إستفسار عن الحراره و التسخين

**Dr.M_baz** · 13-01-2014 09:23 PM

أصدقائي الأعزاء ....السلام عليكم و رحمة الله و بركاته.
سؤال و طلب بعد اذنكم:
كنت بتكلم مع ابن عمي عنده سيراتو 2010 هاي لاين و سألته انت بتسخن العربيه اد ايه ؟ فقال لي اقل حاجه 10 دقائق لحد اما مؤشر الحراره يبدا يتحرك . فقلت له انا بسخنها 4 دقائق و بيكون المؤشر وصل لدرجته الطبيعيه قبل المنتصف بحاجه بسيطه فكان رده ان الوضع ده مش طبيعي و كده العربيه بتسخن اسرع من الطبيعي و محتاجه اكشف عليها و اطمن على الثرموستات.
انا طبعا قلقت و شغلت العربيه الصبح ومسكت stopwatch و حسبتها من اول ما شغلت العربيه لحد اما المؤشر وصل لمكانه الطبيعي قبل المنتصف بحاجه بسيطه و طلعت 4دقائق و 30 ثانيه بالضبط.
العربيه سيراتو 2013 sx بفتحة سقف و عامله 8200 كيلو و عامله صيانة 1000 و 5000 في موعدهم و لم يظهر اي شيء فيهم.
بعد القصه الطويله ديه سؤالي هل وضع العربيه كده مش طبيعي مع العلم ان اثناء استخدامها مؤشر الحراره ثابت في مكانه صيف و شتاء.
ولي طلب .. ممكن اللى عندهم مؤشر للحراره يحسب الوقت صباحا عند اول تشغيل للسياره لحد اما توصل لدرجتها الطبيعيه و المؤشر يثبت.
انا اسف على القلق الزائد بس العربيه جديده و مش عاوز العب فيها.

**besso** · 13-01-2014 10:41 PM

فتره التسخين دى بتختلف من عربيه للتانيه لان الكنترول بيبقى مسئول عن تسخين السياره فى بدايه الاداره وبطعا فرق 3 سنين يفرق فى التكنولوجييا فا متقلقش طالما العربيه مش بتسخن منك وتمام والمراوح بتشتغل فى اوضاعها الطبيعيه يبقى كل شىء كويس ان شا الله وبعدين المفرضو مانستناش الوقت الكبيره ده 10 دقايق دول كتير انت مجرد ام تدور العربيه وتظبط مراياتك تطلع بالعربيه

**m7nsh** · 13-01-2014 11:32 PM

الوضع عندك مظبوط .. 10 دقايق دا اللى فتره طويله اوى لحد مالمؤشر يتحرك ؟؟ دا اعتقد الترموستات عنده متشاله .. عشان كده بتاخد وقت اطول فى التسخين فى الشتا

**lad** · 13-01-2014 11:46 PM

عندك الدنيا طبيعيا جدا و مفيش مشاكل و بعدين هى كفاية نص دقيقة و بعدين تمشى واحدة واحدة

**fddf512** · 14-01-2014 01:14 AM

انا كنت قريت في المنيوال ان العربيه بتعرز ثواني فقط علشان تسخن مش دقايق يعني

**ehab_osman** · 14-01-2014 10:57 AM

المشاركة الأصلية كتبت بواسطة lad

عندك الدنيا طبيعيا جدا و مفيش مشاكل و بعدين هى كفاية نص دقيقة و بعدين تمشى واحدة واحدة

نصفة دقيقة الي 4 دقائق ........................ كفاية اوى .

**Dr.M_baz** · 14-01-2014 08:11 PM

المشاركة الأصلية كتبت بواسطة besso

فتره التسخين دى بتختلف من عربيه للتانيه لان الكنترول بيبقى مسئول عن تسخين السياره فى بدايه الاداره وبطعا فرق 3 سنين يفرق فى التكنولوجييا فا متقلقش طالما العربيه مش بتسخن منك وتمام والمراوح بتشتغل فى اوضاعها الطبيعيه يبقى كل شىء كويس ان شا الله وبعدين المفرضو مانستناش الوقت الكبيره ده 10 دقايق دول كتير انت مجرد ام تدور العربيه وتظبط مراياتك تطلع بالعربيه

شكرا جزيلا انت كده طمنتني.

المشاركة الأصلية كتبت بواسطة m7nsh

الوضع عندك مظبوط .. 10 دقايق دا اللى فتره طويله اوى لحد مالمؤشر يتحرك ؟؟ دا اعتقد الترموستات عنده متشاله .. عشان كده بتاخد وقت اطول فى التسخين فى الشتا

هي فعلا فتره طويله ...وانا سالته عن الثرموستات طلع مش شايله.

المشاركة الأصلية كتبت بواسطة lad

عندك الدنيا طبيعيا جدا و مفيش مشاكل و بعدين هى كفاية نص دقيقة و بعدين تمشى واحدة واحدة

يعني هو الإجماع على دقيقتين ثم نتوكل على الله... شكرا لردك.

المشاركة الأصلية كتبت بواسطة fddf512

انا كنت قريت في المنيوال ان العربيه بتعرز ثواني فقط علشان تسخن مش دقايق يعني

المنيوال فعلا مكتوب تقريبا 30 ثانيه.

المشاركة الأصلية كتبت بواسطة ehab_osman

نصفة دقيقة الي 4 دقائق ........................ كفاية اوى .

شكرا على ردك.
بس بعد اذنكم لو حد يحسبهالنا صباحا سواء في السيراتو او الريو يكون ادق و حتى تكون عندنا معدلات ارقام نعتمد عليها لو ظهر مشاكل في هذا الإتجاه عند اي عضو من منتدانا العزيز .
ولكم جزيل الشكر و التقدير.

**احمد المصرى** · 15-01-2014 05:35 PM

دقيقه واحده كافيه جدا لتحريك الزيت فى الدوره بالكامل والذيت بيكون تخليقى بالكامل 5w40 او 5w30مش ذيت تقيل بيحتاج تسخين جامد والعداد بعد المشى مسافه بسيطه بيبدا يشتغل عادى جدااااااااااااااااااا والتشخين الكتير مش صح على فكره