أستفسار بخصوص صيانة لوجان 60000 ضرورى

**darwish_ger** · 29-01-2014 03:02 PM

السلام عليكم جميعا

معلش انا عندى استفسار مهم ومحتاج خبراتكم

انا على وشك انى اعمل 60.000 كم بالعربية فى سنتين بالتمام والكمال ولكن بحس ان الصيانة فى التوكيل مشى حالك
يعنى انا كل الصيانات إللى فاتت عملتها فى التوكيل لكن مثلا اقولوهم على حاجت و امشى الاقيها زى مهى .. هو كل إللى بيعمله بيغير الحاجات إللى بتتغير من زيوت وفلاتر و يقولك تمام

لدرجة ان آخر مرة الطنابير كانت متبهدله على الآخر و انا قايل للمهندس ان الفرامل فيها مشاكل فى صيانة ال50 الف سلمنى العربية آخر اليوم و قالى تمام يادوب بتحرك لقيت الفرامل فى الضياع معنى كده ان محدش كلف نفسه يبص عليها ...

المهم انا مش حابب اعمل صيانه فى التوكيل تانى بسبب المعاملة السيئة والمبالغ الكبيرة إللى بتدفع من غير لزمة (المصنعية)

محتاج خبراتكم لو هعمل صيانة برة تنصحونى بإيه .. انا ساكن فى اكتوبر ومعرفش حد فيها ينصحنى او يفيدنى فمحتاجكم و ربنا يجازيكم كل خير :)

**gebreel** · 29-01-2014 03:11 PM

الصيانة دي بالذات لازم في التوكيل

**islamaaa** · 30-01-2014 11:46 AM

ممكن تروح مركز معتمد زي عثمان موتورز ف شارع فيصل الناس بتشكر فيه واسعاره اقل من التوكيل والصيانه بتتعمل قدامك والناس هناك زوق
بس نصحيه لوجه الله متعملش الصيانه دي بالذات بره يا التوكيل يا اما مركز معتمد