اكسسوارات و كماليات سيارات ب 6 اكتوبر

**magedtito** · 27-01-2014 06:36 PM

يا جماعة انا مش لا قي و لا محل اكسسوارت و كماليات عدل في 6 اكتوبر لو حد يعرف محلات من دي يا ريت يفيدنا

**احمد المصرى** · 28-01-2014 08:50 AM

هتلاقى فى الحى السابع كتير بس برضوا مش بحب اتعامل معاهم خالص بصراحه

**الجنرال** · 28-01-2014 02:54 PM

للاسف فى اكتوبر مفيش حد كويس .. واللى تلاقي فيه الرمق يديلك اسعار بنت ستين عمرو اديب

انا نفسي الاقي حد بيفهم يعدلي الفوانيس .. الوحيد اللى حسيته هيفهم انا بقول ايه كان الكينج اللى فى الاردنية على الناصية الاخيرة للمول .. لكن اداني سعر مسمعتهوش عند حد قبل كده

سمعت ان جو هيفتح فى اكتوبر Go Accessories بس لسه معرفش فين ولا هيبقى اسمه ايه

لما نشوف

**AbdelRa0uf** · 28-01-2014 10:13 PM

محل Turbo يا باشا انا بتعامل معاه و شغلو نضيييييييف اوووى فى الاردنية

**أسامه طياره** · 30-01-2014 08:16 PM

في ال 11 في سنتر الوجيه في واحد بتاع كماليا وخاصه اجهزة الصوت اسمه 4 system صنايعيه بجد واسعارهم حلوه

**islamabady1980** · 22-04-2014 01:59 AM

متابع

**mummy_47** · 22-04-2014 03:54 PM

انا اتعاملت مع تربو ..لكن ملقتش عندهم فرش تفصيل زي جينز كار وجودته ..انا لقيت عندهم GPS+Camera+DVD+Radio ب 2500 ج ...ده الحاجة اللي لفتت نظري..حتى الانذار Spy2way ملقتهوش عندهم ..عملت عندهم انذار اللي بيفتح زي مطواه وركبت وحدات رفع وفاصل الدوارة...لكن الانذار فصل من يومين ورحتلهم لقى كبل الباور فاصل ..قالي من المطبات يعني عيب تركيب ومفروض ميقطعش مهما كان المطب..صاحبة واحد سوري تقريبا ..مش كده

**Ramy Reda** · 23-04-2014 01:53 PM

فى محل محترم جدا فى مول الاردنيه ش امام نادى 6 اكتوبر صاحب المحل اسمه المهندس احمد شاهين بجد الراجل ده محترم جدا و بيجيب حاجات محترمه جدا اسم المحل The King

**mummy_47** · 23-04-2014 02:10 PM

المشاركة الأصلية كتبت بواسطة ramy reda

فى محل محترم جدا فى مول الاردنيه ش امام نادى 6 اكتوبر صاحب المحل اسمه المهندس احمد شاهين بجد الراجل ده محترم جدا و بيجيب حاجات محترمه جدا اسم المحل the king

لكن مول الاردنية بعيد عن النادي ....هو فين من المنطقة اللي فيها كراسي كتيييييير وواسعة قوي وفيها Turbo وNew Optionsويا ترى ايه اللي لفت نظر حضرتك عنده..