الموضوع: تسريب مياه داخل الكابينه

السلام عليكم

انا عربيتي ماتريكس اتوماتيك موديل 2008 ولاحظت تسريب للمياه الخضراء من اسفل الكونسول (بالظبط بجانب دواسة البنزين يعني من اخر الكونسول الامامي اللي فيه الفتيس) المهم المياه اتسربت لحد ما الرادياتير فضي تماما من المياه وبعدين مليته ومشيت والمشكلة دي لم تتكرر مرة اخري

في ناس قالتلي ان ده معناه ان سربنتينه التكييف السخن اتخرمت ومن الافضل انك تلغيها علشان بكدة المشكلة دي هتتكرر تاني (بس هي متكررتش) وناس تانية قالتلي انك من الافضل انك لو تفدر تفك التابلوه وتوصل ليها وتلحمها يكون احسن

المهم انا قولت اشتري دماغي (علي الرغم من ان المشكلة لم تتكرر)

وروحت عند بتاع رادياتيرات راح لاغي لي التكييف السخن بس قطع واحد من الخراطيم اللي داخلة في كابينة العربية من الصدر الامامي من الكبوت لانه معرفش يفك الكوليه بتاعه

انا دلوقتي بتلج من البرد داخل العربية وعاوز اشغل التكييف السخن بس ما فيش خلاص ... وخايف اروح ارجع السربنتنية واصلح الخراطيم بتاعتها تاني وبعدين الاقي مشكلة تسريب المياه دي اتكررت تاني ... هل ما فيش طريقه اوصل بيها للسربنتينة دي غير فك التابلوه ؟؟؟

وهل فعلا معني تسريب المياه داخل الكابينه ان السربنتينة مخرومة؟؟؟ مع العلم انني لما مليت الرادياتير بعد التسريب مشيت بالعربية لمدة اسبوعين كاملين وما فيش ولا نقطة مياه اتسربت تاني ؟؟؟؟؟؟ يعني ما فيش خرم ولا حااااااااااااااااااااااجة

انا مش عااااااااااااااارف اعمل اييييييييييييه؟؟؟؟؟؟؟؟؟؟؟ ؟

المشاركة الأصلية كتبت بواسطة elawany13

حصلت نفس المشكلة عندى واتضطريت الغى السخن

مرة قريت عن مادة بتتحط فى مياه الرداتير بتسد الثقوب الصغيره اللى زى ديه

حلو الموضوع ده .. بس يا ريت حد يفيدنا من الاخوة عن المادة دي اسمها ايه وموجودة فين وبكام؟؟؟

وهل عربية حضرتك ماتريكس برضه؟