احذروا الفخ

**ahmad.11** · 22-01-2014 04:02 PM

في على كورنيش المعادي بعد الدائري بشوية وإنت طالع من المعادي بلاعة مفترية في حارة اللي في النص لبستها على 80 جت في الفردة قدام يمين عوجت الجنط(حديد) ونيمت الكاوتش وقفت اغير الفردة ووانا واقف كان في 2 كمان بيغيروا الكاوتش و 3 عربيات لبسوا البلاعة والكاوتش نام
انهارده رحت لواحد بتاع كاوتش عادل الجنط بالدق عليه ورصص وطلعت جربت الحمدلله مفيش مشاكل لحد 130
فـخلوا بالكم من البلاعة دي يا جماعة

**MOSTAFA.EID** · 22-01-2014 04:26 PM

ربنا يستر وقدر الله وماشاء فعلا ٫٫ شكرا علي التنبيه

**J A G U A R** · 22-01-2014 04:30 PM

شكرا على التحزير

**saddam** · 22-01-2014 05:03 PM

صديقي المواطن
شكرا لتنبيه اﻷخوة الاعضاء

وهنا هذا الموضوع البسيط يشرحلك أد إيه نحن الشعب المصري بنرضى بمنظومة الفشل المستديم من حكومات متعاقبة وموصلين الشعب المصري مرحلة اليأس من أي حاجة في كل حاجة يعني الطبيعي بره في دول محترمة تلبس مطب ترفع قضية تعويض لو إهمال إصلاح طريق وكده والدول نصف المحترمة لما تلبس مطب تروح تشتكي في أي مكان المطب يتصلح مباشرة إلا الشعب المصري مؤمن بنظرية
لقد أسمعت لو ناديت حيا
ولكن لا حياة لمن تنادي

فلما المواطن خد مطب لأنه يائس من الصح في بلدنا فلا إراديا لا تلاقيه بيشتكي لحد ولا حاجة ولكن تعايش وصبر على اﻹساءة إليه وكل اللي قد يعمله بحذر بعض الناس يا إخواننا الحته دي فيها مطب وأنا لبسته وربنا يعوض عليا فمحدش يوقع فيه وده تمامنا

لكي الله يا مصر
لكي الله يا مصر
لكي الله يا مصر

عشان إحنه إنتهينه خلاص

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال