عليكم السلام ورحمة الله وبركاته
أنا مش من أهل الخبرة لكن زيك أبحث عن بولو موديل 2000 أو 2001
علشان تجيب عربية بحالة ممتازة لازم تخلى بالك طويل فى البحث وتستعين بحد فاهم أوى يكشف على العربية كويس
لأن الحالة فى العربية دى لو مش تمام هتقرفك.. ولو تمام هتريحك جداً
ولو بتبحث على مواقع السيارات تعامل مع التجار بحذر شديد أو بلاش أصلاً واشترى من ملاك مباشرة إلا لو تاجر تعرفه كويس... علشان للأسف بعضهم غير أمين ... رحت شفت عربية مع تاجر كان بيقول أصلا انه مش تاجر وانها عربية اخته... وقال العربية فابريكة جوا والموتور باظ لأنها ساعة تغيير الزيت العامل نسى يقفل الطبة ومشيت مشوار والزيت بينزل لحد ما الموتور باظ... القصة دى كلها فشر لأنى بعد ما ضربت مشوار 70 كيلو من أكتوبر للعبور طلعت العربية متهانة جداً عاملة حادثة ومتبهدلة من قدام ومركب عليها موتور زبالة
يعنى باختصار نصاب
وعلشان تعرف التاجر من المالك ابحث عن رقم تليفونه على جوجل هيطلعلك نتايج البحث بإعلانات سيارات مختلفة بنفس الرقم، ولو ان مش كلهم بيكونوا عاملين أكتر من إعلان
عن نفسى مكلم 2 تجار أعرفهم عن طريق حد أثق فيه جداً .. وأبحث على الانترنت بحذر والسيارة اللى تعجبنى أوى وأحس بمصداقية صاحبها باخد حد يكشف عليها
المفضلات