العربية بتنتش لما اشيل رجلي من الدبرياج

**Xpatshix** · 18-01-2014 11:18 PM

السلام عليكم :)

انا معايا سكودا A4 و عندي مشكلة بقالها فترة مش لاقيلها حل و مش مقتنع براي الميكانيكي
انا عندي العربية مانيوال .. و انا علي الغيار الاولاني يادوب لما اشيل رجلي من علي الدبرياج العربية تنطر مني و تنتش و نفس الموضوع علي التاني و احيانا علي التالت .. غير كدة لما اسيب رجلي من علي الدبرياج الاقيها مع التنتيشة دي بتقطع و فيه صوت ونة كدة بيروح و بيجي .. مع العلم اني لما افضل حاطط رجلي علي الدبرياج مفيش ولا اي اعراض من اللي قلتها دي بتحصل خالص ..
الميكانيكي قالي ان دي بتكون خنقة في العربية بسبب بوابة الانجكشن

فية نقطة تانية .. لقيت علي الشاشة طلعلي مسج alternator workshop لمدة ٣ ثواني و اختفت تاني انا مش فاهم دي عبارة عن ايه .. انا اسف علي التطويل و اتمني المساعدة ..
شكرا

**amz2011** · 18-01-2014 11:36 PM

متابع

**J A G U A R** · 19-01-2014 12:05 AM

متابع

**besso** · 19-01-2014 01:00 AM

ايوه شوف الدينامو فيه ايه لان ممكن عيب كهرباء يلخبط العربيه كلها او لو البطاريه بايظه تلاقى العربيه مسجله اعطال فى كل حته وكلها مشاكل

**Xpatshix** · 19-01-2014 09:33 AM

المشاركة الأصلية كتبت بواسطة amrelsaqqa

alternator يعنى الدينامو ، ممكن يكون عندك مشكلة في الكهربا في الدينامو او البطارية و عاملة كل المشاكل دي

العربية مثلا لما تبقى البطارية بايظة وتيجى تدي النور العالى تلاقيها بتنتش ، معرفش دى حاجة ليها علاقة بالمشكلة اللى عندك ولا لا بس فعلا ممكن مشكلة كهربة تعمل التنتيش ده في العربية نتيجة ان الكهربة اللى رايحة للموبينات مش كافية او متقطعة والله اعلم

طيب انا اقدر امتي اعرف ان البطارية فيها مشكلة .. هل بروح اكشف عليها مثلا ؟
مع العلم ان المشكلة دي بتحصلي و انا ماشي الصبح حتي من غير اي نور حتي نور التابلوة بيكون مقفول و الكاسيت .

متشكر لرد حضرتك :)

**Xpatshix** · 19-01-2014 09:34 AM

المشاركة الأصلية كتبت بواسطة besso

ايوه شوف الدينامو فيه ايه لان ممكن عيب كهرباء يلخبط العربيه كلها او لو البطاريه بايظه تلاقى العربيه مسجله اعطال فى كل حته وكلها مشاكل

طيب بالنسبة للاعطال انا حطيت العربية علي الكومبيتر و مكنش فيها غير عطل واحد بس اللي هوا
Thermostat open circuit و غيرت الترموستات و بقي مفيش اي عطل
اعمل check علي الدينامو ازاي ؟

شكرا لرد حضرتك .

**Amr_Azab** · 19-01-2014 11:45 AM

اي كهربائي ممكن يقيسلك شحن الدينامو ويشوفوا بيشحن كويس ولا لآ
والموضوع ده غالبا حاجة من اتنين
يا مشكلة في الكهرباء فعلا زي الآعضاء ما قاله ( كهربة الموتور )
يا مشكلة في دورة البنزين ( شوية شوائب - انسداد في احد الرشاشات - فلتر بنزين - ...)
وده اللي بيخليها تنتش منك وطبعا احنا استبعدنا مشاكل الدبرياش لانك مذكرتش ان في عض او صعوبة في الغيارات

**Xpatshix** · 19-01-2014 12:39 PM

المشاركة الأصلية كتبت بواسطة amr_azab

اي كهربائي ممكن يقيسلك شحن الدينامو ويشوفوا بيشحن كويس ولا لآ
والموضوع ده غالبا حاجة من اتنين
يا مشكلة في الكهرباء فعلا زي الآعضاء ما قاله ( كهربة الموتور )
يا مشكلة في دورة البنزين ( شوية شوائب - انسداد في احد الرشاشات - فلتر بنزين - ...)
وده اللي بيخليها تنتش منك وطبعا احنا استبعدنا مشاكل الدبرياش لانك مذكرتش ان في عض او صعوبة في الغيارات

تمام انا هشوف كهربائي يكشفلي علي الدينامو ده ,,
انا عندي مشكلة فعلا في الغيارات بتعض علي الاول و التاني و فيه صعوبة في الغيار الاول و المارشيدير بس .. ده غير ان فيه صوت ونة كده لما بشيل رجلي من علي الدبرياج و ادوس بنزين و اسيب رجلي من علي البنزين العربية بتنتش و بسمع بقي صوت الونة دي

-

الموضوع: العربية بتنتش لما اشيل رجلي من الدبرياج

LinkBack

أدوات الموضوع

عرض

-

-

-

المواضيع المتشابهه

هبده في العربية لما اشيل رجلي من علي البنزين

مشكلة مع لمبة التشيك بتنور اول لما اشيل رجلي من علي دواسة البنزين

مشكلة مع لمبة التشيك بتنور اول لما اشيل رجلي من علي دواسة البنزين

العربيه بتتخنق معايا اول لما اشيل رجلي من علي دواسه البنزين

العربية بتبطل اول ما اشيل رجلي من علي البنزين

الكلمات الدلالية لهذا الموضوع

المفضلات

المفضلات

ضوابط المشاركة