الموضوع: انا محتار !!!!!

المشاركة الأصلية كتبت بواسطة Y a r i s

على حسب ... اذا انتا انسان عملي واقتصادي هات التويوتا واذا انتا بتحب الفخامة والملمس والتكنولوجيا بغباوة هات الجولف ... اذا بتحب تأمرك كتير بالعربية. وعاوز حاجة تستحمل. هات الكورولا. الجولف مش هتستحمل واذا بتحب الجري كتيررررر وعاوز اكسترا ثبات هات الجولف بالذات اذا سرعاتك فوق ال ١٨٠ .

بالنسبة للبنات الي هيركبوا معاك لو عاوز مجرد صداقة وفرفشة وعلى هيء وميء. وكوفي شوب وحركات هات الجولف ... ولو فعلاً البنت الي هتركب معاك هيا حبيبت قلبك. والي انتا ناوي تروح تخطبها. وتستقر وتبني اسرة هات الكورولا .

بالنسبة لوضعك الاقتصادي ... لو دي اخر عربية ممكن تشتريها فهات الكورولا ... لكن اذا ربنا بيسهل الامور ويمكن في فلوس جيه في السكة هنبيع ونجيب جديد هات الجولف .

بصفه عامة في تنافس بين شركة تويوتا وشركة فولكس على لقب صانع السيارات رقم واحد في العالم ... وكل واحد فيهم مدرسة ... وفي كلى الحالتين مش هتندم اذا جبت دي ... ولا اشتريت دي !
وانتا شوف قلبك مايل لانهي عربية وسيبك من كل كلامي الي انا قلتوا انتا قلبك بيقلك ايه ( أستفتي قلبك ). وسيبك من حتت الهاتش باك اذا عاوز هاتش باك. ياباني ففي منتج جديد من شركة تويوتا. هيا كورولا ولكن هاتش باك. واسمها مش فاكروا حالياً بس ايه بقه تحفة بجد تحس انك بقيت في عالم تاني ورينج تاني. كفايه انها بتفصلك عن العالم الخارجي . ... وتحياتي وبالتوفيق

قصد حضرتك الاوريس Auris صح ؟ كدة المقارنة منطقية اكتر مع الجولف