حد عنده فكره عن دايو 2

**meero_boy2000** · 15-01-2014 10:21 AM

كل سنه وانتم طيبين جميعا

رجاله انا واحد بن حلال خبطلي الفانوس الخلفي لانوس 2 شرخلي الوش البلاستيك بس الفانوس نفسه مفيهوش حاجه سؤالي هل يوجد وش فانوس بلاستيك بيتباع ولا لازم فانوس كامل؟؟؟ ولو بيتباع في حدود كام ومنين

**aly_hosny** · 15-01-2014 10:30 AM

بيتباع ب 25 جنيه
منين بقى حسب انت منين

**ehabahmed0** · 15-01-2014 10:43 AM

بيتباع ب 20 جنيه من عند اي حد بتاع قطع غيار وهو بيبقي صيني وبصراحه خامته وحشه ومش بيظبط علي شاسيه الفانوس وعن تجربه منصحش بيه

**moumen_hs** · 15-01-2014 11:38 AM

عندك شركة الاهرام فى التوفقية 20 جم معقول مش وحش بس الصقة كويس

**meero_boy2000** · 15-01-2014 12:18 PM

شكرا يارجاله بس سؤال هو الاصلي بتاع العربيه الوانه نضيفه وواضح مش باهت زي اللي ساعات بشوفهم في العربيات هل اقدر الاقي منه الاصلي ولا صعب ؟؟ واصلي مش عايز استرخص وامشي بفانوس لون وفانوس لون تاني وبيبقي شكله بيئه جداا وشكرا للردود

**hateeem** · 15-01-2014 01:50 PM

الوش بيتباع عادى عند اى حد من بتوع الفوانيس و الاكسسوارات كمان

بس اهم حاجة تلزقه كويس عشان مايفكش وتحط عليه سوليتيب لكام ساعه تقوية تظبيط وبعد كدا تشيله

**hany essa** · 15-01-2014 02:41 PM

مهما كان ثمن الوش اخره شهرين ولونه هيغير وهيبقى الفانوس واحد بيلمع وواضح وواحد مطفى وغير واضح الرؤيه فانا من راى هات فانوس استيراد هيعمل فى حدود 150جنيه وبكده هتكون خسرت ال150جنيه ولكن كسبت منظر عربيتك

**أسامه طياره** · 15-01-2014 04:57 PM

طب ماتفك الوش التاني كمان وتعمل اسموك للفانوسين وتصب غطا شفاف للفانوسين هيبقى شكل العربيه حلو اوي خصوصا لو لونها فاتح

**Khaled Lanos** · 16-01-2014 04:10 AM

بص انا الوش عندي من سنة واحد ابن حلال حدفه بطوبة وكسرة..نزلت اشتريت واحد نضيف جدا من التوفيقية بـ 25 جنيه وكان تركي تقريبا..فكيت الفانوس القديم غسلته وقفلت الوش الجديد بالسيليكون والحمد لله من ساعتها شغال زي الفل ومفيش تغير في اللون ولا حاجة خالص.
تحياتي.