مشكلة تكييف بيجو 301

**goldfinger2** · 21-01-2014 03:04 PM

السلام عليكم
ياجماعة انا حصل معايا موقف رخم اوى النهاردة ،بداية كنت فى مشوار فى القاهرة ومشغل التكييف على الاخر ومش حاسس انه طبيعى من ساعة ماشغلته وكان حاسس ان سحب العربية تعبان جدا معاه ،وبعد شوية هديت صوت المروحة سمعت صوت الفريون فى المواسير بيروح وييجى (ده غالبا مابيحصلش غير لما ضغط الفريون يقل او يكون اتحلل وبقى هواء كان بيحص معايا فى اللانوس) المهم كملت بيها على الصحراوى وكان السحب فى منتهى السوء ،،قفلته حوالى ساعة ولما وصلت اسماعيلية شغلته تانى واتفاجات ان فى بخار بيطلع من الكبوت من الشبكة الامامية ماخدتش فى بالى، كنت فاكرة تراب والمروحة لما اشتغلت طار من الراداتير ! وتبريد التكييف قل عن الاول ، بعدين لما وصلت الهواء مبقاش بارد اصلا بقى ساخن فتحت الكبوت ولقيت الشبكة الامامية عليها زيت خغيف مش عارف بتاع ايه والمروحة بتشتغل عادى جدا بس مش بسمع صوت تكة الكومبروسر بتاع التكييف ،، حد حصل معاه موقف زى دة
ارجو الافادة
واسترها يارب

**goldfinger2** · 21-01-2014 03:35 PM

الحمد لله كلمت التوكيل طمننى وقاللى اروحلهم يبصوا عليها ،ان شاء الله رايح بكرة وهعرفكوا عملت ايه

**Mohamed 555** · 21-01-2014 03:44 PM

ان شاء الله بسيطة و ربنا يستر و ابقى طمنا عليها و ربنا معاك

**M3L** · 21-01-2014 04:06 PM

ربنا معاك و ان شاء الله بسيطة

**mohamed hussei** · 21-01-2014 04:17 PM

متابع

**amrelsaqqa** · 21-01-2014 04:23 PM

بسيطة ان شاء الله ، يارب ما تكون خدت مطب واثر ع السربنتينة

**ABOMO3AZ HASBO** · 21-01-2014 04:24 PM

حصل معايا الموقف ده قبل كده في عربيه فابيا
وكان السبب ان ظلته وقعت من عربيه نقل كانت ماشيه قدامي والصدفه الغريبه ان هي توصل من خلال الفتحات اللي بتاع التهويه اللي في الاكصدام لتستقر في السربنتينه وتطلع كل الفريون اللي فيها
فكان الحل ان نغير السربنتينه او لحامها