برجاء المساعدة بخصوص الدهان

**ibnelfared** · 13-01-2014 04:14 PM

العربية لادا 2107 باعهالى أنسان نصاب وحرامى ولا يعتد بيه أنه أنسان أساسا ولكن قدر الله وماشء فعل وأن شاء الله ربنا كريم ما بيضيعش الحقوق خارجة من سمكرة وكان فيها شوية مشاكل .
ودلوقتى أنا داخل فى موضوع الدهان للعربية وعندى كام سؤال أرجوكم ساعدونى فيهم :
1- دلوقتى تكاليف الدهان هايكون كام لأن أتقالى 2500 ألى 3000 جنية وقريت فى المنتدى أنى ممكن أشترى الخامات وهو عليه الصنعة ؟ فمش عارف تقديركم فى هذا الأمر .
2- تغيير لون العربية هل فية مشكلة فى المرور أو حتى لو جيت أبيعها ولا لأ بردة محتاج نصائحكم فى هذا الأمر ؟
3- فرش العربية هل أنجد الكراسى بتاعه العربية ولا أشترى كرسيين متسوبيشى أستيراد ؟ ولو أشترتتهم أجيبهم منين وتقريبا أسعارهم كام ؟ والأحسن أيه ؟
4- أيه الترتيب بعد السمكرى بالنسبة للصنايعية الكهربائى السروجى العفشجى كدة ؟
سامحونى يا جماعه بس أنا فعلا واقع وقعه محترمة منه لهه ألى كان السبب .

**saddam** · 13-01-2014 09:51 PM

صديقي المواطن
المرور مفيش مشكلة ترش العربية ثم تروح تفحص ويتثبت اللون أو اﻷلوان الجديدة في الرخصة تغيير اللون في عربية قديمة لو شعل نظيف مش حيفرق في ثمنها في البيع لكن الرك على الشغل النظيف

بعد السمكرة البوهيجي وبعد ما يخلص حيجلد العربية بنايلون مثلا وتروح العفشجي ثم الكهربائي ثم السروجي ثم لو فيه حاجات بسيطة بعد السروجي ترجع للكهربائي لتظبيطها وطبعا أي كرسي ﻷي عربية حيكون أفضل من بتاع لادا ولكن الكرسي السمكري هو من يجب أن يركبه عشان لو حيحصل قطع أو لحام في الأرضية لقواعد الكراسي الجديدة أماكن شراء الكراسي الحرفيين وبور سعيد والمريوطية وكل مراكز اﻷقاليم بالنسبة لكراسي الميتسوبيشي فدي مرطرطة لا تقلق
بالنسبة ﻷسعار الرش فالمصيبة بجودة الصنعة وأي عربية مهما كبرت لن تصل خاماتها 900 جنيه لكن المصيبة في الوقت والمصنعيات والصح إنك تديله 1000 جنيه صافي ليه وحضرتك تجيب الخامات وأنا أقلك بعدها تجبب إيه بس تشوفه بعينك وهو بيحط الخامات في عربيتك وكلها كام كيلو معجون فايبر ومعجون إستوك و2 كيلو ورنيش مع كيلو بوهية مع 10 فرخ صنفرة و4 بكرات لزق وجركنين ثنر دبابة مع فيلر وبطانة وكيسين رابسو ثم كمباوند وبولش
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**ibnelfared** · 14-01-2014 09:03 PM

المشاركة الأصلية كتبت بواسطة saddam

صديقي المواطن
المرور مفيش مشكلة ترش العربية ثم تروح تفحص ويتثبت اللون أو اﻷلوان الجديدة في الرخصة تغيير اللون في عربية قديمة لو شعل نظيف مش حيفرق في ثمنها في البيع لكن الرك على الشغل النظيف

بعد السمكرة البوهيجي وبعد ما يخلص حيجلد العربية بنايلون مثلا وتروح العفشجي ثم الكهربائي ثم السروجي ثم لو فيه حاجات بسيطة بعد السروجي ترجع للكهربائي لتظبيطها وطبعا أي كرسي ﻷي عربية حيكون أفضل من بتاع لادا ولكن الكرسي السمكري هو من يجب أن يركبه عشان لو حيحصل قطع أو لحام في الأرضية لقواعد الكراسي الجديدة أماكن شراء الكراسي الحرفيين وبور سعيد والمريوطية وكل مراكز اﻷقاليم بالنسبة لكراسي الميتسوبيشي فدي مرطرطة لا تقلق
بالنسبة ﻷسعار الرش فالمصيبة بجودة الصنعة وأي عربية مهما كبرت لن تصل خاماتها 900 جنيه لكن المصيبة في الوقت والمصنعيات والصح إنك تديله 1000 جنيه صافي ليه وحضرتك تجيب الخامات وأنا أقلك بعدها تجبب إيه بس تشوفه بعينك وهو بيحط الخامات في عربيتك وكلها كام كيلو معجون فايبر ومعجون إستوك و2 كيلو ورنيش مع كيلو بوهية مع 10 فرخ صنفرة و4 بكرات لزق وجركنين ثنر دبابة مع فيلر وبطانة وكيسين رابسو ثم كمباوند وبولش
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

جزا ك الله كل خير حضرتك على ردك وأرجوا متابعتى أعزك الله

**saddam** · 15-01-2014 03:42 AM

المشاركة الأصلية كتبت بواسطة ibnelfared

جزا ك الله كل خير حضرتك على ردك وأرجوا متابعتى أعزك الله

صديقي المواطن
أنا تحت أمرك في كل وقت وحين بس لما تعوزني إبعتلي كلاكس وأكون عندك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال