سكوتر ولا باجي ولا موتوسيكل؟

**novocaine** · 30-01-2014 09:15 PM

أنا ساكن قي زايد و شغلي في المهندسين، و مشاويري كلها كباري أو طرق سريعة، و بصراحة بقلق من الموتوسيكلات كسيفتي، بس الموضوع ابتدي يلعب في دماغي. فكرت أجيب باجي صيني عشان مش محتاج تركيز في الـتوازن، بس مش عارف ده تفكير صح و لا لأ. مشواري اتجاه واحد 40 كم. هل في حاجة هيستحمل المشاوير دي؟ شفت إعلان البيجو الميتروبوليس، بس غالي جداً. مش عايز أشتري حاجة أغلي من 10 اّلاف.

حد يقدر يفيدني؟

**abusalah** · 30-01-2014 09:27 PM

أنا رحت بالسكوتر القرية الذكية كذا مرة لكن المحور رغم ان الحفر فيه قليلة بس قلق برضه لو طريقك يوميا، والمشوار عايز حاجة وزنها أتقل من السكوتر عشان الثبات.
الباجى مش ثابت برضه عشان وزنه خفيف مقارنة بالسرعة اللى انت محتاجها فى طريق زى دة.

**samakaerror** · 01-02-2014 06:34 PM

السكوتر جميل جدآ فالطرق السؤيعة... بس المشكلة فالثقافة المصرية عن الدراجات عامة ... انا معايا سكوتر و انا ساكن فى زايد .. و رحت بية كذا مرة الزمالك و ارجع .. و بيبقى معايا المدام كمان ... هى متعة بس رعب من الميكروباصات و جهل السائقين .. و ماتجيبش باجى عشان مافيهوش سيفتى بردة... هاتلك سكوتر بس ما تستنااش انو يكمل معاك 5 سنين مثلأ بنفس الحالة, و دمتم

**novocaine** · 02-02-2014 01:21 PM

شكراً يا أستاذ
samakaerror
ممكن أعرف السكوتر اللي مع حضرتك نوعه إيه؟ الواحد ممكن يمشي علي كام عالمحور؟ جربت تطلع بيه المحور بالليل؟ ممكن الموضوع يكون أرحم شوية لو مشيت في الحارة اليمين طول الطريق؟ أسئلة كتير والموضوع قلب بتحقيق بس كل مابافكر في الموضوع بيجيلي رعب !

**samakaerror** · 02-02-2014 03:06 PM

المشاركة الأصلية كتبت بواسطة novocaine

شكراً يا أستاذ
samakaerror
ممكن أعرف السكوتر اللي مع حضرتك نوعه إيه؟ الواحد ممكن يمشي علي كام عالمحور؟ جربت تطلع بيه المحور بالليل؟ ممكن الموضوع يكون أرحم شوية لو مشيت في الحارة اليمين طول الطريق؟ أسئلة كتير والموضوع قلب بتحقيق بس كل مابافكر في الموضوع بيجيلي رعب !

يا سيدى انت تأمر.. انا معاياسكوتر اسمة mz و دة المانى تجمييع مصرى... ظريف جدآ و 150 سي سي و دايمآ بمشى بية بليل عالمحور و دايمآ كنت بروح بية هايبر قبل ما يمنعوا الموتوسيكلات من الدخول للباركينج و دلوقتى بروح بية مول العرب من وقت للتانى بعد الشغل مع المدام بدل سواقة العربية طول اليوم