هل يجوز توقيع غرامتين فى مخالفة مرورية واحدة

**m.tito** · 27-01-2014 07:33 PM

لو سمحت يا جماعة كنت عايز استفيد من تجاربكم وخبراتكم السابقة ، هل يجوز توقيع غرامتين على السيارة فى مخالفة واحدة ، يعنى انا راكن العربية فى الممنوع مثلان او فى الخطأ فيجوز توقيع غرامة بـ 500 جنية وغرامة بـ 20 جنية فى نفس اليوم فى نفس الواقعة ودى مش حصل ، دى انا راكن صف تانى ومع سايس كمان بس هو الراجل بتاع المرور كان ماشى يلم ارقام العربيات كلها عشان يخلص الدفتر ومش علق كمان ورقة ليا على الزجاج العربية ، انا لقيتهم فى شهادة المخالفات بعد كدة ، فازاى الكلام دى ، واعمل اية افيدونى ارجوكم ؟؟؟
ثانيآ :- انا اشتريت عربية مرور مدينة نصر مكتوبه باسم صاحبها ، فاشتريتها ونقلتها مرور العتبة بس مش غيرت النمر ، فطلعوا ليا تصريح لمدة شهر باسمى ، رحت تانى يعد الشهر جددوا ليا التصريح دى بشهر تانى وعملت استعجال عشان الملف يجى من مرور مدينة نصر لمرور العتبة ، وبعد الشهر ما خلص رحت لقيت بيقوليوا الملف جى و عملوا ليا الرخصة باسمى وعادى بقا ، بادخل على النت عشان اشوف المخالفات فشوفتها ، جاى اشوف التفاصيل بيقولى لازم تكت الرقم القومى بتاع المالك ، فكتبت رقمى لقيتهم بيقوليوا خطا مش دى بيانات المالك ، فكتبت الرقم القومى بتاع الراجل اللى كانت العربية باسمه قبلى فى مرور مدينة نصر ، ظهرت ليا تفاصيل المخالفات ورخصة العربية مكتوبه باسمه وبالمرور بتاعه وكل حاجة ، فاية دى ، واية حلها دى ؟؟؟

**atala** · 27-01-2014 09:01 PM

بالنسبة للموضوع التاني حضرتك تروح نيابة المرور برخصة العربية يعملوا ليك تحديث بيانات ومش عارف هيطلبو عقد العربية ولا لا

**mohamed_selim** · 27-01-2014 11:06 PM

بالنسبه للاولى مينفعش غرامتين على مخالفه واحده عشان كده بيكتبولك انتظار فى الممنوع و دى مخالفه ب ٢٠ و تعمد تعطيل حركة المرور و دى مخالفه تانيه ب ٥٠٠

**m.tito** · 28-01-2014 08:04 PM

ما هو يا استاذ / محمد سليم ، هو دى قصدى ازاى تبقا العربية واقفه غلط ويوقع عليا مخالفة بـ 500 جنية وفنفس الوقت مخالفة بـ 20 جنية دى خطآ على ما اظن ، لان واحد زميلى خد نفس المخالفة بردو 500 جنية و20 جنية ، وراح قدم تظلم فى نيابة الدراسة وكتب فى التظلم عدم وجود السيارة فى هذا المكان فى ذلك اليوم ، وانه لا يجوز توقيع مخالفتين فى مخالفة مرورية واحدة وعدم مقدرته على دفع المبلغ ، فشالوا ليه الـ 500 جنية وخلوا الـ 20 جنية بس ، فعشان كدة كنت باسالكم ؟؟؟

**m.tito** · 28-01-2014 08:06 PM

لو سمحت اى حد من اعضاء الجروب لو مر بالتجربة دى ، يقولى اية الصح اللى بيتعمل ، واية اللى بيتكتب فى التظلم ؟؟

**mohamed_selim** · 28-01-2014 11:28 PM

لا ينفع لانهم بالنسبالهم مخالفتين .... لو راكن مخالف بس مش معطل الطريق تبقى واحده بجس و لو راكن سليم بس مش محضن و الشارع ضيق تبقى معطل الطريق من غير صف تانى
التظلم تعمله فى النيابه و هم عارفين يتكتب ايه بس النتيجه انت و حظك