طلب مساعدة لبرمجة ريموت a620

**rabet007** · 27-01-2014 12:19 PM

بسم الله الرحمن الرحيم
السلام عليكم ورحمة الله وبركاته
ازيكم يا شباب يارب تكونوا كويسين

انا لما عملت صيانه العربية وضبطت الدنيا الحمد لله

وتم عمل فحص لكمبيوتر السيارة بالجهاز

تقريبا حصل تغييير في الشفره او برمجه المفتاح الريموت
ومن ساعتها مش عارف اشغل الريموت

فهل من طريقة لاعادة برمجه الريموت مره اخري

ولكم جزيل الشكر والتقدير ،،،،،،،،،،،،

**akmm** · 27-01-2014 01:06 PM

متابع مع حضرتك .............

**mangawy2013** · 27-01-2014 02:30 PM

جرب تحط المفتاح وتشغل كهربة العربيه وتضغط على زرار الفتح لمدة 30 ثانيه بعدها افصل وجرب

**mangawy2013** · 27-01-2014 02:31 PM

ممكن اعرف راي حضرتك عن العربيه دي وهل تستاهل استغنى عن ال c4 واركبها

**rabet007** · 27-01-2014 03:00 PM

بص حضرتك انا كنت راكب فيرنا موديل 2006
وكنت بحبها اوى فوق ما تصور كانت يعني زي نور عيوني كده
ولكن بسبب الزحام اليومي وحرق الدم بتاع السواقه
دورت علي عربيه في حدود 55 الف كده وتكون اوتامتيك
لاقيت الاسبرانزا
وهي مع زميل ليا وسافرنا انا وهو بورسعيد في يوم
صد رد والله
مريحه جدا العربيه واسعه وعربيه محترمة والله
عاوزه زي اى عربيه الاهتمام
وهافسر لسيادتك يعني ايه اهتمام
يعني تهتم بالصيانه بتاعتها في مواعيدها
تهتم بتغيير الزيت
تروح مركز محترم زي المتحده
الي موجود علي الدائري
العربيه ثبات بسم الله ما شاء الله ولا حول ولا قوه الا بالله
العربيه حجمها كبير
واسعه من جوه جدا
شنطتها بسم الله ما شاء الله
دولاب
العفشه الناس تقولك ناشفه انا شايف انها كويسه مش وحشه وممكن تعديل وتركيب مساعدين مونور زيت فقط وتضبط الدنيا
قطع غيارها مش غاليه خالص
يعني سير الكاتينه عند مركز المتحده ب 675
وغير سير الباور والتكيف والدينمو 110
بوجيهات 72
فلتر الهواء والزيت والبنزين 100
وكنت غيرت كبالن الجوز ب 380

العربيه عامه زي الفل
التكيييف رائع
الثبات ممتاز
الوسع حدث ولا حرج
التسارع بطي وده عامه علشان وزن السيارة
وثانيا معظم الاوتامتيك كده

انا مش هاقارن بسيارة ثانيه لكن هاقولك
فيه ناس لا تثق بالصيني
وده حقها
اهم حاجة ثقتك في زوقك واختيارك
وتكشف علي العربيه كويس
شاسيه
العشفه
المحرك
والكلام ده

ومبروووك عليك مقدما

اخيرا استهلاك البنزين

العربيه استهلاك معدله كويس جدا

يعني هاقولك لما عملت الصيانه فولت ب 100 لانها كان فيها مع العلم ان تانكها 60 لتر

المهم روحت ساعتها

وانا ساكن في هضبه الاهرام علي طريق مصر الفيوم

يوم الجمعه روحت المقطم صد رد دائري
ورجعت عادي في الهرم فوت علي العائله
ورحت تاني اليوم الشغل من الهضبة للمهندسين محي الدين ابو العز وطلعت علي المقطم

ورجعت من المقطم علي الدائري للهضبة
وتوجت الصبح اليوم للعمل نفس المشوار

والمؤشر تحرك الي اول علامه بعد التفويله

**akmm** · 27-01-2014 03:12 PM

متابع لسه عمليه إعاده تشفير المفتاح .

**rabet007** · 27-01-2014 03:16 PM

وانا كمان :)
فيه ناس بتقولي
اعمل المفتاح في الكونتكت
وادوس علي الزازر لمده 1 دقيقه

**AMRSPEED** · 27-01-2014 03:16 PM

المساعدين المونرو غاز فقط ان مكركبهم

**rabet007** · 27-01-2014 03:29 PM

انا والله ما عارف يا فندم وشكرا لسيادتك تصحيح المعلومة بعتذر ليك وللاخوه

**دكتور خالد** · 27-01-2014 04:50 PM

حضرتك هتحط المفتاح فى الكونتاكت وتفضل دايس على زرار الفتح بصفة مستمرة
وتفتح وتقفل الكونتاكت على التوالى 4 مرات بدون تدوير العربية (فتح الكونتاكت بمعنى انك تسمع صفارة التشيك ) ... بعدها ان شاء الله الريموت هيشتغل

الموضوع: طلب مساعدة لبرمجة ريموت a620

LinkBack

أدوات الموضوع

عرض

طلب مساعدة لبرمجة ريموت a620 - انشر الموضوع فى :

-

-

-

-

-

المواضيع المتشابهه

ممكن تكويد ريموت ل اوكتافيا ٩٩ السيارة أصلا من غير ريموت

مساعدة عاجلة فى فتيس a620

طلب مساعدة فى ريموت e46

جهاز زد بول لبرمجة مفاتيح السيارات الالكترونية

ارغب في مساعدة لتركيب ريموت كنترول للتيروس هل مثل التويوتا ام يختلف

الكلمات الدلالية لهذا الموضوع

المفضلات

المفضلات

ضوابط المشاركة