مساعدة في شراء سيارة w124

**hasanez44** · 14-01-2014 09:49 PM

السلام عليكم أخواني الأفاضل

أريد أستشارتكم في موضوع شراء سيارة مرسيدس موديل 1985 مش عارف w123 ولا 124

ماليش خبرة في السيارات نهائي

ولقيت دي عجبتني جدا كبيرة وواسعة جدا ورهيبة الصراحة عشان انا تخين
غير المرسيدس حاجة تشرف كده ومحترمة جدا

كل معلوماتي لما أتصلت علي صاحبها

موديل 85 رخصة منتهية من 3 شهور وجايبة وش سلندر
وسعرها 21 ألف

عايز أسئله عن كل كبيرة وصغيرة
بحيث تشوفوا أنتم لو العربية تستاهل أجيبها وأجبلها موتور وأصرف عليها معنديش مشكلة

بس أنا ماليش في أي حاجة فأنتم الي هتقرروا أذا كانت صالحة وكويسة ولا بلاش منها

فأدوني الأسئلة الي عايزين تعرفوها بالظبط عشان أسئل صاحب العربية عليها
بحيث هنشوف لو ينفع أجيبها وألاقيلها موتور ولا لأ والتعديلات والكلام ده

أخوكم حسن

**yyy** · 14-01-2014 10:28 PM

المشاركة الأصلية كتبت بواسطة hasanez44

السلام عليكم أخواني الأفاضل

أريد أستشارتكم في موضوع شراء سيارة مرسيدس موديل 1985 مش عارف w123 ولا 124

ماليش خبرة في السيارات نهائي

ولقيت دي عجبتني جدا كبيرة وواسعة جدا ورهيبة الصراحة عشان انا تخين

غير المرسيدس حاجة تشرف كده ومحترمة جدا

كل معلوماتي لما أتصلت علي صاحبها

موديل 85 رخصة منتهية من 3 شهور وجايبة وش سلندر
وسعرها 21 ألف
بالسعر دة استحالة تبقى w124 دى w123 و اكيد هتلاقيها مقلوبة قبل كدا كذا مرة
العربية دى لو شاسيها سليم يبقى السعر دة لقطة
الموتور بتاعها هيا m102 بيعمل حوالى 5 و بتاع الزلموكة بيزيد 2 او 3

عايز أسئله عن كل كبيرة وصغيرة
بحيث تشوفوا أنتم لو العربية تستاهل أجيبها وأجبلها موتور وأصرف عليها معنديش مشكلة
لو الشاسية سليم العربية دى تستاهل
بس أنا ماليش في أي حاجة فأنتم الي هتقرروا أذا كانت صالحة وكويسة ولا بلاش منها

فأدوني الأسئلة الي عايزين تعرفوها بالظبط عشان أسئل صاحب العربية عليها
بحيث هنشوف لو ينفع أجيبها وألاقيلها موتور ولا لأ والتعديلات والكلام ده

أخوكم حسن

**hasanez44** · 14-01-2014 10:54 PM

ألف شكر ياجميل علي سرعة ردك

يعني أسئله علي الموديل والشاسيه وأيه تاني ؟

وعايز أسعار تقريبية للفوانيس والأشارات والحاجات الي بتتكسر علطول عشان أعرف أذا كانت هتبقي تقيلة عليا ولا كويسة

**yyy** · 14-01-2014 11:35 PM

المشاركة الأصلية كتبت بواسطة hasanez44

ألف شكر ياجميل علي سرعة ردك

يعني أسئله علي الموديل والشاسيه وأيه تاني ؟
لا لازم تروح تتفرج انت على العربية وتشوفها محتاجة اية تبص على الشاسية و العفشة والصالون

وعايز أسعار تقريبية للفوانيس والأشارات والحاجات الي بتتكسر علطول عشان أعرف أذا كانت هتبقي تقيلة عليا ولا كويسة
الفانوس الامامى المربع بيعمل 200-250 وممكن تسمع 300 والازاز ب25 دة المدور هتلاقى المربع زية وفى ازاز المانى بس معرفش لسة بينزل ولا لا الاشارة جديد صينى ب20 وايطالى ب45 الفانوس الخلفى ب 150 استيراد وفى ايطالى جديد نفس السعر و الوش الجديد فى 45 و ب65

**saddam** · 15-01-2014 04:05 AM

صديقي المواطن
بصفتي معايه 4 عربيات من عربياتي مرسيدس وداخل في الخامسة بإذن الله
فيا ريت تنزل صورة شبيهه للي تقصدها والموديل المكتوب ورا هل هي 200 ولا 230 ولا 250 ولا 280 ولا 300 ولا 500 عشان أنا برضو داخل بخلص في عرببة جايبة وش سلندر بس مش 85
عامة لو كانت 280 فدي غالية
ولو كانت 500 يعني 8 سلندر فدي لقطة بس تقيلة في البيع وإصلاحها مكلف وبتصرف بنزين
ولو كانت ال 200 أو ال 230 الشهيرة عندنا بكلمة المعدل فدي أكثر وحده بياعه في مصر
ومش حتلاقي أرخص لو هي وغالبا مش هي ﻷنها 85 وهي آخرها 84 ولكن جايز طالعة متأخر من التوكيل فإتكتبت 85 وحتى لو جايبه وش سلندر أو حتى مخبوطة طالما ورقها سليم إدفعله 20 وحتى لو مرضيش ينزل جنيه خدها

بس حاول دلوأتي تطلع على النت صور أختها وإبعتلي كلاكس عالخاص وأنا حرد عليك هنا بخلاصة الخلاصة وكمان الزملاء اﻷفاضل العظام أعلاه قايمين بالواجب ومش مقصرين

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال