الموضوع: مشكلة كبيرة بسبب تركيب طرمبة المياه

انا عندي سيارة بولو كلاسيك 2001 موتور 1400 كنت بغير طرمبة المياه , فكان لازم نحل سير الكاتينة وركبنا طرمبة الميه وبعدين لما جينا نركب السير كان قافش شوية من تحت عند الكرنك فهوينا مسمار ترس الكرنك شوية بمجرد ما عملنا كده اقيت الترس راح لف حوالين نفسة زي ما يكون كان في سوستة مسكاه وبعد كدة عدلنا التقسيمة بتاعت الموتور حسب الاسهم اللي موجودة وركبنا السير وجيت اجرب مجرد ما دورت لاقيت صوت المتور مبرجل شوية ومتلت وبيقطع بطلت ورحت ابص اشوف في اية .. الميكانيكي حل الجوانات علشان يشوف الكبس بيقوللي الصباب التالت والرابع واقفين ومبيتحركوش .... فهل جابت صبابات .... وحد تاني قاللي اني ممكن لما كنت حالل كابل البطارية ورجعتة ممكن يعمل قافلة ويحرق كنترول من اللي بيتحكم في حركة الصبابات .... يا ريت حد يقوللي رأيه ايه