تشترى المانى ولا كورى ؟

**master-007** · 27-01-2014 02:59 PM

سؤال غريب ؟
واحد صاحبى بيقولى ليه الناس تشترى المانى بمبلغ وقدره لما ممكن تشترى كورى وتبقى عربيه وعايش حياتك برضو فيها وماتدفعلهاش قطع غيار عاليه والكلام ده .. مش عارف ارد عليه بايه ولا ايه ... اسيبكم انتم تردوا عليه وانا هاوريه الموضوع ده يقرا المشاركات ..

**raedegypt** · 27-01-2014 03:18 PM

لو تشترى فى مصر .. الكورى وكبر دماغك . الالمانى عايز توكيلات عندهم اتراك او سوريين فاهمين فى الشغله واسعارهم واجورهم نار ومحدش معاه فلوس يرميها فى عربيات الان من الاخر ِ

**J A G U A R** · 27-01-2014 03:35 PM

الراجل كلامه صح مغلطش فى حاجه انت اللى هايترد عليك .. انا هلخصلك فى كلمتين على السريع دلوقتى مبقاش فى فرق بين كورى والمانى او المانى صينى حتا والكورى ده وقته علشان مبقاش فى فرق شوف العربيات موديل 15 سانو فاتو فى الشارع من الالمانى والكورى هاتلاقى فى الكورى لانوس ونوبيرا وليجانزا واكسيل واكسنت وغيره ........ شوف بقا فى الالمانى قليل لما تلاقى عربيات المانى عكس الكورى والكلام ده للى بيقول الكورى مبيعمرش .

**2CODE** · 27-01-2014 04:15 PM

لأ هو مش الفكره في ان الكوري احسن من الالماني لأ مش كده

شوف الالماني وانا لما اذكر الالماني يبقى بتكلم عن BMW و Mercedes يعني بتكلم عن الـTop بس !!!!!!!!! متقوليش فولكس دي اصبحت شركة شمال دلوقتي خليها بس تبيع عربيتين بالفتيس الفاشل بتاعها !!

طيب يبقى لو هنتكلم عن الالماني يبقى بنتكلم عن BMW و Mercedes ودول على جنب خالص :) :)

انما ليه الكوري حلو او اي ماركة تانية الى من اللي فوق ؟؟؟؟ مصاريف اقل - سعر ارخص - تعرف تصلحها مش لازم تروح للتوكيل - عربية لو حصلت لها حاجة مش هتزعل عليها بحجم BMW مثلاً !!!!!!!!!

يعني مثلاً لو اتخبطت منك سيراتو ولا كورولا مثلاً واتخبطت منك برضه BMW موديل السنة هتزعل علي مين اكتر ؟؟؟؟؟ وهتدفع في مين مصاريف اكتر للتصليح ؟؟؟؟؟

ومتخفش العربية الكوري والياباني معمره بس انت اهتم بصياناتها الدورية

انما الالماني (BMW و Mercedes) لا يعلى عليهم بجد !!!!

**J A G U A R** · 27-01-2014 04:28 PM

المشاركة الأصلية كتبت بواسطة master-007

3
مفيش فرق بين المانى وكورى وصينى ؟؟؟؟؟؟؟؟؟؟؟؟؟؟!!!!!
النقطه التانيه مضحكه جدا لان اعرف واحد صاحبى معاه لادا موديل الف تسعمايه وخشبه يبقى كدا دى عربيه معمره ... هو يعنى ايه معمره بالنسبالك ؟
وهل انت فعلا مابتشوفش عربيات المانى موديلات قديمه فبتقول عليها مش معمره ؟ تانى ههو يعنى معمره بالنسبالك .. ان العربيبه تبقى موجوده وعايشه حاته لو هى حته حديده خرده ..معمره دى بتتقال على قطع الغيار اللى بتحطها فى عربيتك... مش عربيتك نفسها كحديد مهى اكيد هاتبقى موجوده الحديد مش هايتبخر يعنى .

اولا اللادا روسى وتركى ملهاش علاقه بالموضوع لو على اللادا ممكن تعيش وتعمر 1000 سنه ....
ثانيا انا بتكلم بالنسبه عندنا فى مصر وده كلام مظبوط ومش معنى كلامى ان الالمانى مش معمر انا اللى عايز اوضحه ان الكورى بيعمر هو كمان وبعدين فى حاجه هو صاج العربيه اللى هو الحديد هو ده مش قطع غيار ولا ايه ولا قطع الغيار بالنسبالك حاجه تانيه .. ومين قال ان الكورى الموجود حالته خرده .. والله انا بشوف كورى موديلات 99 والله ما تفرق حاجه عن الزيرو وبعدين كل واحد واستخدامه بقا .

**تامر.محمد** · 27-01-2014 04:33 PM

فرق الركوبة و العربية حاليا اقل من زمان , لكنه مازال لصالح الالماني , و مش باتكلم على الالماني التوب
لكن فرق قطع الغيار برده قل و بقوا تقريبا زي بعض او الالماني اكتر شوية

يعني قطع غيار الاوبل و الكيا و الهيونداي في نفس الفئة حاليا تقريبا متقاربين جدا , لو قارننا مثلا الاسترا و الالنترا و السيراتو موديلات السنة دي
و لو قارناهم كعربيات هاتحتار جدا مثلا بين الاسترا و السيراتو

في حالة الفولكس و السكودا هي حاليا ليها مشكلة معانا عشان فتيسها مش مستحمل الزحمة عندنا تقريبا :)))

لو هانتكلم على الفورد فاللي سمعته ان الفوكاس فعلا عالية , بس توكيلها هنا هو اللي مموتها

اما لو اتكلمنا عن الاودي , فكله يسكت خالص :)

في العموم المقارنة النهارده بقت عربية قصاد عربية , مش ماركة قصاد ماركة او بلد قصاد بلد , قطع الغيار قربت من بعضها اوي اوي اوي , امكانيات العربيات ما تزال في الاجمالي لصالح الالماني بعوامل معينة , لكن قرار الشرا نفسه بيدخل فيه طبعا احوال السوق عندنا اللي ليها قواعد لوحدها

**تامر.محمد** · 27-01-2014 04:40 PM

اشهر مثال في نقطة ياباني ولا الماني ولا كوري ده واحد اعرفه ( :p ) كان في مقارنة بين النترا md و لانسر بوما و راح جاب البوما لأنها ياباني , و طبعا كنت مغلطه جدا

هنا فيه عامل فرق هو سنة تصميم العربية
و طبعا العوامل تانية كتير ,
زي اللي هايجيب سيراتو او فوكاس , هايضطر يجيب سيراتو بسبب وكيل فورد

-

-

الموضوع: تشترى المانى ولا كورى ؟

LinkBack

أدوات الموضوع

عرض

-

-

-

المواضيع المتشابهه

لو محتار ( كورى ولا يابانى ولا حتى المانى ) ادخل هنا

نصيحة مهمة فى الاختيار بين 4 عربيات اتنين كورى واتنين المانى

اشترى المانى ولا اشترى كورى

تشترى النترا 2011 ولا تشترى اكسنت ار بى ؟؟ادخل شارك مع ذكر السبب

استفتاء تشترى كورى جديد او يابانى مستعمل بنفس السعر

الكلمات الدلالية لهذا الموضوع

المفضلات

المفضلات

ضوابط المشاركة