الموضوع: لو عايز زيت توتال في المهندسين

المشاركة الأصلية كتبت بواسطة eslam.maghawry

السلام عليكم ورحمة الله وبركاته
حضرتكم عارفين ان بيجو بتنصح عملاء الشركة باستخدام زيت توتال كأولوية أولى والتوكيل متعاقد مع موبيل فبالتالي بيغير بزيت موبيل
انا شوفت ف شارع أحمد عرابي المهندسين انهاردة بنزينة توتال مكان بنزينة شل
محصلش أي تغيير في شكل البنزينة إلا العلامة وتيشيرتات العمال
فلو حد عايز يغير زيت يشتري جركن الزيت من توتال ويتوكل على الله على مركز الخدمة

دا حقيقي عشان لأن شركة شيل باعت الأسهم بتاعتها لشركة توتال الفرنسية,,
http://www.almasryalyoum.com/news/details/316818

مع أنهم قالو أن البيع دا مش هيأثر علي الزيوت وهيشمل البنزينات بس أنها هتبقي توتال بس فيها زيت شيل,
بس أنا شوفت البنزينات بقي فيها زيت توتال وملاقتش شيل أخر مرة,,
www.alborsanews.com/2013/05/20/شل-تؤسس-شركة-منفصلة-للزيوت-في-مصر/


وأنا من يوم ما جبت البيجو وكانو بيحطو ليها زيت موبيل في التوكيل وكان زي الزفت,
وبعد كدا بقيت أخد الجركن معايا وأنا رايح الصيانة وكنت بصر أني أحطه يأما أمشي وكانو بيوافقو وكنبت دا أكتر من مرة في ردودي عشان الناس اللي كانت بتسأل,,
وكانت النتيجة أنو ريح العربية كتير جداً عن الموبيل, في الصوت والسحب وحتي الحرارة,,

ومكنتش بحط توتال عشان مكنتش بلاقي بنزينة لشيل قريبة مني,
وكنت دايماً بلاقي شيل أقرب لي في كل مكان وبثق في الزيوت بتاعتها وحتي البنزين عن موبيل.

بس دلوقتي الفرصة أحسن إن الواحد يجرب زيوت توتال.

لا مش بيعترض أنا مغير بزيت شيل في غمرة وأبو رواش وصلاح سالم,
والتلاتة المفروض بيحطو موبيل من عندهم,,

بس أنا كنت باخد الزيت بتاعي معايا ولما كان مهندس الأستقبال بيقولي مش هينفع كنت بفهمه إني مش هحط غير زيت شيل يا إما همشي, وكنت بغير بزيت شل كل مرة أروح بيه فيها.
وكانو بيكتبو في أمر التشغيل العميل أحضر الزيت معه
وكان بيتخصم تمن الزيت من التكلفة الأجمالية
وكنت بدفع تمن الفلتر وتغير الزيت والفلتر بس.