الموضوع: سكودا فليشيا تقرير عن تغير المساعدين و المقص

المشاركة الأصلية كتبت بواسطة a_baidak

النهارده الحمد لله عملت العربيه بعد طول انتظار دام لمدة 6 شهور انى اغير المساعدين الامامي بتوع العربيه
وطبعا جيه الموضوع بعد كسر المقص اليمين بتاعى فا اخدت القرار وانا بغير المقص اغير المساعدين كمان
رحت واخد بعضي ومكلم واحد اسمه سعيد اسكودا فى المعادي وسالته على المقص ولقيته عنده اللتشيكي المهم رحت وخده منه وكنت جايب انا جوز مساعدين تركي عندي من فتره
وعديت على الحرفين بعد كده جبت طقم عده الماني ورحت جايب زرجينه للسوست بتاعة المساعدين
حلو الكلام ما انا قررت انى انا اللى اعملوا بقه مش هوديها لعفشجي مش نقصه
ورحت رافع العربيه بالكريك وجبت طوبه كبيره وحطتها تحت العربيه مع الكريك واول حاجه فكيت المقص القديم ورحت جاي فاكك المساعد وركت الزرجينه زي الدرس بتاع استاذ صحبى الله يبارك فيه المهم وغيرت المساعدين طبعا ورحت مغير المقص وقرطت على الليله كلها
طبعا طلع عينى للامانه بجد وتعبت اوى بس حسيت انى عملت حاجه بعد لما غيرت الحاجه وطلعت جربت العربيه بس بسم الله ما شاء الله فرق شاسع بين المساعدين الجداد والقدام والحمد لله
وطبعا المقص كان عليه عامل علشان البيضه بتاعة القديم

الثمن
جوز مساعدين تركي : 350
المقص : 185
العده : 320
الزرجينه : 85
المصنعيه اتغديت انا والجماعه فى البيت الساعه 12 بليل

وعليكم السلام ورحمة الله وبركاته
ههههههههههههههه ياخى حرام عليك جوعت العيلة معاك واكيد بيدعو عليا دلوقتى **********

انتا كدا برنس مش مهم تعبت كد اية بس المهم انك بتعمل حاجتك بايدك ومرة بعد مرة حتحترف الموضوع ومش حايخد معاك ساعة***

ربنا يوفقك ويباركلك فى فليشيتك وعقبال ما تعمل تقرير الفتيس اهو ادهم سبقك وركب فتيس 1600***وعلى فكرة انا انصحك ركب الفتيس بنفسك صدقنى متعة وما بعدها متعه انك تعمل فى عربيتك كل حاجة بايدك***