الموضوع: هركب زينون بي ام و عاوز مساعدة ضروري

للافاده و بعد استئذان الباشمهندس عبد الرحمن هنقل الحوار اللي دار ما بينا علي الخاص بخصوص الموضوع ده

المشاركة الأصلية كتبت بواسطة abdo taha

السلام عليكم اولا

لو سمحت يا باشا ان شاء الله هيجيلي مكنة " module " زينون بتاع بي ام 320 موديل 2007 هل لو ركبت على الفيكترا سي هيبقى فيه مشاكل و لا هتركب على طول و لو عاوز اجيب لمبة محترمة زي الفبريكة بتاعتها الاقيها فين و ممكن النوع و لو تقدر تفيدني كام حرارة اللمض الاصلي اللي بتخلي النور باين كده 4300 ام 6000 لو تقدر حضرتك تفيدني يبقى ليك جزيل الشكر .

المشاركة الأصلية كتبت بواسطة horas3000

و عليكم السلام يا زعيم

مبدايا كده الزنون اللي بينزل فابريكه في البي ام و المرسيدس الموديول بيكون built in في الفانوس نفسه و حتي اللمض غير
فمش عارف ازاي هيجيلك و ازاي هتركبه
بس عموما لو الموديول معاه canbus او error canceller مش هيعمل مشاكل ان شاء الله

و بالنسبه للمض بقي
انا جبت لمض عاديه من فيليبس بس بيتميزوا بلون قريب للزنون و جبتهم للعالي عندي جنب الزنون
اللي انا مركبهم عندي اسمهم diamond vision دول اضائتهم 5000k عشان الزنون عندي كده و بالتجربه فهما قريبين جدا منه و عملت 165 جنيه و جبتها من محل جنبي في مدينه نصر و عموما متوفرين عند بتوع الاكسسوارات
في موديل تاني اسمه crystal vision و ده اضائته 4300k زي الزنون الاصلي (مصفر)
دول حسب كلام فيليبس المفروض بيدوا اضائه اقوي 40% عن الاصلي بس بالتجربه الفرق 10-15% بالكتير
و في ال extreme vision و دول اصفر عادي بس اضائه اقوي 100% و دول في مواضيع عنهم كتير في المنتدي سواء هما او الاورسام

و اورسام برضه عندها نفس الحوار بتاع اللمبات اللي شبه الزنون و اسمهم cool blue تقريبا
بس انا فضلت الفيليبس لان الفابريكا عندي فيلبس و سمعت ان عمرهم اطول

المشاركة الأصلية كتبت بواسطة abdo taha

اولا مشكور جدا يا باشا على تعبك ثانيا الموديول مفكوك من الفانوس و انا كنت بسأل على لمبة زينون مش هالوجين لأني عاوز اركبها على الموديول فهمتني كده؟ و بشكرك مرة ثانية على تعبك معايا:10d5c8w1107:

المشاركة الأصلية كتبت بواسطة horas3000

العفو يا زعيم
و برضه مش فاهم ازاي الموديولات مفكوكه من الفوانيس
اصل الفوانيس الزنون الستوك نظامها غير العادي و الموديول زي ما قلت من ضمن الفانوس نفسه و اللمبه مختلفه تماما عن العادي بس ما علينا

فحسب بقي نظام الموديول اللمبه هتتحدد
لو تقدر تجيب صوره ليه اقدر اساعدك اكتر

مبدايا الزنون الفابريقه عاده اللمبه بتبقي نوعها يا d1s يا d2s و دول بيبقي فيهم جزء مكمل للموديول
الزنون العادي او ال aftermarket نوع اللمبه بيتحدد حسب نوع اللمبه الفابريكه عندك h1,h4,h7 للعالي و الواطي او h8,h11 للفوجات و هكذا

و اللون ده بيتحدد بالكيلفن و الفابريقه عموما بيكون 4300 كلفن و ده بيكون ابيض مصفر كل ما تطلع البياض بيزيد و الزرقان يحل محل الصفار
و عموما في مصر غالبا مش هتلاق الا ال 6000 و 8000 لان دول اكتر لونين منتشرين و الناس هنا بتحبهم

اتمني اكون ساعدتك المره دي

المشاركة الأصلية كتبت بواسطة abdo taha

ان شاء الله هحاول ابعتلك صورة للموديول بليل فمثلا لو لقينا الموديول كويس هل ممكن اجيب لمبة زينون اركبها عليه زي اوزرام مثلا و ممكن تكون تكلفتها في حدود كام ؟

المشاركة الأصلية كتبت بواسطة horas3000

اكيد طبعا
اللمبه الصيني العادي في حدود ال 150 جنيه +/- بس ده لللمض العاديه
و مش عارف الاورسام او الفيليبس يعملوا كام
ال d1s هتكون اغلي انا جايبهم لعربيه والدي من الكويت الجوز كان عامل 900 جنيه
اعتقد هنا هيكونوا اغلي
و في انتظار الصور

المشاركة الأصلية كتبت بواسطة abdo taha

نعم 900 جنية !!!!! انا توقعت مثلا لمبة زي الاصلي في حدود ال250 او 350 طب الصيني النضيف ممكن يعمل كام انا بس نفسي يبقى فارش و كويس اصل انا مغير زينون عشان كده و لو تقدر تقلي ايه افضل نوع و يبقى قريب من الفبريكة معلش تعبتك جدا معايا بس اصل والدي مسافر قريب و عايز نور كويس لأن اللمبة الهالوجين عمرها قصير و اضائتها بقت خفيفة . بشكرك مرة تانية و اسف اني ازعجتك يا باشا .

المشاركة الأصلية كتبت بواسطة horas3000

ههههههه
حضرتك ال 900 جنيه دول للمبات مش اصلي بس جوز يعني الواحده 450 جنيه
الاصلي هناك كانت عامله 1750 جنيه للواحده
و هنا التوكيل بيبعها ب 3000 جنيه للواحده

و عشان كلامي يكون واضح ده للمبه ال d1s اللي بتجي مع الزنون الفابريقه و دي صورتها عشان تقدر تعرفها



اللمض الزنون العاديه هي اللي ارخص
و طبعا حسب النوع و زي ما قلت الصيني بيلعب في حدود ال 150 و معنديش فكره الفيليبس و الاورسام يعملوا كام

و دي صوره ليهم



و زي ما انت شايف الفرق ان ال d1s فيها جزء زياده زي الموديول

بالنسبه لموضوع الفرش فده يعتمد علي هل عندك عدسه و لا لا
و لو معندكش حسب تصميم الفانوس و العاكس
بس عموما الزنون اضائه اعلي من الهالوجين العادي 400% فمتقلقش من الموضوع ده
كاضائه الزنون لا يعلي عليه

المشاركة الأصلية كتبت بواسطة abdo taha

عموما لسة مكلم بتوع اوزرام و قالولي ممكن نديك لمبة h7 6000k ب 350 لو جبتها من عن طريقهم اما لو من بره ممكن يدوهاني بأغلى من كده مش عارف بقى هما قصدهم ان اللمبة الواحدة ب 350 ام اللمبتين .

المشاركة الأصلية كتبت بواسطة horas3000

طب تمام
و غالبا السعر للجوز بس يستحسن تتاكد
و مش فاهم يعني ايه عن طريقهم و لا من بره
و الكلام ده لمض جديده و لا استيراد ؟؟
الفكره كلها انك بتقول الموديول مفكوك من عربيه bmw
و ده اللي هيحدد نوع اللمبه اللي تركب عليه لو زي ال bmw الفابريكه و لا ده حاجه تاني
ثم انت اصلا عربيتك فيها لمبات h7 و لا نوع تاني

المشاركة الأصلية كتبت بواسطة abdo taha

للأسف ال 350 طلعو لللمبة الواحدة و انا متأكد ان الفيكترا سي h7 لأن والدي كان مغير اللمض في التوكيل و لقيت اللمبة القديمة h7

المشاركة الأصلية كتبت بواسطة horas3000

مممممم للاسف

و بص يا زعيم
بعد جوله بسيطه علي جوجل لقيت شكل الموديولات الاصلي
و طبعا مختلفين تماما عن العادي و اللمض بتاعتهم لازم d1s زي ما وضحت

و دي الصور





فلو الموديول اللي جايلك بالمنظر ده فاللمض ال h7 مش هتنفع للاسف
ولازم تشوف برضه اللمض ال d1s هتنفع تركب في الفانوس عندك و لا لا من اساسه لان طبعا السوكيت بتاعهم مختلف

فاللي هيحدد الحوار كله الموديول اللي جايلك شكله ايه

المشاركة الأصلية كتبت بواسطة abdo taha

طيب عموما اما يجيلي هصورهولك و ابعتلك رسالة بيه اسف جدا ازعجتك و دايقتك بالرسائل الكثير بس بجد مش عارف اشكرك ازاي على تعاونك و انتظر مني رسالة قريب ان شاء الله .