بولو 1999 1000cc

**mostafagaber** · 28-01-2014 12:12 PM

السلام عليكم
انا دي اول مره اعمل فيها موضوع علي المنتدي مع اني عضو من زمان اوي بس قاريء فقط وجيه الوقت اني استشير اهل الخبره لائني في حيره دلوقتي انا كنت محتار اوي اشتري عربيه في حدود من 30 الي 35 الف جنيه واستقريت علي البولو 99 اشناء الله بعد صراع في التفكير مرير بين الفلشيا والبولو والابيزا والاكسل والبرايد المهم انا ادامي وحده بس فيها حاجه غريبه اوي انها موديل 99 1000 سي سي ومفيهاش تكيف بس فيها باور واير باجز مع العلم ان كل الي شفتهم من موديل 99 كانت العكس فيها تكيف بس مفيهاش بور ولا اير باجز فهل ده طبيعي مع انو بياكدلي انها نزلا كده يعني هيا مفيهاش تكيف اصلا مش بايظ والباور بيقولي بتعها مش راكب وهيا عاوزا رشه نظافه بس وهيعمل السيرفس كامل ومشيا 170000 فهل السعر المناسب ليها يكون كام بما يرضي الله عشان انا محبش ابخس للناس اشيائهم مستني ردودكم وانشا ء الله اكون عضو بارز من اعضاء الفولكس والبولو بالتحديد

**mostafagaber** · 28-01-2014 03:28 PM

ايه يا جماعه السؤال صعب اوي كده 23 مشاهده طيب حتي حد ياخد بيدي ويؤلي اتوكل علي الله الالماني حلو برضو

**Mohamed~Adel** · 28-01-2014 06:58 PM

انا اول مره اسمع كدا برضه ,, ياريت تشاركنا السعر علشان برده بدور على بولو

**J A G U A R** · 28-01-2014 07:12 PM

هاتبقى فى حدود 35 الف .. بس مواصفات العربيه دى غريبه

**ra3d** · 30-01-2014 08:31 AM

عمري ماشوفت بولو باير باجز
بس شوفت كتير بتكيف فقط او بور فقط
بس الاير باج في الدركسيون فقط ولا بينور في العداد لما تدور ؟؟؟ عشان ممكن يكون مغير دركسيون

**mostafagaber** · 03-02-2014 11:42 AM

انا شفت العربيه معجبتنيش بصراحه وناوي ادور برحتي انا مش مستعجل وشكرا لكل واحد رد ولو حد عندو خلفيه اجيب البولو 99 ولا بفلوسها اشوف سوزوكي التو 2008 واستفيد من فرق عمر الاستهلاك مع الاختلاف بين الاثنين

**Zing0** · 03-02-2014 12:34 PM

معلش يا عم مصطفى
هيا مجرد نصيحه
الألمانى معروف طبعاً و محدش يقدر يتكلم فى حقه نص كلمه
بس حضرتك عارف قطع الغيار و أسعار المصنعيات مع الألمانى أد إيه؟
حضرتك تقريباً كان معاك مازدا 323, و غالباً موديل قديم, و طبعاً عارف أسعار الصيانه أد إيه
البولو بقى تضرب سعر أى حاجه فى 8 أو 10 كمان
بخلاف إنها برضه مش موديل حديث _ 1999 يعنى أكيد محتاجه شغل برضه

و جههة نظرى
بما إنك كنت بتقارن بين الفليشيا و البولو و الأكسيل و البرايد و أخيراً الألتو
يعنى تقريباً ليك مزاج من الهاتشباك
خليك فى الألتو
هتلاقى الأوبشنز كويسه (تكييف - باور - سنتر و إنذار و زجاج كهربا)
عربية يابانى و تقفيل هندى (المهم إنها مش تقفيل مصرى و لا حتى صينى)
إستهلاكها فى البنزين رائع
و الأهم موديل عالى يعنى أعطال أقل و قطع الغيار الأصلية إللى فيها لسه بخيرها
بس طبعاً شرط الحاله إللى أدامك
و ربنا يوفقك للخير , و متنساش تصلى إستخارة.

**mostafagaber** · 03-02-2014 03:25 PM

المشاركة الأصلية كتبت بواسطة zing0

معلش يا عم مصطفى
هيا مجرد نصيحه
الألمانى معروف طبعاً و محدش يقدر يتكلم فى حقه نص كلمه
بس حضرتك عارف قطع الغيار و أسعار المصنعيات مع الألمانى أد إيه؟
حضرتك تقريباً كان معاك مازدا 323, و غالباً موديل قديم, و طبعاً عارف أسعار الصيانه أد إيه
البولو بقى تضرب سعر أى حاجه فى 8 أو 10 كمان
بخلاف إنها برضه مش موديل حديث _ 1999 يعنى أكيد محتاجه شغل برضه

و جههة نظرى
بما إنك كنت بتقارن بين الفليشيا و البولو و الأكسيل و البرايد و أخيراً الألتو
يعنى تقريباً ليك مزاج من الهاتشباك
خليك فى الألتو
هتلاقى الأوبشنز كويسه (تكييف - باور - سنتر و إنذار و زجاج كهربا)
عربية يابانى و تقفيل هندى (المهم إنها مش تقفيل مصرى و لا حتى صينى)
إستهلاكها فى البنزين رائع
و الأهم موديل عالى يعنى أعطال أقل و قطع الغيار الأصلية إللى فيها لسه بخيرها
بس طبعاً شرط الحاله إللى أدامك
و ربنا يوفقك للخير , و متنساش تصلى إستخارة.

بص يا باشا انا مش عارف اقولك ايه علي الرد الجميل المريح بتاع حضرتك بس انا اصليمعرفش في الالتو اوي يعني موضوع قطع الغيار منتشره ولا لاء وفي ناس بتعرف تشتغل فيها ولا لاء لائني اسمع الماروتي الصنايعيه مبيحبوهاش عشان الحوض بتعها ضيق وكمان البولو زي الجنيه الذهب ماسك نفسو سعرو حلو وكمان خايف اجيب التوتطلع عربيه ضعيفه وكمان تكيف علي 800 سي سي مش هيبئي تكيف بس انا والله مجرد فكره وبناقشها مع الاخوه في المنتدي ولو ان الاعلانات الموجوده للالتو 2008 مفيهاش تكيف

**عبدالرحمن-جبر** · 04-02-2014 05:18 PM

البولو لازم تكون نضيفة عشان تكون زى الجنيه الدهب و لو عايز منها نضيف تركب و تستمتع و تكون كاملة هتخش ف 40 و ممكن تشوف الفليشيا ممتازة برضه و النمرة واحد فيها تكييف و سنتر و مرايات كهرباء بس مفيش بور تعمل 35 *نمرة واحد يعنى فبريكة برا و جوة و عربية بيتى مش متهانة