الموضوع: ارجو حل المعادلة دي لاحتياجى لسيارة ضرورى

المشاركة الأصلية كتبت بواسطة supertest

السﻻم عليكم ورحمة الله وبركاته
انا كنت عملت الموضوع ده في المقارتات بس التفاعل قليل قلت اعمله هنا

انا طبيب امتياز محتاج عربية.. استخدامى لها داخل اسكندرية طول الاسبوع وبسافر اخر كل اسبوع اقاليم مسافة 80 كيلو تقريبا وارجع تانى يوم. ومرة في الشهر القاهرة من اسكندرية.. معظم الوقت معايا افراد ويهمني التكييف

دى اول مرة هسوق عربية .. فكرت بين مستعمل وجديد.. فكرت ادخل جمعيه بس اقصي حاجه منها هتبقي 15000 او اجيب تقسيط .. فكرت فى اسبرانزا و التو وجيلى .. ومش عارف ايه الحل

... انا الحمد لله دخلي كويس يعني لو هقسط ممكن ادفع لحد 1300 جنيه شهريا والمقدم مش عارف ممكن اجمع 10000 جنيه او ﻻ.. بس افدر ادفع 1300 شهريا دول ثابتين ان شاء الله
بس الفكرة ان بطاقتي طبيب امتياز.. وانا شغال دكتور مساعد في عيادة استاذ دكتور. يعني مصدر دخلي شغل برايفت .. فالضمانات مش عارف اعملها ولسا العمل الحكومي هستلمه كمان سنة. وانا محتاج العربية حاليا جدا.. لو اى اقتراح يبقي تمام.. اسبرانزا 113 تستحمل سفر ؟؟

صديقي المواطن
حاليا مفيش عربية جديدة متستحملش سفر كله بيستحمل الفرق في راحتك جوا منها وثباتها عالسرعات واﻹسبرانزا 113 أفضل من ألتو طبعا لكن مشكلتك يا مواطن هي بالمقدمة محدش حيديك قسط بمقدم 15 ألف والوظيفة خاصة لازم تكون موظف حكومي ومرتبك 4 آلاف وإنت طالع لكن كقطاع خاص لازم تدفع 50% ولو تعبت شوية وعملت شوية أفلام ممكن بنوك زي عودة تطلعهالك ب 40% مقدم ثم وراك ترخيص وتأمين البنك يجبرك عليه يعني مختصر القصة متحرقش بنزين عالفاضي لا يمكن تطلع عربية زيرو بمقدم 15 ألف جنيه ممكن الماروتي التعبانة وممكن تطلع لو حتعرف تجيب موظفين حكوميين يضمنوك في بنك ناصر ممكن تطلع عربية بأقل من 40% ممكن لغاية 25% وربنا يعينك لازم تفكر بعربية مستعملة مش بياعة زي تدي لصاحبها ال 15 ألف وتقسطله على 1000 جنيه في الشهر وطبعا العربية حتفضل بإسمه لغاية ميوصله ثمنها بالكامل وكده اﻹختيارات كتير بس مش في عربيات بياعة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال