ارجو الافاده في العربيات دي اجيب مين فيهم

**amroelras** · 10-01-2014 12:06 PM

انا محتار اجيب عربيه زيرو النترا ٢٠١٤ ولا فلوانس ٢٠١٤ ولا اجيب فانتازيا كسر زيرو a5 ولا استرا ٢٠١٤ مع العلم ان السعر من ١٥٠٠٠٠ الي ١٧٠٠٠٠ مع العلم اني بحب الزيرو علشان المستعمل مش برتاحله انا عايز اللي هيقولي هات النوع ده يقولي ليه ونحط في الاعتبار الصيانه وقطع الغيار واعتماديه السياره وكل شئ عن السياره

**ahmedalaahosny** · 10-01-2014 01:18 PM

هو لو حضرتك عايز زيرو يبقي خليك مع الفلوانس يكفي السمعة الكبيره اللي عملتها ف 3 سنين بس وتوكيلها محترم لو عايز الماني خليك ف الاسترا ولو ان مراكز الصيانة بتاعه منصور دي عايزه الحرق وبرده لو لقيت فانتازيا كسر زيرو هاتها ماتسمعش من اللي يقولك ان فتيسها معرفش ايه كانت مع زميل هنا ف المنتدي ومااشتكاش منه بس هي قطع غيارها غالية شوية بس دي بالنسبه لبرستيج وكده تبقي حلوة اوي في بقي لو غاوي الماني مرسيدس ‏c180‏ موديل اوائل الالفينات تحفة برده وتوكيل محترم وعربية محترمة جدا

**amrelsaqqa** · 10-01-2014 01:25 PM

فلوانس في رأيي

**amroelras** · 10-01-2014 01:36 PM

طيب يا باشا المرسيدس c١٨٠ سعرها كام وموديل كام
والفانتازيا انا بصراحه قلقان من الفتيس بس هي عربيه زلطه علي الطريق

**ahmedalaahosny** · 10-01-2014 02:18 PM

بالنسبه للمرسيدس ‏c180‏ هتبقي موديل 2002 هتبقي اخرها 160 الف دي لو افنجارد وحالتها زيرو اما الفانتازيا في عضو معانا اسمه ‏inspiron‏ من سكودا تيم هتلاقيه مشهور جدا ف قسم سكودا كان معاه فانتازيا بيز لاين وعربية مرسيدس شبح 2001 تقريبا بس حاليا باعهم تقدر تسيبله رساله وتساله فيها عن فتيس الفانتازيا هو ده الوحيد اللي يفيدك اوي ف الموضوع ده لانه شخص ماشاء الله خبره ف الاسكودا وكان معاه العربية فيقدر يحكم عليها صح غير كده مهما تسمع من اي حد ده اسمه فتي وخلاص

**ahmedalaahosny** · 10-01-2014 02:34 PM

راجع ده كمان ياباشا ‎http://www.nilemotors.net/Nile/294510-a.htmlلو في نية لشراء فانتازيا يبقي تجيبها ماعملتش 50 الف كيلو لان بعد كده ماتضمنش المالك اللي قبلك غير زيت ولا لا وكان استعماله ازاي ف الفتيس

**ahmedalaahosny** · 10-01-2014 02:38 PM

الرابط الصحيح اهه http://www.nilemotors.net/Nile/294510-a.html

**amrelsaqqa** · 10-01-2014 02:44 PM

الفانتازيا مافيهاش مشكلة ف الفتيس اصلا المشكلة في الـ a5 لحد موديل 2007 بس وبعد كدة مفيش مشكلة

**ALshahba** · 10-01-2014 02:45 PM

المشاركة الأصلية كتبت بواسطة amroelras

انا محتار اجيب عربيه زيرو النترا ٢٠١٤ ولا فلوانس ٢٠١٤ ولا اجيب فانتازيا كسر زيرو a5 ولا استرا ٢٠١٤ مع العلم ان السعر من ١٥٠٠٠٠ الي ١٧٠٠٠٠ مع العلم اني بحب الزيرو علشان المستعمل مش برتاحله انا عايز اللي هيقولي هات النوع ده يقولي ليه ونحط في الاعتبار الصيانه وقطع الغيار واعتماديه السياره وكل شئ عن السياره

اسمحلي اخرج الالنترا من المقارنه للاسباب الاتيه:
1-اقل ثبات
2-اضيق فى الكنبه
3-اكثر استهلاك بنزين

ولو بتتكلم عن الزيرو زي ما حضرتك بتفضل فحنتكلم عن
الاسترا - الفلوانس

لو سواقتك راضيه كتير وشباب واصحاب ........... خليك فى "الاسترا"
لو اسره وعايز وسع وامكانيات وراحه .............. خلي فى "فلوانس"

بالنسبة للتوكيلات والصيانه ......... الفلوانس افضلهم بكل جداره
اعادة بيع ........ مش عارف الاسترا اخبارها ايه بس الاكيد منه ان الفلوانس بتمسك سعر كويس اوي

بالتوفيق ان شاء الله