الموضوع: استشارة فى اصلاح لانسر 2003 مخبوطة من قدام جزاكم الله كل خير

السلام عليكم و رحمه الله و بركاتة
ارجو منكم المساعدة بالاستشارة فى امكانية اصلاح الخبطة
هل يبنفع انها تتسمكر و تستعدل الخبطة الى فيها من حيث الرفارف و الشاشية ( صدر العربية )
و لا لازم اغير الصدر كامل
العربية فى السعودية مش فى مصر بس انا عاوز رايكم عشان هنا محدش بيفهم فاحسن حل انك تروح و تقله اعمل كذا ...

جزاكم الله كل خير

المشاركة الأصلية كتبت بواسطة saddam

صديقي المواطن
بناءا على رسالة خاصة.جائتني للتعليق على هذا الموضوع
فقولا واحدا الحادث بسيط جدا جدا ومفيش أي مشاكل في شاسيه العربية ممكن تغير الصدر وعندك مش حيعدي جديد 200 ريال وكمان ممكن إصلاحه بسهولة ويرجع زيرو مش باين بس صعب تلاقي حد يسمكرهالك في السعودية مظبوط حتطلع ملتوتة
أما النصيحة الحق ففي السعودية هذه السيارة لا جدوى من إصلاحها ﻷنها لا قيمة لها هناك وممكن تدفع ربع قيمتها في خبطة بسيطة زي دي ثم إحنه باعتينك السعودية تشرفنا وترفع راسنا تروح تجيب لانسر و 2003 وترجعنا كلنا مرشدير بظهرنا إلى الخلف در
شوفلك جمسي ولا رينج روفر وتمتع بكام يوم الحرية قبل مترجع لسجننا الكبير مصرنا الحبيبة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

الاخ العزيز صدام ،، جزاك الله كل خير على الاهتمام و الرد
فعلا هو التجارى هنا هيكون فى حدود 300 ريال تقريبا انما لو اصلى هيكون 1700 ريال و فعلا عشان تتصلح الخبطة و تترش تانى هتتكلف ممكن من ربع الى نصف القيمة
هو الاختيار كان على قد الحالة المادية وقتها و ربنا يكرم لما نتجوز نجيب الجديد على وش العروسة بقى
ان شاء الله نشرفك قريب بس لو ناوى بفكر فى مرسيدس و خصوصا الشبح بينا علاقة غرامية
ان شاء الله ناوى مرسيدس