الموضوع: سيارتي تاكل زيت وصوت الماتور عالي

اخى الكريم على حسب معرفتى
ان اسباب العربية بتسحب زيت تكاد تكون معروفة يا اما الماتور لا قدر الله بدأ يضعف
او ان هناك تسريب فحاول التأكد من غلق طبة الزيت باحكام

شاكر ليك اخ حاتم ولكن بالنسبة للسؤال التاني علي حسب معلوماتي العيب في الرشاشات ولكن بعض الاصدقاء قالولي ان العيب في الموبينه ؟؟؟؟؟
بصراحة انا مش عارف العيب فين وشاكك ايضا في الشكمان بسبب كتمة صوت الماتور وعلوة باستمرار
لو في احد الاخوة يستطيع مساعدتي ياريت

المهم الذيت ثم الذيت ثم الذيت ..متمشيش بالعربيه قبل ما تشوف موضوع الذيت...وسيب اي حاجه تاني .اولا روح غير ذيت تقيل حبتين علشان ما يتبخرش ذي شل الاحمر وغير فلتر الذيت واتاكد من طبة الذيت واحكام الربط ..وبعدين شوف في دخنه ولا لا وتابع المقاس كل شويه ...وقلنا ايه الاخبار

شاكر ليكم ردودكم - انا والله محرج منكم جدا بس بصراحة انا واضح لما قست مقياس الزيت في الصبح كانت السيارة مايلة ناحية اليمين علشان كده اعطاني المقياس قراءة خاطئة -انا بستعمل زيت موبيل 1 _ 10000 كيلو - انا شاكر ليكم جدا اهتمامكم ولكن لاتزال المشكلة الخاصة بإرتفاع صوت المحرك - هل الطبيعي اني انظف البوابة كل اسبوعين ؟؟؟؟؟
للاسف انا لا يوجد لدي عداد ار بي ام لان السيارة بدون الكماليات
انا شاكك في الايدل الخاص بالبوابة ولكن لو عيب ايدل ليه لما بنضف البوابة الصوت بيبقي طبيعي؟؟؟؟؟ وايضا الملحوظة التانية لما بشغل التكييف الصوت بيعلي جدا ولما اطفي التكييف بيفضل الصوت عالي وكإني دايس علي دواسة البنزين
لما بشغل العربية وهي واقفة الصوت بيعلي ويوطي وكإني بدوس وبشيل رجلي منعلي دواسة البنزين
بالنسبة للايدل الكبير اللي بيركب فوق مرة بفكة علشان انظفة لقيت الجوان ( الاستيك البرتقالي ) اللي حول الايدل مقطوع - لفيت علشان اجيب واحد زية وفي الاخر جبت واحد شبية ليه --- السؤال هل مثلا لو الجوان ده مش نفس المقاس يتسبب في دخول اتربة بسرعة وبالتالي بيخلي البوابة يحصل لها كده - والسؤال التاني ايه لازمة حساس الشكمان ؟؟؟ وممكن يكون ليه عامل في اللي بيحصل ده ؟؟؟؟

طبعا ده بخلاف ريحة البنزين الني اللي بشمها خصوصا لو قرصت علي العربية جامد او في الصبح اول ما بدور

لو دخلت العربية علي جهاز كمبيوتر ممكن يعرف المشكلة فين ولا لا لاني سمعت ان الكمبيوتر لا يحدد الاعطال بدقة في اللانوس ؟؟؟
واخر حاجة لو حد يعرف ميكانيكي كويس او مركز كمبيوتر يكون محترم يقولي عليه - انا من القاهرة

اسف علي الاطالة وفي انتظار ردودكم

بالنسبه للزيت بص تحت العربيه قبل ما تتحرك وبالتالي هاتعرف نقطه التسريب فين حصلت معايا وكانت من حساس الزيت كان بيسرب
بالنسبه للصوت العالي انت نفسك جاوبت ع سؤالك لان الجوان مهم جدا لان الحساس بدونه هايخلي ال rpm عالي

طيب يا جماعة حد يعرف ميكانيكي كويس او مركز صيانه في القاهره ؟؟؟؟