هل الحرفين حرامية موضوع يستحق المناقشة

**mahmoud_ali** · 29-01-2014 02:00 AM

1500 كتير فعلا بص يا باشا انت لو ليك معرفه فى الحرفيين هيتعمل معاك الواجب والصح لكن لو جاى لوحدك يبقى هتتعامل بنظرية قابل وقعد بقا.. هحكيلك واقعه حصلت معايا من اسبوع فى الحرفيين انا عربيتى كان واحد دخل فى الاكصدام من ورا يمين هوا مش جراله حاجه بس الشفف بتاعته نصها اتكسرت روحت لصديقى فى الحرفيين هوا شغال فى محل قطع غيار هناك بقاله اكتر من 15 سنه جه معايا روحنا للسمكرى فكيناه ووديناه لبتاع الفيبر تخيل بقا الاكصدام بالكساحه بتعته عملهم وخد 20 جنيه ورحت رشيت ربع الاكصدام ب 60 جنيه ودخلتها فرن ورجعنا للسمكرى ركبه وخد 30 جنيه فك وتركيب.

**metal_slime** · 29-01-2014 08:20 AM

لو هى دى الحقيقة وانهم فعلا مستغنين عشان عندهم بدل الزبون الف ... فأكيد المنحنى بتاعهم هيبتدى ينزل مع مرور الوقت والناس حتهجرهم خصوصا مع ظهور بدائل بأسعار منافسة ومعاملة أفضل

**SAMEH_FOUAD** · 29-01-2014 09:03 AM

الحرفيين لو هتنزلها وانت مش عارف فيها واحد بتتعامل معاة , او رايح بناء على توصية من صديق , هيتعمل عليك احلى شغل

لكن لو فية توصية محترمة , صدقنى هتاخد احلى واجب

ونصيحة منى ابعد هناك عن اى مراكز تحت مسمى ( ورشة تجديد السيارات )

هتدفع الاف الجنيهات والشغل على قدة , ومش هتعرف تاخد حق ولا باطل منهم

**kokowasfy** · 29-01-2014 10:11 AM

المشاركة الأصلية كتبت بواسطة metal_slime

لو هى دى الحقيقة وانهم فعلا مستغنين عشان عندهم بدل الزبون الف ... فأكيد المنحنى بتاعهم هيبتدى ينزل مع مرور الوقت والناس حتهجرهم خصوصا مع ظهور بدائل بأسعار منافسة ومعاملة أفضل

فعلان دلوقتى فية بدايل كتيير بس الاسف فى ناس بتقول سمكرة و دوكو يعنى حرفين و كمان بيروحو ويتعلم عليهم جامد

**kokowasfy** · 29-01-2014 10:13 AM

المشاركة الأصلية كتبت بواسطة sameh_fouad

الحرفيين لو هتنزلها وانت مش عارف فيها واحد بتتعامل معاة , او رايح بناء على توصية من صديق , هيتعمل عليك احلى شغل

لكن لو فية توصية محترمة , صدقنى هتاخد احلى واجب

ونصيحة منى ابعد هناك عن اى مراكز تحت مسمى ( ورشة تجديد السيارات )

هتدفع الاف الجنيهات والشغل على قدة , ومش هتعرف تاخد حق ولا باطل منهم

صدقنى انا رحت لواحد معرفة من سنين و اتعملت معاة كتير بس من فترة من كذا سنة بس معرفش الاسعار غليت اوى كدا لية

**MITSUKERO** · 29-01-2014 10:28 AM

استاذ صدام جاب من الاخر

**saddam** · 29-01-2014 02:38 PM

صديقي المواطن
قولا واحدا عشان ميزعلش المواطن المؤسس كريم منير فنحب ننوه إنه رجل على مستوى اﻷخلاق شديد اﻹحترام ويبدو أنه متربي في بيته تربية جيدة جدا فلذلك في ورشته ورشة نايل موتورز لرش السيارات لا زال يستقبل أعضاء المنتدى بكل أدب وإحترام وترحاب
عشان محدش يقول إني بستهدفه وبدخله من ضمن الوحشين في الحرفيين فهو إستثناء وأنا هنا أزكي أخلاقه أما جودة عمله فأكيد جيدة مثل أخلاقه ولكني لم أجرب ولكني أرسلت له كذا عميل وهم وانتم من تحكمون على جودة عمله
وهذا ما لزم بيانه ودمتم
وبالتوفيق وإلى الأمام ومن نصر إلى نصر
ودمتم للنضال

**saddam** · 29-01-2014 03:45 PM

صديقي المواطن
بالصدفة أدعو اﻷخوة الزملاء لقراءة هذا المثل عما يحدث في الحرفيين وأنظروا كيف أنه لولا ستر الله بأن صاحب العربية وقع بإيد واحد محترم زي المواطن الحبيب المؤسس كريم منير وهو الوحيد في موضوعه اللي نصفه وهو من وجهة نظري الضمانة الوحيدة إن عربيته تطلع حلوة لكن شوفوا كلام السمكري وإنتم إحكموا بنفسكم وقيسوا على الكلام ده شغل الحرفيين حيعمل شغل نظيف حياخد 3 أضعاف التكلفة كسمكري أو حيغرقك بطلبات التغيير والله العظيم أنا زعلان أوي وبفتكر من أسبوع وأنا بتفق مع سمكري إنو يقصلي 4 أبواب عربية موديل 1958 مليانة بومبيهات ودورانات ويطول كل باب نص متر أيوه نص متر بنفس البومبيهات والدورانات بشرط العربية تدخل الفحص المرور كأنها مصنوعة في بلدها وإحنه جنب كامل نظيف حنغيره عشان فيه شغل يوم كامل ونسأل الله الثبات
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**kokowasfy** · 29-01-2014 06:19 PM

المشاركة الأصلية كتبت بواسطة saddam

صديقي المواطن
قولا واحدا عشان ميزعلش المواطن المؤسس كريم منير فنحب ننوه إنه رجل على مستوى اﻷخلاق شديد اﻹحترام ويبدو أنه متربي في بيته تربية جيدة جدا فلذلك في ورشته ورشة نايل موتورز لرش السيارات لا زال يستقبل أعضاء المنتدى بكل أدب وإحترام وترحاب
عشان محدش يقول إني بستهدفه وبدخله من ضمن الوحشين في الحرفيين فهو إستثناء وأنا هنا أزكي أخلاقه أما جودة عمله فأكيد جيدة مثل أخلاقه ولكني لم أجرب ولكني أرسلت له كذا عميل وهم وانتم من تحكمون على جودة عمله
وهذا ما لزم بيانه ودمتم
وبالتوفيق وإلى الأمام ومن نصر إلى نصر
ودمتم للنضال

لا اكيد انا مقصدش الاستاذ كريم او اى حد بصفة شخصية و اكيد مدام فى الحلو فية الوحش مش معنى ان فى حد نصاب او حرامى ان يكون الكل لا فى ناس محترمة كتييير وبكرر تانى احنا منقصدش اى حد بصفة شخصية