الموضوع: احساسي و ثقتي انا معايا esp رهيب بعد التجربة دى

النهاردة كنت ماشي علي الدائرى من بعد نفق السلام فاتجاهي الي المعادى ، الحته دي مغرية جدا للجرى وواسعة بس انا مكنش في دماغي خالص و ماشي عادى.
فجأة عدو من جمبي عربيتين بيجرو مع بعض و حارقين النترا الشكل الجديد و فوكاس الشكل القديم مش عارف ايه اللي خلاني اسخن بس غالبا عشان الطريق كان فاضي ، انا كنت ماشي بعربيتي ( كوروﻻ 2014 ) علي 120 دوست علي السبورت موود و كبست حبة حبة قربت منهم و عديت و رحت مدى فلاشر ستوب عشان استفزهم للجرى فضلت مهدى لغاية مقربو و رحت كابس الكبسة و عينك متشوف الا النور سراااااب ورايا ، انا بعديها خفت شوية ﻷنى قربت علي نزلة السويس و الطريق بدأ يبقي فيه عربيات اكتر فهديت بصراحة، راح بتاع الالنترا قرب مني و بصلي و سلم و ضحك ومشي جه بعديه بتاع الفورد راح بصلي فقولت هيضحك و يسلم زى بتاع الالنترا لاقيته بصلي و هو مخنوق كده و راح كاسر عليا و طلع قدامي بالضبط .
بصراحة انا اتعصبت و قلت لازم اظبته، انا كنت في الحارة التانية من علي الشمال و كان فيه عربيات كتيرة علي يميني فمعرفتش اطلع من علي اليمين و هو كان قدامي و قدامه عربية نقل كبيرة فمكنتش شايف فيه ايه علي الشمال فخفت اطلع منه ، راح الواد بتاع الفورد طالع من علي الشمال رحت كابس وراه و اتفاجت انا و هو ان فيه عربية عطلانة و راكنة علي الشمال و علي اليمين فيه النقل،فأتزنقنا مبين النقل و الرصيف ، الفورد كسر يمين و طلع مبين النقل و العربية العطلانة و انا اتزنقت و مكانتش واسعة زى الفورد. مكنش قدامي غير يافرمل و انا ماشي اكتر من 120 يكبس و اكسر جامد، فاضطريت اكبس بنزين و جيت قدام النقل فرملت و كسرت يمين جامد و انا بفرمل و اول مكسرت يمين وطلعت قدام النقل لقيت قدامي عربية ماشية بطيء رحت مفرمل جامد تاني و كسرت اقصي الشمال تاني .
يعني عملت غرزة دابل يمين في شمال بسرعة عالية مع فرملة جامدة مع العلم ان الحارة الشمال كان فيها رملة ناعمة علي الارض، قلبي وقف طبعا بس مش قادر اقولكم الثقة اللي اخدتها في عربيتي بعد الموقف ده و ان ال esp اسعفني ولولاه كنت زماني عومت و لبست بالعربية .
انا ممكن اقعد من هنا للصبح اتحاكي عن الهاندلينج بتاع العربية في الموقف ده اللي بجد مكنتش متخيله بالسرعة دى و الاستجابة الدقيقة ديه.
و بعد اللي حصل النهاردة ده انا لايمكن اشتري عربية يكون ثباتها و الهاندلينج بتاعها اي كلام و لازم يكون فيها esp . و الحمد لله انها جت علي قد كدة