مواصفات واسعار فئات مرسيدس A لسنة 2014 + صور مأخوذة للفئة الـUrban

**برنس الليالي** · 29-01-2014 12:45 AM

بسم الله الرحمن الرحيم, والصلاة والسلام على اشرف المرسلين, سيدنا محمد الذي ارسله الله رحمة للعالمين, فصّلوا عليه ايها المسلمين ..

فإن الصلاة عليه ترفع درجات وتنفي السيئات وتقربك من شفاعته يوم القيامة الموعود بإذن الله, امان بعد ..

السلام عليكم ورحمة الله وبركاته .. عملين ايه يا شباب ؟ يا رب تكونوا في اتم صحة

دي مواصفات المرسيدس الروشة جداً A-Class من الكاتالوج من غير زيادة او نقص بإذن الله مع ذكر اسعارها حبيت اشاركها لكم سريعاً

نبدأ بالمواصفات الفنية :

محرك 4 سلندر 1.6 بقوة 156 حصان عند 5300 لفة\دقيقة

عزم الدوران 250 نيوتن متر عند 1250 لفة\دقيقة

التسارع من الثبات للـ100 في 8.3 ثواني والسرعة القصوى 224 كيلو متر\ساعة

فتيس اوتوماتيك 7 سرعات 7G-DCT

متوسط إستهلاك الوقود 5.6 لتر لكل 100 كيلو وسعة الخزان 50 لتر

سعة صندوق الامتعة 341 لتر ووزن السيارة فارغة 1395 ك\ج وهو نفس وزن الـCLA

ابعاد السيارة :

التجهيزات الاساسية :

عجلة قيادة رياضية متعددة الوظائف - 3 برامج تعشيق متاحة للإختيار

فرملة ركن كهربائية - وحدة عرض ملونة فائقة الوضوح مقاس 5.8 بوصة

وحدة ازرار هاتف مدمجة مع خاصية Bluetooth للتحدث الحر

مقابض تعشيق بالمقود - مخارج تكييف هواء بتصميم رياضي

مساعد منع التصادمات - مساعد تنبيه السائق - مقاعد خلفية قابلة للطي ثلث\ثلثين

تثبيت مقاعد الاطفال ISOFIX - عجلات رياضية مصنوعة من معدن خفيف

زر تشغيل وايقاف المحرك - مقاعد رياضية - عناصر كروم خارجية - نظام الحماية ضد السرقة

التجهيزات الخاصة بالـA200 Style :

مقبس AUX و USB - بلوتوث - ذراع وسطي للتحكم بشاشة العرض

فرش جلد ارتيكو\قماش - عجلات 16 إنش مقاس 55\205 إطارات رن فلات

مصابيح هالوجين - شبكة بشريحتين بلون السيارة

الفئة الـA200 Urban تذيد عن الفئة السابقة بـ :

عجلة قيادة من الجلد الطبيعي - مسند اذرع خلفي

جنوط 17 إنش مقاس 225\45 - سقف بانوراما متحرك - مخارج عادم ثنائي

مساعد صف السيارة او كما يُسمى بــ أوتو بارك او بارك اسيست

مصابيح زينون - شبكة بشريحتين فضية ذات ابليكات كروم

الفئة الـA200 AMG تذيد عن الفئات السابقة بـ :

فرش جلد ارتيكو\ديناميكا - جنوط 18 إنش مقاس 225\40

زجاج خلفي معتم

ملحوظة : هذه الفئة لو توجد بها بانوراما او مسند اذرع خلفي بل توجد في الفئة الـUrban التي تسبقها والفئة الأعلى

الفئة الـA200 Exlusive تذيد عن الفئات السابقة بـ :

مقاعد امامية قابلة التعديل كهربائياً - مرايات خارجية قابلة للطي كربائياً

مرايات داخلية وخارجية بخاصية إمتصاص الإضاءة العالية

إضاءة داخلية خافتة - لوحة اجهزة القياس والتابلوه مكسوة بالجلد

فرش جلد طبيعي

مبدل 6 اسطوانات مدمجة - نظام الصوتيات المجسم Harman Kardon

شكل الجنوط لكل الفئات بالترتيب من الاصغر للأكبر :

A200 Style

A200 Urban

A200 AMG

A200 Exclusive

الألوان المتاحة للسيارة :

أحمر جوبيتر - ابيض زيروس - اسود حالك - اسود كوزموس - فضي قطبي

ازرق كوني - احمر باتاجونيا ميتاليك - بنفسجي قطبي - رمادي جبلي

بعض الصور المأخوذة للفئة الـUrban :

بالنسبة للأسعار فهي كالتالي :

A200 Style : 298.000
A200 Urban : 338.000
A200 AMG : 342.000
A200 Exc : 408.000

بالنسبة لرأيي في العربية انا بحثت عن الفئة الـUrban وتعمدت اني ارفع صور ليها هي بالذات لإني شايف انها الفئة المعقولة جداً

يعني اكيد واحد بيقول الاحسن اني ازود 4 الاف واجيب الفئة الـAMG احسن بس احب اقوله ان الـAMG مافيهاش بانوراما وجنط الـUrban اجمل كتير

وطبعاً البانوراما اللي وخدة السقف كله دي حاجة تفرح وبتدي شكل خارجي سبورتي جداً

وكمان 17 إنش مش 18 يعني حتلاقيه مريح اكتر من الـ18 وبالنسبة لرأيي انا شايف انها هاتشباك شبابية اوي وروشة اوي اوي وشيك آخر حاجة

وبالنسبالي احسن من الـCLA لإنها اوسع منها في الكنبة الخلفية والتسارع افضل من الـCLA واستهلاك البنزين في المتوسط اقل بلترين من الـCLA

- لا تنسونا من صالح دعائكم جزانا وجزاكم الله كل خير ودمتم في امان الله ورعايته

**Mohamed.Hany** · 29-01-2014 01:13 AM

مشكور علي المجهود الجبار، شكلها من برة تحفة فنية لكن من جوة مش قد كدة خصوصا فتحات التكييف
انا بصراحة في الهاتش باك عجباني ال ds5 اكتر وانا بعتبرها طيارة مش عربية.

**J A G U A R** · 29-01-2014 01:53 AM

جميل كالعاده ... فعلا التابلوه شكله مش حلو بالنسبه للمرسيدس .. احسن حاجه فيه الطاره والعدادات الرياضيه

**برنس الليالي** · 29-01-2014 02:15 AM

يخونا التابلوه مش شيك زي منتو فهمين لإنه تبلوه الفئة الـurban إنما الفئات العالية التابلوه كله مكسي بتصميم مبهر بجد بصو كدا ..

**J A G U A R** · 29-01-2014 02:21 AM

المشاركة الأصلية كتبت بواسطة برنس الليالي

يخونا التابلوه مش شيك زي منتو فهمين لإنه تبلوه الفئة الـurban إنما الفئات العالية التابلوه كله مكسي بتصميم مبهر بجد بصو كدا ..

ايوه كده .. هنا اللون الاحمر فى فتحات التكييف والكراسى والجلد فى التابلوه عامل شغل جامد

**Mohamed.Hany** · 29-01-2014 02:26 AM

المشاركة الأصلية كتبت بواسطة برنس الليالي

يخونا التابلوه مش شيك زي منتو فهمين لإنه تبلوه الفئة الـurban إنما الفئات العالية التابلوه كله مكسي بتصميم مبهر بجد بصو كدا ..

اهو كدة الكلام، بس برضو انا بحس ان مرسيدس بتبدأ من ال c class و سعر ال a class كدة قريب منها قوييي !!

**برنس الليالي** · 29-01-2014 04:12 AM

المشاركة الأصلية كتبت بواسطة J A G U A R

ايوه كده .. هنا اللون الاحمر فى فتحات التكييف والكراسى والجلد فى التابلوه عامل شغل جامد

فعلاً

المشاركة الأصلية كتبت بواسطة psycholain

اهو كدة الكلام، بس برضو انا بحس ان مرسيدس بتبدأ من ال c class و سعر ال a class كدة قريب منها قوييي !!

يا باشا يعني الناس دي غلطانة لما عملت فئات ترضي كل الناس ؟ ماهي لو بدأت من الـC كلاس يبقى هي كدا بتعمل فئات فارهة فقط

زي مثلاً الاودي موجودة من الـa1 والـbmw موجودة من الون سيرس وهكذا فلازم المرسيدس تعمل فئة تنافس وحكاية ان المرسيدس بتبان من الـC كلاس كدا غلط يا برنس

بالنسبة للسعر اهو كله محصل بعضو ... الاسعار المفروض منتكلمش عليها خلاص واهو على الاقل الماركة مرسيدس مش زي اي عربية وتلاقي سعرها في العلالي

فلما الناس تجيب فلوينس بـ200 الف ومقتنعين جداً بيها فأعتقد ان المرسيدس تستاهل تزودلها 100 الف كمان على الاقل وفي النهاية كل العربيات دي بتتباع بربع التمن برا

عندك مثلاً الفولفو الـv40 بـ360 الف ومينفعش نقول ليه هي البلد دي كدا ... بس هي الـC الجديدة حنتوهم من سعرها

بس انت راجع تجهيزات الـa مش حتصتخصر فيها السعر والـurban مناسبة اوي وفيها اكتر من الـAMG ما عدا الجنط والفرش الاحمر اللي عجبك دا

بس انا على اقتناع ان الناس مضطهضة الـa كلاس بسبب انها هاتشباك والدليل ان الـCLA بنفس مواصفاتها واقل كمان واغلى في السعر ومحدش علق عليها خالص اي تعليق سلبي

عشان كدا الواحد بيتضايق لما يشوف حد بيوجه تعليق سلبي للـa كلاس وهي هي اصلاً الـCLA اللي عجبت الكل بس على هاتشباك

في امان الله

**Mohamed.Hany** · 29-01-2014 11:18 AM

ﻷ يا فندم انا مش مضطهض العربية خالص بالعكس هي وهمية ، انا بس تعليقي علي السعر يعني مثلا ينفع ال a classو كمان ال b classيبقو نفس الفئة السعرية ؟ كدا هما بيموتو عربية منهم رغم ان ال a class تطورت عن زمان 180 درجة و لكن الاتنين قريبين مع بعض في السعر و يقاربو سعر ال c class هذا هو مربط الفرس سوء تحديد سعر التلات سيارات للمنافسة في السوق فقط ليس الا.

**برنس الليالي** · 29-01-2014 03:17 PM

المشاركة الأصلية كتبت بواسطة psycholain

ﻷ يا فندم انا مش مضطهض العربية خالص بالعكس هي وهمية ، انا بس تعليقي علي السعر يعني مثلا ينفع ال a classو كمان ال b classيبقو نفس الفئة السعرية ؟ كدا هما بيموتو عربية منهم رغم ان ال a class تطورت عن زمان 180 درجة و لكن الاتنين قريبين مع بعض في السعر و يقاربو سعر ال c class هذا هو مربط الفرس سوء تحديد سعر التلات سيارات للمنافسة في السوق فقط ليس الا.

ماهو دا شئ يضايق بردو بس يمكن الـB من نفس السعر عشان الـA اكتر في نقطة الاوبشنز دي والله اعلم

وحكاية السعر دي بسببها انا فضلت الفئة الـUrban عشان ارخص من الـV40 اعلى فئة وعلى كدا الـA تهزم بردو

الموضوع: مواصفات واسعار فئات مرسيدس A لسنة 2014 + صور مأخوذة للفئة الـUrban

LinkBack

أدوات الموضوع

عرض

-

-

-

-

-

المواضيع المتشابهه

مواصفات واسعار فئات مرسيدس cla لسنة 2014 + صور من المعرض

مواصفات واسعار سكودا سوبرب 2014 1.4 tsi

تويوتا اوريس الجديدة ... فئات واسعار !!

فئات واسعار ومواصفات البريليانس frv & fsv

فئات واسعار اكسنت rb والنترا 2012

الكلمات الدلالية لهذا الموضوع

المفضلات

المفضلات

ضوابط المشاركة