اول تعامل مع توكيل رينو فعلا توكيل محترم

**assaf** · 24-01-2014 02:03 PM

من اول ما جبت العربيه في نقط او بقع في الشريط النيكل فوق الشبكه الاماميه
زي الصور

و كنت بقول يمكن مع التنضيف تتطلع بس مبتطلعش
و اخر مره عامل المغسله قالي اعملها بجاز قولت لا ابقي اشوفها بعدين
المهم امبارح كنت رايح كارفور العبور انا و الاسره قلت افوت علي التوكيل يشوفوها بالمره
و المهم وصلت التوكيل الساعه 2.30 و سألت في الريسبشن قالولي شوف قسم السمكره و الهياكل يشوفها
روحت قسم السمكره و الهياكل قابلت المهندس عبد الفتاح قالي حنحاول ننضفها و خللي فني ينضفها منفعتش لقيته كلم المهندس سامر مدير الورشه و جه شافها و قالي انت مستلم العربيه من امتي قولت له شهرين و نص قالي من اول يوم كدا قولت اه قالي حكلم الضمان
كلم الضمان جت مهندسه اسمها المهندسه سها شافتها و اخدت مني الرخصه و قالتلي حنغيرها

و فعلا عملت امر شغل و لقيت المهندس عبد الفتاح لما شاف الاسره معايا جاب فني بسرعه وقالو خلصه عشان العيله معاه فعلا 5 دقايق كانت راكبه من غير اي مناهده ولا كلام كتير
و ادي الصور بعد التغير

قولت للمهندسه سها علي العزل للسخونيه قالت مادام بتشتكي نعمله بس انا كنت مستعجل و الساعه 3.30 قولت لها في صيانه ال 5000
المهندسه سها قالت عموما اي ملاحظه تعالي في الاول عشان محدش يقول سوء استخدام
انا بشكرالمهندس عبد الفتاح و المهندس سامر و المهندسه سها
و فعلا توكيل رينو احسن توكيل
و انا حبيت لوجي اكتر لان حسيت ان وراها توكيل محترم

**adel_edrees** · 24-01-2014 04:25 PM

أتفق معاك تماما في حاجات كتير و أنت بتشترى العربية لازم الواحد يأخد باله منها من ضمنها الوكيل يعنى مثلا ده الوكيل الرسمي من السبعينات لرينو في مصر و عمل نجاح لعربيات كتير منها رينو كليو و ميجان وميجان 2و 18 و 5 و9 و أخيرا سانديرو و اللوجان و فلوانس و كان في عربيتان تركى رينو شاماد اللى هى 19و رينبو اللى هي 9 بس للأسف لم يحظو بأى نجاح يذكر

**J A G U A R** · 24-01-2014 11:41 PM

شكله فعلا توكيل محترم ..

**adel_edrees** · 25-01-2014 09:50 AM

أنا عايز أقول لحضرتك على حاجة حضرتك روحت الفرع بتاع العبور و ده كان أول تعامل روح حضرتك بقى الفرع الأصلى بتاع المقطم و أنت حتشوف اللى عمرك ما شفته و حتخرج تقول أنا كنت أشتريت سيات كان أحسن لى فرع العبور من أحسن الفروع تعاملا و نظاما

**adel_edrees** · 25-01-2014 05:03 PM

طيب حضرتك بتدور على مهندس أن مرة روحت مرة فرع المقطم و قعدت أدور على العربية مش لاقيها لحد فين بعد ساعة و بعد زعيق و خناقة و أنا قلت يا قاتل يا مقتول المهم أننا في الأخر روحت ورا في الجبل لقيتها متربة يا راجل المقطم ده فرع سيء جدا