الموضوع: سؤال في موضوع البوابه

خبراء اللوجان بعد التحيه
انا معايا لوجان ٢٠١٢ اللي هي فلتر الهوا بتاعها مدور وشكل العمه والفلتر زي ما تكون العربيه كربراتير :)
المهم في كذا حد نصحني اتلكك علي تغيير البوابه وانا في الضمان علشان البوابه دي فيها عيب صناعه
اانا مبشتكيش من العربيه في حاجه ومبطلتش مني قبل كده فهل اتلكك علي تغيرها فعلا ولا اخليها علما بأني قدامي سنه واحده علي الضمان
معلش انا عارف ان الموضوع ده قتل بحثا قبل كده بس انا معرفتش اجيبه من المواضيع القديمه واقراه

المشاركة الأصلية كتبت بواسطة adel_edrees

طيب ما حضرتك تروح لمركز خدمة معتمد زى فرنش موتورز و تدفع تمن كشف و تقوللهم أنا عايز أعرف البوابة دى بلستيك و ألا ألمونيوم ألا لو حد من الأزملاء الأفاضل يصور لنا البلاستيك و الألومنيوم و بعدين أنا لما روحت لهم أول مرة نضفوها المرة الثانية غيروها من غير ما أتكلم و لاحاجة الكلام ده حصل في فرع العبور و على فكرة ما كنتش عملت بيها 3000 كيلو و أكتشفت العيب ده لما كنت بأشغل التكييف العربية كانت بتبطل لوحدها معنى كده أن العيب ده بيظهر بسرعة من غير تعب فما علش حضرتك عملت كام كيلو بالعربية و شغلت التكييف فىى الصيف و ألا لأ؟

انا عامل ٢٥٠٠٠ كيلو وماشي بيها سنتين وشغلت التكييف في الصيف طبعا كتير وعلي سفر وفي وسط البلد ومفيش اي مشكله ...علشان كده بسأل لأني خايف يطلع لي العيب ده بعد انتهاء الضمان وادبس في تمن بوابه ...لكن من ناحيه انها بطلت معايا فجأه ..معملتهاش ولا مره