماية المسبقة قبل السرقة

يقوم الجهاز بأرسال رسائل تحذيرية لهاتفك النقال فورا عند محاولة سرقة السيارة أو فتح أي من أبوابها الأمامية أو الخلفية أو الجانبية أو صدمها من قبل سيارة أخرى وهي متوقفة .

عند أستقبالك الرسائل من جهاز حماية السيارة من السرقة عن طريق الموبايل يمكن فصل الكهرباء و البنزين عن السيارة فورا من خلال الموبايل .

- التحكم في خدمات السيارة ( الأبواب – الشنطه ) عن طريق الريموت كنترول المرفق بالجهاز .

-يقوم جهاز (حماية السيارة من السرقة عن طريق الموبايل ) التحكم في سماع من بداخل السيارة بتشغيل الميكروفون الداخلي عن طريق ارسال رسالة خاصة للجهاز ثم الاتصال بالخط الموجود بالجهاز فيتم فتح الخط اتوماتيكيا و سماع ما يدور بالسيارة .

- يقوم جهاز (حماية السيارة من السرقة عن طريق الموبايل) بفتح باب السيارة بالموبايل في حالة نسيان مفاتيح السيارة أو الريموت بالداخل .
- يمكن جهاز حماية السيارة من السرقة عن طريق الموبايل مالك السيارة من التحكم بالسيارة من تشغيل محرك السيارة و تعطيل محرك السيارة من خلال الموبايل من أى مكان بالعالم

- لكل جهاز رقم سرّي يفسح المجال للتحكم بوظائف الجهاز وللعميل الحرية في تغيير الرقم السرّي متى شاء

- جهاز (حماية السيارة من السرقة عن طريق الموبايل ) بالتحكم فى السيارة من على بعد وفتح وغلق السيارة عن طريق الموبيل .
- الجهاز مزود ببطارية احتياطية يجعلة قادر على العمل عند انقطاع التيار من المصر الرئيسى لمدة 48 ساعة أضافية .

أمكانية تحديد احداثيات السيارة من حيث الموقع و السرعة و حالة المحرك يعمل او لا يعمل أو فى حالة ترك الابواب مفتوحة أو مغلقة مغلقه دون الحاجه للموقع الخاص بالأجهزه عن طريق الهاتف المحمول حيث يقوم المستخدم بالأتصال برقم شريحه المحمول الموجوده بالجهاز فيقوم الجهازأتوماتيكيا بأرسال رساله على الهاتف المحمول للمستخدم تحتوى على جميع البيانات السابقه و معها رابط لموقع جوجل بمجرد الضغط عليه يقوم بأظهار مكان تواجد المركبه.
_فى حاله الحوادث الشديده لا قدر الله يقوم الجهاز بأرسال رساله على هاتف المستخدم الأساسى كذلك على أرقام الهواتف المسجله لديه
أمكانية تحديد سرعة السيارة اقصوى فيتم ارسال رسالة تحذيرية للمستخدم الاساسى و بذلك يمكن التحكم فى السرعات عن طريق الجهاز

- الجهاز لايتسبب فى اخراج السيرة من الضمان .

خصائص موقع المتابعه الخاص بالأجهزه:

_مراقبه و معرفه سرعه المركبه و تحديد موقعها بدقه متناهيه بشكل لحظى و مباشر.
_أمكانيه تحديد مناطق جغرافيه محظوره و مناطق ترقب وصول عند خرق المركبه لهذه المناطق أو الوصول لمناطق الترقب يقوم
الجهاز بأرسال رساله تحذيريه على هاتف المستخدم الأساسى كذلك على أرقام الهواتف المسجله لديه من قبل المستخدم الأساسى و يمكن
عدم تفعيل خاصيه الرسائل و الأكتفاء بالتقارير اللتى يقوم الموقع بأعدادها فى هذا الشأن.
_ الحصول على تقارير خاصه بسرعه المركبات و خرائط رسم بيانى لها.
_ أمكانيه قياس المسافه بين موقع المركبه الحالى و أى نقطه أخرى على الخريطه بالكيلومتر.
_الحصول على تقارير خاصه بعدد ساعات القياده و عدد ساعات التوقف للمركبات.
_الحصول على تقارير تفيد بخط سير المركبه السابق.
_ضمان حركه المركبات لأفضل خط سير و تقليص عدد الكيلومترات الغير ضروريه .
_أمكانيه أعاده مشاهده خط سير المركبه السابق من خلال فيديو مفصل.
_ مراقبه توقف المركبات لفترات طويله أثناء التشغيل.
_خفض تكلفه الأتصالات الهاتفيه لمتباعه أداء الأسطول.

_توفير المعلومات اللازمه عن توقيت وصول المركبات مواقع العملاء و كذلك توقيت مغادرتها.
_مقارنه وقت التوقف و وقت العمل لأغراض محاسبيه كذلك ذياده التواصل مع المركبه و توفير معلومات دقيقه للعملاء.
_يمكن أعداد و طباعه كافه التقارير اللتى يوفرها الموقع بأثر رجعى لمده سته أشهر كذلك يمكن حفظها على جهاز الكمبيوتر.
_وجود أكثر من خريطه و أمكانيه أظهارها بأكثر من شكل بحسب ما يريح عين المستخدم فى الرؤيه
_يتوفر لكل مستخدم أسم تعريفى و رقم سرى خاص به يمكنونه من الدخول على الموقع طوال الوقت لمتابعه أداء أسطوله.
صلاحيه الجهاز:
يصلح الجهاز لكافه أنواع المركبات بجميع فئاتها.
تستغرق عمليه تركيب الجهاز فى المتوسط نصف ساعه.

يقوم بتركيب جهاز الانذار حماية السيارة من السرقة عن طريق الموبايل فنيين على أعلى مستوى من الكفاءة و المهارة و يعملون فى كبرى شركات السيارات فى مصر بحيث يتم التركيب بالسيارة فى مدة أقل من ساعة

**sanhoty2000** · 09-01-2014 07:22 PM

حد عنده فكره عن الجاهز ده
حد جربه
لو عاجبكم ممكن نستفيد كلها منه ونحاول نجيب خصم ده طبعا بعد اذن ادارة المنتدى باسم المنتدى
على فكره الجهاز سعره 1500 جنيه
بس مش خسار فى المحافظه على العربيه وعلى انفسنا من البلطجيه واعرف كويس محدش هيجيبلك حقك غيرك
ارجو التواصل للافادة لنا جميعا
ربنا يكفينا شر النفوس

**صبرى ابراهيم** · 09-01-2014 07:47 PM

انا عايز واحد بس ياريت يكون زي الكلام المكتوب وميكنش كلام وبس

**sanhoty2000** · 09-01-2014 09:19 PM

لا الجهاز لا يخرج السياره من الضمان على حسب قول الشركه
وكمان عاوزين لو هناخد من الشركه دى ناخد منهم خصم لعملاء نايل موتورز
ايه راى الرجاله اللى معانا فى المنتدى

**Khaled Lanos** · 10-01-2014 02:30 AM

هو لو بالمواصفات دي وفيه جي بي إس يبقى جهاز برنس الصراحة.

**islam_a** · 10-01-2014 04:27 AM

يا جماعة بناء على تجربة شخصية في تركيب الجهاز احب اوضح كام نقطة
1- الجهاز اكيد بيخرج العربية من الضمان لانه بيركب على الضفيرة و منه سلك لعلبة الفيوزات و الكتاوت
2- فك الجهاز لواحد متمرس مش محتاج اكتر من 10 دقائق و تكون كل حاجة رجعت زي ما كانت بس لازم يكون عارف الجهاز محطوط فين
3- اذا الجهاز اتفك من العربية كل حاجة حاترجع طبيعية و العربية حاتشتغل عادي جدا
4- الجهاز ممتاز طول ما هو مخفي بحرفية و شغال

**sanhoty2000** · 10-01-2014 11:44 AM

اسلام باشا انت جربته ؟؟
لو جربته ياريت تحكى تجربتك
وطبعا الاخفاء ده لازم يكون فى مكان مخفى وصعب التفكير فيه اللى بيسرق عربيه مش هيقعد يدور فيها جهاز الانذار راكب فين المهم محدش ياخد منك عربيتك اللى هى فلوسك اللى الواحد تعبان فيها سواء كانت عربيتك او عربية والدك
وربنا يسترها على الجميع
وبخصوص التوكيل انا فى رايئ منعول ابو التوكيل لو موفقش لو العربيه اتسرقة التوكيل مش هيعملك حاجه وبرده تقدر تظبها مع التوكيل

**islam_a** · 10-01-2014 02:03 PM

المشاركة الأصلية كتبت بواسطة sanhoty2000

اسلام باشا انت جربته ؟؟
لو جربته ياريت تحكى تجربتك
وطبعا الاخفاء ده لازم يكون فى مكان مخفى وصعب التفكير فيه اللى بيسرق عربيه مش هيقعد يدور فيها جهاز الانذار راكب فين المهم محدش ياخد منك عربيتك اللى هى فلوسك اللى الواحد تعبان فيها سواء كانت عربيتك او عربية والدك
وربنا يسترها على الجميع
وبخصوص التوكيل انا فى رايئ منعول ابو التوكيل لو موفقش لو العربيه اتسرقة التوكيل مش هيعملك حاجه وبرده تقدر تظبها مع التوكيل

ايوة يا باشا جربته و كان راكب في عربيتي
الجهاز ببساطة بيحتاج سيم كارد يكون فيها رصيد و تكون تقدر تدخل على الانترنت ( ماينفعش شريحة انترنت بس Data sim)
.. الرصيد لانها بتحتاج تبعت رسائل على موبايل صاحبها اذا اتغير اي حاجة من المحدد لها ( ممكن تحدد ساعات معينه للعمل او منطقة معينة ماتخرجش براها او حتى فتح الباب)
اما الانترنت فهو اللي من خلاله حضرتك بتقدر تحدد موقعها عن طريق البرنامج او بمعنى اصح الموقع اللي الشركة المصنعة مخصصاه للتحكم و تظبيط اعدادات الاجهزة
..ليه ماينفعش شريحة انترنت؟ لان شريحة الانترنت مابتستقبلش مكالمات و علشان حضرتك تقدر تسمع اللي بيدور في العربية بتتصل بالجهاز مكالمة عادية من غير ما يرن جرس في العربية، الجهاز بيفتح الخط اوتوماتيك
الجهاز في حجم علبة السجاير بس بيطلع منه شوية اسلاك محترمين اللي يهم حضرتك منهم 3 و دول غالبا لازم يكونوا ظاهرين.. 1 سلك ايريال GSM antenna و 1 سلك ايريال GPS antenna و 1 سلك مايك ... كل الايريال حجمهم صغير لكن لازم يكونوا قريبين من الزجاج و المايك طبعا علشان يبقى الصوت واضح
الجهاز بيتوصل على بطارية العربية و بيكون فيه بطارية داخلية تشغله كام ساعة علشان لو بطارية العربية اتشالت
انا كنت موصل الجهاز على كتاوت طرمبة البنزين علشان احافظ على العربية قدر المستطاع ( تخيل حضرتك وقفت العربية بدون سابق انذار على طريق سريع مثلا و مافيش فرامل )
ده اللي فاكره دلوقتي و لو في اي استفسارات انا تحت امر حضرتك

**sanhoty2000** · 10-01-2014 02:53 PM

بس انا لما كلمت الشركه قالى شريحه عاديه يعنى مش لازم اشترك فيها انترنت
فى جهاز زيه بس عامل 750 جنيه بس صاحبى بيقولى خارب بيتى عشان كمية الرسائل اللى كل يوم بيبعتها
الشركه قالتلى معاك اشتراك من جوجل سنه فرى وتقدر تجدد الاشتراك بعد السنه
ولكن انا اعتقد انك مش لازم تبقى الشريحه فيها و لاستفسار هكلم الشركه تانى
وفى كل الحالات حتى لو لازم نت هيبقى بكام الباقه ام 25 جنيه فى الشهر وكمان 10 جنيه كل 3 شهور كارت مش مهم المهم سلامتك وسلامة العربيه و كمان لو اهل بيتك معاك
الامان لاهل بيتك وانت كمان بفلوس الدنيا
وربنا يكفينا شر النفوس اللى مش بتخاف ربنا