مميزات وعيوب الفلوانس ٢٠١٤ ارجو الافاده

**amroelras** · 10-01-2014 08:35 PM

ايه رايكم في الفلوانس ٢٠١٤ من حيث الثبات والسرعه والتكييف والوسع الداخلي ووسع الشنطه والصاج والامان علي السرعات العاليه والراحه للركاب علشان انا كنت محتار بينها وبين الالنترا فئه ١٧٠٠٠٠ بس انا عاوز حد يكون جرب العربيه وساقها مش عايز كلام كده وخلاص وبرضه عاوز اعرف ايه الالوان الموجوده للعربيه

**ALshahba** · 10-01-2014 09:10 PM

انا بقولك الفلونس افضل بمراحل فى كل اللي انت قولتو
انا مجرب النترا الشكل الجديد

مش حكلمك عن الفلوانس الجديده لانك عايز حد يكون جربها او عنده ....... للاسف مش انا
بس كمواصفات انا سألت عليها فى التوكيل ...... تكييف ممتاز وثبات وسرعه ووسع (ودي مايميزها)

**ahmzd** · 12-01-2014 08:54 AM

أعتقد أيضا أن الفلوينس أفضل جدا .. والله أعلم.

**devil_storm** · 12-01-2014 02:27 PM

انا مجرب النترا و فلوينس بس الشكل القديم و بالامانه الالنترا افضل اكيد الفلوينس عربيه سحبها وحش جدا و حتخنقك جامد لو بتفكر فيها انصحك تجربها قبل ما تشتري علشان متندمش
النترا افضل طبعا بس مشكلتها انها بتتسرق علشان غبور منزلها من غير ايموبليزر ده اكبر عيب في العربيه دي ممكن تشتريها خليجي او تشتري اختها السيراتو نازله باموبليزر

**amroelras** · 12-01-2014 02:55 PM

يا باشا الفلوانس الشكل القديم حاجه والجديد حاجه تانيه خالص هما غيروا الموتور بقي موتور القشقاي cvt وغيروا التكييف بقي بتاع النيسان علشان الفلوانس ٢٠١٤ انتاج مشترك بين نيسان ورينو وعلي فكره الفتيس الجديد ٦سرعات غير القديم خالص

**ALshahba** · 12-01-2014 02:56 PM

الفلوانس ........... افضل مبلغ امكانيات قصاد المبلغ النقدي
الالنترا كعربيه كويسه بدون مشاكل وافضل اعادة بيع ....... بس بالمقارنه تفرق شويه

**amroelras** · 12-01-2014 02:57 PM

انا عايز حد يكون ساق الفلوانس الشكل الجديد وبرضه الالنترا الشكل الجديد ويقولنا علي الفروق بين العربيتين من سحب وتكييف واهم حاجه الثبات ووسائل الامان

**amroelras** · 12-01-2014 03:14 PM

متابع باهتمام

**mostafa afifi** · 19-01-2014 10:21 PM

انا سقت الالنترا و ركبت الفلوانس في معرض.........بصراحه الفلوانس عاجباني اكتر مع احترامي للالنترا و ملاكها....يعني انا معايا بيجو 406 و بصراحه ماستريحتش في حاجه بعد البيجو غير في الفلوانس و الاسترا في السعر ده و طبعا الاسترا احسن بس صغيره شويه و فييها شويه مشاكل صغيره كده ....انما الفلوانس فخامه مع لمسه شبابي و لمسه عائليه و تكنولوجيا عاليه و رفاهيه و ووسع و فيها موتور و فتيس معمرين جدا و اعاده البيع مش وحشه بس بالمقابل هتستمع بالركوبه ..و اعتقد الركوبه الاوربي متقدمه عن الاسيوي 5 سنين و هتبقا عربيه معمره جدا انشاءالله ....اتوكل علي الله و جيب الفلوانس و انشاءالله ربنا يفوقك في اختيار عربيه كويسه