تغير كابوت لانوس 2

**starlanos** · 24-01-2014 04:06 PM

السلام عليكم

دلوقتي بشد عربيتي سمكرة وانشاء الله هرشها
عايز اغير كبوت هل الكبوت يعيب العربية عشان في سمكرة وهتاخد معجون كتير فقال انضف نغيرة وبدل استيراد هات جديد افضل ايه رئيكم
وياريت الاسعار
وكمان هجيب 2كارتيرة امامي اجيب جديد ولا استيراد والسعر
ورفرف امامي جديد ولا استيراد وسعرهم

**eng.salama93** · 24-01-2014 04:43 PM

هاته استيراد و يفضل نفس اللون و اديله وش دوكو و خلاص

**road_devil** · 24-01-2014 06:59 PM

بصراحة بستحرم سعر الاستيراد الي بيوصل لضعف ثمن الجديد. وخد بالك أنك لو مش فاهم كويس وليك خبرة كويسة فممكن التاجر يلبسك واحد جديد (مش أصلي يعني) ومرشوش فتفتكره انت استيراد اصلي. هييجي حد يقولك لأ أنت ممكن تميز الجديد عن الأصلي الاستيراد بأن الأصلي بيبقى فيه فليتو والجديد لأ, وهنا أنا بقولك كان غيرك أشطر. :) الفليتو بيتعمل عادي في الكبوت الجديد ب 40 أو 50 جنيه. فلازم تكون فاهم كويس علشان تعرف تميز الجديد عن الاستيراد الأصلي. أنا غيرت الكبوت عندي في النوبيرا بواحد جديد وشغال معايا زي الفل بس خلي بالك هو للحق أخف شوية من الأصلي واقل في الجودة. وبعد تركيبه هتلاحظ ان الخلوصات (الفرق مب بين الكبوت والرفرف من فوق) يمين وشمال مش مظبوطة أوي على الشعرة. فلو انت بتدقق أوي في الحاجات ديه, يبقى هات واحد استيراد بس خد بالك وأنت بتشتريه. بالنسبة لموضوع يعيب العربية ولا لأ, فكده كده لو فكرت تبيع لازم الي هيشتري هيطلعلك فيها القطط الفطسانة علشان يوقع السعر. فمش هتفرق كتير.

**mk3** · 24-01-2014 07:24 PM

المشاركة الأصلية كتبت بواسطة road_devil

بصراحة بستحرم سعر الاستيراد الي بيوصل لضعف ثمن الجديد. وخد بالك أنك لو مش فاهم كويس وليك خبرة كويسة فممكن التاجر يلبسك واحد جديد (مش أصلي يعني) ومرشوش فتفتكره انت استيراد اصلي. هييجي حد يقولك لأ أنت ممكن تميز الجديد عن الأصلي الاستيراد بأن الأصلي بيبقى فيه فليتو والجديد لأ, وهنا أنا بقولك كان غيرك أشطر. :) الفليتو بيتعمل عادي في الكبوت الجديد ب 40 أو 50 جنيه. فلازم تكون فاهم كويس علشان تعرف تميز الجديد عن الاستيراد الأصلي. أنا غيرت الكبوت عندي في النوبيرا بواحد جديد وشغال معايا زي الفل بس خلي بالك هو للحق أخف شوية من الأصلي واقل في الجودة. وبعد تركيبه هتلاحظ ان الخلوصات (الفرق مب بين الكبوت والرفرف من فوق) يمين وشمال مش مظبوطة أوي على الشعرة. فلو انت بتدقق أوي في الحاجات ديه, يبقى هات واحد استيراد بس خد بالك وأنت بتشتريه. بالنسبة لموضوع يعيب العربية ولا لأ, فكده كده لو فكرت تبيع لازم الي هيشتري هيطلعلك فيها القطط الفطسانة علشان يوقع السعر. فمش هتفرق كتير.

يعنى ايه فليتو

**Mahmoud.Fathy** · 24-01-2014 07:35 PM

هات كله جديد افضل ... تايواني

الكبوت ب 450 جنيه تايواني محترم ... الرفرف اليمين أو الشمال تايواني الواحد 170 ج ... الاكصدام 180 جنيه .. الكارتيرة الواحدة تايواني 40 ج ...

**MMamdouh** · 25-01-2014 03:29 AM

الكابوت الجديد الاصلى كان ب880 جنية من 6 سنين... لو سعر الاستيراد قريب او اغلى هات الجديد لانك كدة كدة هترش

الباقى هاتة جديد اصلى مش تايوانى

MMamdouh