سكودا فليشيا مشكله بقالها سنه و نص لحد ما خليتني اصاب بالمرض

**mohamed878** · 13-01-2014 02:40 PM

ريحه الدخنه بتدخلي جوا الصالون خصوصا في السرعات لحد ما تعبتلي صدري و عيتني مش عارف من ايه غيرت الماتور بالكربراتير و كشفت علي الشكمان و برضو مفيش حل لاحظت في ايام الشتا لما بكون مقفل الازاز بتاع العربيه كله مفيش حاجه بتدخل حد عنده حل قبل ما الريحه تموتني مخنوق

**medo_msa** · 13-01-2014 03:47 PM

نفس المشكله عندي بردو ..واضح انه العربيه بتنزل بريحتها :)

**mohamed878** · 13-01-2014 03:55 PM

المشاركة الأصلية كتبت بواسطة medo_msa

نفس المشكله عندي بردو ..واضح انه العربيه بتنزل بريحتها :)

يعني مش لوحدي دا مش بتاثر علي الصدر بس و العين كمان

**sakr_skoda** · 13-01-2014 03:55 PM

المشاركة الأصلية كتبت بواسطة mohamed878

ريحه الدخنه بتدخلي جوا الصالون خصوصا في السرعات لحد ما تعبتلي صدري و عيتني مش عارف من ايه غيرت الماتور بالكربراتير و كشفت علي الشكمان و برضو مفيش حل لاحظت في ايام الشتا لما بكون مقفل الازاز بتاع العربيه كله مفيش حاجه بتدخل حد عنده حل قبل ما الريحه تموتني مخنوق

الف سلامة عليك يابوحميد امال احنا روحنا فين؟؟؟؟؟؟؟

بص ياحبيبى اكشف كويس على الشكمان و على المشترك من بديايتة من عند الفرن كدا وكمان ربط على مسامير الشكمان ممكن يكون الجوانات منفسة وخلى بتاع الشكمان يرفع العربية ويفحص الشكمان من كافة اتجاهاتة وياريت لو يفكة على الأرض وانشاء الله خير****

**EngAhmedSayed** · 13-01-2014 05:26 PM

بقولك اية
اكشف على باب الشنطة و شوف كدة الكاوتش بتاعها مقطوعة او الشنطة مخبوطة و مبتقفلش كويس فى فرق بينها و بين صاج العربية
90 % منها هى و محدش بياخد باله عاوز تتاكد قفل الفرق بين الشنطة ببودى العربية ببلاستر كدة يعنى اعملها برواز جرب مش هتخسر غير 5جنية ثمن الزق العريض
هستنى ردك و تقولى عملت اية بس اتأكد انى قفلة حرف الشنطة كلها داير داير بدل ما تفك شكمان و تغيير و تتكلف ميكانكيا و القصة دى جرب شريط لازق دوكو عريض علشان يتشال بسهولة و امشى و دجرب

اه نسيت اقولك عارف خرطو م الفايظ بتاع الزيت الموجود تحت غطاء الزيت دة لو مقطوع او مشقوق بيرمى دخانة على الصالون

ربك المستعان
و بالتوفيق ان شاء الله

**medo_msa** · 13-01-2014 09:35 PM

انا عندي علطول حساسيه وعطس والصحه راحت ... بس من كلامكم انا شايل خرطوم الفايز بتاع العمه سايبه فى الحوض عشان بيطلع دخان زيت كتير ممكن هو الي عامل ريحه

**aw2100** · 14-01-2014 12:00 AM

المشاركة الأصلية كتبت بواسطة medo_msa

انا عندي علطول حساسيه وعطس والصحه راحت ... بس من كلامكم انا شايل خرطوم الفايز بتاع العمه سايبه فى الحوض عشان بيطلع دخان زيت كتير ممكن هو الي عامل ريحه

ياراجل ياطيب الموتور عندك مفوت طالما بيطلع دخنة زيت من خرطوم الفايظ وطبعا بيأكل زيت والزيت بينقص وهو ده اللى عامل ريحة فى الصالون بتدخل من فتحات ضفيرة العربية والفتحة اللى راكبة فيها الأسكترا فالمفروض تعمل عمرة شمبر للموتور علشان يبطل دخنة والخرطوم بتاع الفايظ يركب فى عمة الكاربراتير وده الحل السليم لدخنة الزيت و 1000 سلامة على صحتك !!!