نفسي اجيب تيجو بس خايف

**seen9** · 19-01-2014 02:24 PM

بعد التحية
محتاج خبرتكم و رائيكم اجيب انهي عربية مستعملة في حدود 70--80 الف محتار بين التيجو ولا الماتريكس ولا الرينو ستب واي

انا عارف ان كل واحدة فيهم ليها مميزات وعيب و انا دورت كتير علي عيوبهم قبل مميزاتهم
انا سفري قليل و مشاويري مش كتير و معظهم داخل مصر المحروسة اللي للاسف شوارعها بتجبرني اجيب عربية عالية و دي من ضمن الحاجات اللي عجبتني في التيجو ده غير شكلها الانيق و ووسعها من جوه.
بس للاسف ملقيتش معلومات كفاية عنها . لان معظم اللي مكتوب عنها و هي جديدة.

بس نفسي حد من ملاكها يقولي حالتها ايه بعد 70,000 هل لسه كويسة ولا مش معمرة.
و ايه اخبار التوكيل اسعاره غالية ولا معقولة و لو حبيت اصلحها بره التوكيل هلاقي قطع الغيار ولا لا.

اسف اني طولت عليكم بس نفسي ملاك العربية هما اللي يردو لاني بحس انهم بيختفو بعد لما بيشتروها مش عارف ليه.

**hugan** · 19-01-2014 03:41 PM

مفيش مقارنه بين التيجو
والماتريكس والسانديرو
فئتين اقل من التيجو
بعد 20000 كيلو استهلاك عربيه ممتازه اكثر مما تتخيل
قطع الغيار وورش الصيانه ما اكثرها وتوفرها
تقريبا كل محلات قطع الغيار الياباني والكوري في الاحياء بتبيع قطع غيارها هي وال بي واي دي
غير التوفيقيه وشارع دمشق اكثر مما تتخيل
اكيد حضرتك ماخدتش جوله كويسه في قسم الاسبرانزا
لكن الشيء الاهم من البحث عن العربيه
انك تكون مقتنع ان التيجو
زيها زي اي عربيه
بتحتاج صيا نه ومحافظه
وما يكونش عند ك هس هس الصيني
غير كده يبقي شوق السانديرو او الماتريكس

**MaZaGAngeE** · 19-01-2014 04:43 PM

انا ركبتها اكتر من مرة و الحقيقة انا كنت متوقع منها اداء ضعيف ....لكن عجبتني جدا و استجابتها حلوة لل 1600 و طبعا ال 2000 هتكون افضل طبعا ...
انا مجربتش التكييف بس غالبا هيكون متوسط عشان المساحة كبيرة ..

**car20000** · 19-01-2014 05:02 PM

بامانة وشهادة لله
انا كنت راكبها على طريق مصر العلمين وجبت بيها سرعة 180 كم/س وكانت ثابتة جدا الحمد لله
وكنت عاوز اجيب اكتر من كدا ولكن الحمد لله توقفت عند السرعة دى :)

بامانة هيا عربية قطع غيارها رخيصة وبتستحمل شوارع مصر بكافة جمالياته :)

**hugan** · 19-01-2014 05:48 PM

المشاركة الأصلية كتبت بواسطة seen9

اشكرك جدا علي ردك.
انا شخص عملي جدا و مقتنع تماما ان كل عربية ليها عيوب و ان عمر العربية 60% منه بيتحدد علي حسب استخدام صاحبها. مهما كانت ماركة العربية

انا كل اللي كان شاغل بالي اني مادخوش ورا قطع غيارها و متبقاش استهلاكية زيادة عن الطبيعي. بالاخص العفشة لان وزن العربية كبيرز
و ياتري ايه اخبار الموتور لسه بحالته بعد 20000 ولا السحب ضعف عن الاول

اعتذر عن الاطالة

انامالك لاسبرانزا 516 قبل التيجو كانت زيرو
بعتها بعد 120 الف كيلو استهلاك وكان موتورها اكثر من ممتاز بحالته
شخصيا اعرف ناس تعدت ال 250 الف ومواتيرها ممتازه
لكن بعتها لانها غير مناسبه لطبيعه شغلي
وكنت محتاج عربيه عاليه وليها شبكه علي السقف
قطع الغيار استلاكها الطبيعي لاءي عربيه
الكاتينه والبلي 40 الف كيلو
التيل كنت باغيره علي 25 الف حتي لو مليان
حاليا في التيجو ماعملتش اي حاجه غير الردياتير
كان ضرب علي كلام بتاع الردياتر بسبب مياه موبيل
هي الللي بوظته
عفشه التيجو بالنسبه لي حتي الان ممتامسكه اكثر من عفشه ال516
كانت بتحتاج تربيط كل شويه
التيجو مروده بشداد عرضي اعلي كارتيرات المساعدين عجبني جدا
ماسك الحوض بتاع العربيه
الكبوت مزود 2 مساعدين لرفعه
بالنسبه انك تدوخ علي قطع يغار اسبرانزا عموما
مستحيل
لانها متوفره بكثره كثر مماتتخيل
في كل مكان
مش شرط التوفيقيه او شارع دمشق
ورش الصيانه موزعه علي جميع انحاء القاهره بكثره
الشيء الاهم لو ناوي
توقع عرببيه بحاله ممتازه وتكن كيلو متر قليل
ومش متهانه
الكلام ده عموما لاءي عربيه مش التيجو

**M I D O** · 20-01-2014 08:39 PM

المشاركة الأصلية كتبت بواسطة hugan

مفيش مقارنه بين التيجو
والماتريكس والسانديرو
فئتين اقل من التيجو
بعد 20000 كيلو استهلاك عربيه ممتازه اكثر مما تتخيل
قطع الغيار وورش الصيانه ما اكثرها وتوفرها
تقريبا كل محلات قطع الغيار الياباني والكوري في الاحياء بتبيع قطع غيارها هي وال بي واي دي
غير التوفيقيه وشارع دمشق اكثر مما تتخيل
اكيد حضرتك ماخدتش جوله كويسه في قسم الاسبرانزا
لكن الشيء الاهم من البحث عن العربيه
انك تكون مقتنع ان التيجو
زيها زي اي عربيه
بتحتاج صيا نه ومحافظه
وما يكونش عند ك هس هس الصيني
غير كده يبقي شوق السانديرو او الماتريكس

جبت الخلاصة كالمعتاد