الموضوع: سكودا فليشيا مسمار العجله اتكسر

شكرا اخي علي نقل التجربه بس بيتهيقلي مصنعية الميكانيكي غاليه شويه

كتير اوى 40جنيه ياعم مصطفى على فك طنبوره ..امال لو فك الموتور هاياخد كام؟؟؟ تمن المسمار ال17 جديد 3جنيه ومصنعيه الخراط فك المسمار وعمل جويد من 5الى 10 جنيه حسب ذمته ..وانت كنت فكيت العجله والطنبوره وكنت كمان عملت حاجه بايدك كان هايوفر عليك جشع الميكانيكى ..انا الميكانيكى بتاعى لما عرف انى بعمل حاجات فى العربيه بايدى بقى بيرخص جامد فى المصنعيه علشان ماقطعش انى اروحله ..على العموم قدر الله وماشاء فعل .. المهم استعدلت الجنط ولا لآ ؟؟ وكمان عايزك تجرى بالعربيه وتشوف فيه غربله ولا ايه ؟؟ لوكده لازم تروح تعمل ترصيص على الاقل للجنط اللى اتعوج .. تحياتى

انا الموضوع ده حصل معايا كنت بظبط الكبالن عند واحد المهم الصبي وهو بيربط العجلة كسر مسمار روحت جبت مسمار من عند بتوع الاستعمال لان لقيت الموجود في السوق مسامير منكلة وشكلها ضخم ومجعلصة كدة روحت جايب مسمار عشرة سم صلب وفكيت العجلة وحطيت سن المسمار علي حرف المسمار المكسور ودقيت علية في اتجاه الفك ( الحل ) بزاوية الي ان فكيت المسمار بنفسي والتكلفة كانت 5 جنية تمن المسمار وهونفس مسمار العربية

المشاركة الأصلية كتبت بواسطة adhmmaamon

كتير اوى 40جنيه ياعم مصطفى على فك طنبوره ..امال لو فك الموتور هاياخد كام؟؟؟ تمن المسمار ال17 جديد 3جنيه ومصنعيه الخراط فك المسمار وعمل جويد من 5الى 10 جنيه حسب ذمته ..وانت كنت فكيت العجله والطنبوره وكنت كمان عملت حاجه بايدك كان هايوفر عليك جشع الميكانيكى ..انا الميكانيكى بتاعى لما عرف انى بعمل حاجات فى العربيه بايدى بقى بيرخص جامد فى المصنعيه علشان ماقطعش انى اروحله ..على العموم قدر الله وماشاء فعل .. المهم استعدلت الجنط ولا لآ ؟؟ وكمان عايزك تجرى بالعربيه وتشوف فيه غربله ولا ايه ؟؟ لوكده لازم تروح تعمل ترصيص على الاقل للجنط اللى اتعوج .. تحياتى

انا كنت شايف ان المصنعيه غاليه بس انا برده وقفت علي ايده وهو بيعمل كل حاجه وتقريبا عرفت الفكره كلها ماشيه ازاي عملي ، يعني اعتقد دلوقتي اننا ممكن افك زي ما هز عمل بالظبط
الجنط بعته مع واحد صاحبي علشان يستعدله
وبالنسبه للجري ، الحمد لله العربيه تمام لحد 130 والعربيه تمام جدا الحمد لله

حمد الله ع سلامتك وسلامه العربيه ..طرق مصر عايزه مدرعات مش عربيات :)

المشاركة الأصلية كتبت بواسطة sakr1964

ابو على *** انتا لسة بتروح تعمل كل الحجات الهايفة دى عند ميكانيكى لاحولا ولا قوة الا بالله !!!!!!!!!!!!

ماذا تقصد بالجح

ماذا تقصد بالحاجات الهايفة انا الذي فك المسمار وليس الميكانيكي وبالمناسبة انا عندي مشكلة ان السيارة بطلع دخان اسود وخروج نقط او رزاز مياة عند الدوارة بالصباح بالاضافة الي هباب البوجيهات وrbm بيعلي ويوطي وفي بعض الاحيان السيارة بتبطل عند المطبات أواثناء الوقوف في اشارة تلاقي مؤشر لفات الموتور نزل ولابد ان ادوس بنزين بسيط علشان متبطلش المهم واحد قال ممكن تكون طلمبة البنزين ضعيفة ومرة ثانية بعد كام يوم قال ممكن اللي يعمل كدة حساس جكمان او البوابة بايظة وبتتغير ب300 جنية استعمال وشخص اخر قال ممكن حساس الحرارة بيعطي للكمبيوتر قراءة خطأ بيخلي المكينة مبرجلة وشخص اخر قال حساس الهواء وانا فعلا حاسس ان العربية الكهرباء مش مظبوطة فارجوا منك الافادة وعلي راي البرنامج الاذاعي القديم ماذا تفعل لو كنت مكاني مع العلم معايا 2حساس هواء غير اللي شغال وكمان معايا حساس حرارة اضافي وطلمبة البنزين باسمع صوتها مع تكة الكونتاكت اين المشكلة