ياريس هاتشباك vs سيدان

**FaZoRa** · 26-01-2014 10:08 PM

السلام عليكم و رحمه الله و بركاته
أولا أحب اعرف اذا فى ياريس هاتشباك 2014 و لا 2013 بس ؟؟
ثانيا : انا محتارة ما بين الهاتشباك الفئة اللى قبل اﻷخيرة أوتوماتيك و السيدان الفئة الثانية !!
هم الاثنين فى نفس رينج السعر تقريبا باختلاف ألف او ألفين جنيه ..
لكن فى ناس بتقول الهاتشباك أخف على موتور 1300 cc ف بتدى عزم أحسن و كلام من ده (أنا ماليش خبره فى الحاجات دى ف معرفش)
تانى حاجة انا حاسة ان كماليات الهاتشباك اكثر من السيدان ..
ف قلت أسأل أهل الخبرة
أفيدونا افادكم الله :)
جزاكم الله خيرا و شكرا مقدما شباب :)

**eng.ghost** · 27-01-2014 08:44 AM

بصى بحس ان الهاتش باك حلوة كعربية حريمى
عيبها شنطتها مش كبيرة لو فى حالة سفر او بتحتاجى الشنطة كثير
ميزتها ركنه بسهولة و مناورات
اكيد هتبقى اقل استهلاك للبنزين لقة الوزن بس برده قلة الوزن و نفس الماتور يدى عدم اتزان على السرعات العالية

اعادة البيع اقل من السيدان طبعا لان الطلب عليها اقل
و بالتالى سعر اعادة البيع هيقل عن العربية لو سيدان

معرفش لو الفوانيس الخلفية مختلفة يبقى مش هتلاقى التقليد منها بسهولة

انا قلت رأى و الفرق وانت او انتى تختارى الانسب لك
و برده نشوف رأى الناس هنا

**ashawkyh** · 27-01-2014 10:29 AM

أنا معايا يارس هاتش باك 2014 و موجود منها 2014 بصراحة كويسة الحمد لله .... الفتيس بتاعها cvt و مبتحسش بنتش فى النقلات و تحميعها كويس و فيها أربعة أيرباج و فرملها ممتازة و الثبات بتاعها ممتاز و العفشة ناعمة و العربية وتقفيل فرنساوى و واسعة جدا من جوه و اللى قاعد ورا مرتاح حتى لو مرجع كرس السواق على الأخر ... أنا كنت هشترى السيدان فى الأول بس فعلا لقيت مميزات الهاتش باك أكتر من السيدان...انا مش فارق معايا موضوع الشنطة لأنها على حسب أحتايجاتى كويسة جدا و كنت حاطط فى المقارنة كيا ريو و بيجو 208 بس بصراحة لقيت اليارس تكسب و ربنا يوفق حضرتك للى فيه الخير

**eng.m7md.ali** · 27-01-2014 12:37 PM

انا هسأل سؤال واسف لتدخلي

هل الياريس الجديدة سعرها مناسب او هل تستاهل السعر المهول الكبير اوي ده؟؟

دي فئة صغيرة ياجماعة لو فضلنا نشتري هيفضل يتضحك علينا

حسبي الله ونعم الوكيل في النصب

**Mohamed.Hany** · 27-01-2014 03:51 PM

انا عامل تقرير للعربيتين لو حابة تشوفيهم، بس انا رأي هاتش باك مناسبة جدا و اوبشنز اعلي بكتير و سعر مناسب عن السيدان و موتور افضل، العربية في منها 2014 و انا معايا 2013 ممتازة جدا عيبها بس الشنطة و نصحت بيها ناس كتير و مبسوطين بيها قوى.
و نصيحة من اخ بدل متجيبي الفئة قبل الاخيرة وفري 9 اللاف جنيه لان الزيادات كلام فارغ:
1.تكيف ديوال زون تاتش
2.تعديل كرسي الراكب الامامي
3.ثلاجة بالتابلوه
فهل دول يستحقو 9000 جنيه؟

**Mohamed.Hany** · 27-01-2014 05:31 PM

المشاركة الأصلية كتبت بواسطة fazora

طبعا أنا مقدره نصيحة حضرتك و بشكرك عليها بس نسيت أهم حاجة .. الشباك الخلفى مانييوال لﻷسف

ياااه هو كل فين و فين لما حد هيركب معاكي؟
الموضوع ده هيبقي مهم لو فيه ناس كتير بتركب معاكي ، و معتقدش له اهمية قوي ﻷنه مش صعب ولا تقيل، و كمان معظم البنات و هي سايقة مبتفتحش الزجاج خصوصا الايام اللي احنا فيها دلوقتي.
الموضوع ده متخليهوش يأثر علي اختيارك العربية فعلا جميلة و اللون التركواز او الفاروزي ده تحفة و بناتي قوي.
الزجاج الخلفي المانيوال معتقدش ممكن يأثر علي اختيارك لعربية بها 4 ايرباج واوبشنز كتيير مش موجودة في نفس فئتها السعرية زي الكاسيت التاتش و البلوتوث و المالتي فنكشن و النقلات بالدركسيون غير طبعا abs ebd bas
وخدي بالك بردو مش موضوع ان الهاتش باك اخف و بس ﻷ ده كمان موتورها 99 حصان مقابل 84 حصان للسيدان !

**J A G U A R** · 27-01-2014 05:37 PM

المشاركة الأصلية كتبت بواسطة eng f3lix

انا هسأل سؤال واسف لتدخلي

هل الياريس الجديدة سعرها مناسب او هل تستاهل السعر المهول الكبير اوي ده؟؟

دي فئة صغيرة ياجماعة لو فضلنا نشتري هيفضل يتضحك علينا

حسبي الله ونعم الوكيل في النصب

نصب عينى عينك .. المفرود دى متزيدش عن 120 الف

الموضوع: ياريس هاتشباك vs سيدان

LinkBack

أدوات الموضوع

عرض

-

-

-

-

المواضيع المتشابهه

سيدان و لا هاتشباك ..؟

كيا ريو هاتشباك 2014 و تويوتا ياريس سيدان 2014 و بيجو 208 2014

نيسان تيدا هاتشباك ولا تويوتا ياريس هاتشباك ولا كيا ريو هاتشباك ولا دايهاتسو سيريون

استكمالا لخلفيات وحوش رينو ( لوجان هاتشباك , ميجان سيدان , ميجان هاتشباك , سيمبول)

جمارك ياريس هاتشباك

الكلمات الدلالية لهذا الموضوع

المفضلات

المفضلات

ضوابط المشاركة